明日大嶼的鐵路走廊

053h4 發表於 2019-3-2 10:22
新界西港島連接係來係糖衣毒藥，唔重覆。

而近岸生態價值，因為陽光可以照到落去。

唔搞山墳式填海，用返傳統方法做，再喺新海岸做返生態海岸線會不會比較實際？

另外，除左因爲同鐵路共構，由交椅洲填海區經青州、小青州到卑路乍灣巴總落橋應該唔駛太多橋躉，但航道淨空係另一個考慮因素。

巴士的膠 發表於 2019-3-2 11:19
唔搞山墳式填海，用返傳統方法做，再喺新海岸做返生態海岸線會不會比較實際？

另外，除左因爲同鐵路共構 ...

基本上成個愉景灣老鼠樂園梅窩坪州嶼南都無乜合適地方可以比你近岸填海
其實最應該收返老鼠樂園呢個虧錢大毒瘤，拎返黎做商業住宅區，本身有鐵路，再唔夠地就沿竹高灣慢慢填出去。

至於堅城海邊起橋會踩中保護海港條例要打官司。（一條橋"等都算填海）
而且土木署顧問研究2017年早就出左，討論公路用橋隧各種方案，最近先有中文版，好鬼長，有興趣自己刨晒佢。
VVVVVVVV
連接堅尼地城與東大嶼都會的運輸基建技術性研究-可行性研究

值得留意的是，顧問對東大嶼接港島的硫磺海峽鐵路方案都建議用海隧方式，
而且居然可以是沉管方式？！！！我以為深海必定只能用鑽挖...

053h4 發表於 2019-3-2 12:02
成本低用沉筒隧道，好似港珠澳就係先掘海床，再安放沉管並回填，不過沉管係施工其間可能對航道影響較大， ...

我諗深海沉管都應該唔平，果到成30米咁深，工程難度亦唔會低去邊，香港從來未起過咁深既隧道。

鑽挖式不嬲越深越貴，而且地質唔可能100%磡探得到，挖到啲奇怪野增加難度就係超支延期既無底深潭。

20160424 發表於 2019-3-2 11:58
基本上成個愉景灣老鼠樂園梅窩坪州嶼南都無乜合適地方可以比你近岸填海
其實最應該收返老鼠樂園呢個虧錢大 ...

文件有一處話鐵路在摩星嶺登岸時位於主水平基準以下24米，港島段都應該好深。

但係港島唔深入CBD的話，意味乘客都係要搭港島線轉車，除非有後續，例如直達中環南及金鐘，或者諗辦法駁返北港島線－將軍澳線，否則始終到喉唔到肺。

DIH 發表於 2019-3-2 14:29
文件有一處話鐵路在摩星嶺登岸時位於主水平基準以下24米，港島段都應該好深。

但係港島唔深入CBD的話， ...

咁講即係要東鐵過多次海

DIH 發表於 2019-3-2 14:29
文件有一處話鐵路在摩星嶺登岸時位於主水平基準以下24米，港島段都應該好深。

但係港島唔深入CBD的話， ...

文件中如果我無睇漏的確無講到去左堅尼地城站後，有冇後續可能性
但當然，政府請顧問研究一早已前設好研究東大嶼至堅尼地城呢一段，
顧問無收多佢錢梗係交返同樣既貨出黎，唔會比多佢。
但照地理位置睇，應該係可以繼續東行穿山去中環南附近。
FF東大嶼做起點<>堅尼地城新站<>中環南<>金鐘<>會展<>紅磡<--->羅湖/落馬州
咁樣條線就可發揮最大作用！仲有某人至愛既頭等。

發雞盲更新及補充，顧問係有指出新建鐵路站方案，車站日後可延伸至香港島其餘地區
-------------------------
4.3.7 與延伸港島綫相比，新建鐵路綫在以下方面更有優勢：
• 新建鐵路綫既不受港島綫載客量的限制，亦不受速度、信號系統和列車類型等設計標準的限制等；
• 不需要與西港島綫越位隧道相連，初步研究顯示該工程非常困難並可能會影響現有的鐵路運行；
• 新車站可能會增加堅尼地城地區的鐵路網絡服務範圍；
• 通過乘客通道更易實現與現有堅尼地城站的連接；以及
• 新建鐵路綫有可能延伸至香港島其餘地區。

以及研究報告中文及英文版本原來有異
中文版係精華建造方案共36頁，英文版本先係最終報告共180頁，好似呢段中文版應該係無左

即再強調新車站長遠有繼續延伸可能性，視乎政府鐵路發展策略。
所以政府肯定唔會將佢駁到堅尼地城就算，除非想港島線逼到死。

另外，英文報告第156頁睇到如採用新建車站方案去東大嶼海底隧道
用沉管方式建造隧道最深(?)會到達主水平基準下約42米，對比港珠澳主橋海底隧道最底部達水深46米。
用鑽挖方式建造隧道最深(?)會到達主水平基準下約52米。對比屯赤海底隧道達水深60米。

英文版報告180頁（54.7MB）

20160424 發表於 2019-3-3 11:20
發雞盲更新及補充，顧問係有指出新建鐵路站方案，車站日後可延伸至香港島其餘地區
----------------------- ...

我之前ff
屯嶼港鐵路：Map：h ttps://drive.google.com/open?id=16h3Py1D1pj8QXVCpCmZdV1rypOXwVQH-&usp=sharing
可以延伸至灣仔？