九巴41A點解往尖東唔全程西九龍走廊?

kingprowm 發表於 2018-10-6 10:32
停葵涌交匯處還好，停美孚就不好了

我真係唔明點解九巴唔善用葵涌交匯處作為荃葵青路線間的轉車站，咁鍾 ...

兩個原因

一係有地方比人轉港鐵。青衣北未必 feel 到，但麗城海濱梨木樹，甚至長青康亨，南行轉鐵其實去美孚快過喺區內轉。

二係葵涌交匯處唔夠長。雖然美孚自己都唔見得好，但葵涌交匯處更短（南行尤甚）

如果有得大改，或者美孚南行站改去橋面好啲：橋面慢線改做巴士專線，其他車只要唔係落西廊就全部趕落橋。咁樣應該得番 38A、40 (40A 都可以唔落) 同啲 N 車（N241 同 N368 可以唔落）一定要落橋，影響大為降低

1500 補：我唔敢話我講得好，但我呢篇文係好認真諗，唔係撩交嗌，唔該反對嘅人俾個理由。

238X 發表於 2018-10-6 14:00
兩個原因

一係有地方比人轉港鐵。青衣北未必 feel 到，但麗城海濱梨木樹，甚至長青康亨，南行轉鐵其實去 ...

大改成本太大

除非橋底巴總要重建，否則單獨搞一個幾萬都唔知埋唔埋到單嘅工程只係為咗停美孚西廊線快2-5分鐘，及/或不停美孚西廊線加停美孚唔太划算
美孚轉鐵嘛，效益坦白講唔大，因為第一西鐵線月台遠離美孚站分站位置，轉車唔方便不如喺番荃灣轉，第二轉荃灣線嘅話意義不大，因為荃灣線之後路段都同深長荔線平行，而荃葵青除咗38A都冇其他線係美孚止步的
如果美孚係好似金鐘咁三/四線交匯（假設有第二南北線經美孚、昂船洲、東大嶼去中西區），同時西廊線：長沙灣道線係1：1，咁先有意義駛錢用橋面空間整大型巴鐵轉車站

leo_ku 發表於 2018-10-6 13:46
呢個做法我支持，我上面只係話唔想揾荃葵青綫幫手找美孚條數啫。

坦白講，美孚都算係荃葵青區出九龍嘅咽喉位
用深水埗區資源嘅話，走線點定？只做美孚又夠客？
至少四小龍已經有701，冇可能陪你兜出美孚再返轉頭走；深水埗各小區都唔會可以搭到美孚而快得起

而家只可以幾害取幾輕，搵巴士最具競爭力嘅青南去幫手食咗美孚呢個死貓去，總好過用需要同其他屯門線競爭嘅63X去食美孚
當然42A要改快都有好多問題處理，例如落唔落尖沙咀，收$7.8定$8.9，242X點樣處理，高鐵站入長沙灣道最抵玩路線點樣算......

Ricky403 發表於 2018-10-6 15:39
坦白講，美孚都算係荃葵青區出九龍嘅咽喉位
用深水埗區資源嘅話，走線點定？只做美孚又夠客？
至少四小龍 ...

其實如果要做美孚旺角特快，仲有條 46 好值得考慮，因為條線點都要停美孚

至於 42A，本身頻密班次，如果青南特快落旺角，但班次疏成倍而且收貴兩級，競爭力可能有限，
加上改 42A 會有好大阻力，不如直接減少少班連同 43C 換 242X 全日，九龍方向直出西九龍站，
或者停一停奧運站再直出尖沙咀，仲實際

回程旺角特快競爭力應該大過去程

S3BL100 發表於 2018-10-7 00:41
其實如果要做美孚旺角特快，仲有條 46 好值得考慮，因為條線點都要停美孚

至於 42A，本身頻密班次，如果 ...

係就係值得諗，但收費真係會出事，除非45減價

至於242X全日，我寧願搞循環，去程雅翔道>廣東道>彌敦道>欣翔道，去程加個BBI比人轉隧巴過海，自己袋袋平安$16

反正議員攬42A平車密車出旺角，西九龍站開左又有流水角色(未開本身都有)，直拆尖沙咀線會好過拆旺角

Ricky403 發表於 2018-10-6 15:31

美孚轉鐵嘛，效益坦白講唔大，因為第一西鐵線月台遠離美孚站分站位置，轉車唔方便不如喺番荃灣轉

荃灣轉車就係衰要上上落落，美孚相對而言行少好多，而且全部落斜。

頭先我講嗰啲 36A / 42A / 234X / 238X，全部都係落得區內地鐵站，上述車出得到美孚嘅 case

就算石籬用呢個 point 都講得通 (31B / 36B)，只不過轉車站改咗去荔枝角

你就好似當我講咗無講過咁，不斷話番區內轉順路 / 快啲

238X 發表於 2018-10-6 14:00
兩個原因

一係有地方比人轉港鐵。青衣北未必 feel 到，但麗城海濱梨木樹，甚至長青康亨，南行轉鐵其實去 ...

出去轉快過所謂區內轉，其實好多地方都係咁...
好似我平時康翠出去，除非過海，否則都係出觀塘、彩虹轉好過寶林轉

秀茂坪、安達安泰，乃至西貢呢啲全部都係，如果去中九龍、西九龍，都係過彩虹轉直接過落觀塘、藍田、坑口等等

leo_ku 發表於 2018-10-5 22:16
3站都停，反正都無人上倒不如唔好停。

冇人上唔代表無人落，當年41A改特快，冇咗葵交個站，變咗要去到美孚行返轉頭去貨櫃碼頭，隔咗兩年幾三年先由41補番呢個bug。