明日大嶼的鐵路走廊

053h4 發表於 2019-3-19 22:42
寧願整間"新創建-載通-第一-鐵路" ，搵間外國公司合資做幾年營運權 點都唔好再比港鐵。九鐵西門子問題都要 ...

用舊用模式, 分開都無用, 尤其搵私人公司去做更加係牙煙

你要公司負責晒成條鐵, 等於要巴士公司負責整路
咁有成本壓力下發生乜事, 好難明嗎?

20160424 發表於 2019-3-19 22:22
有趣既係交椅州過淺海再穿山上欣澳貴過極深海去港島一大截

仲有政府賣定關子話新鐵路唔一定交比港鐵營運。 ...

不一定交由港鐵營運，但香港起鐵路嘅技術人員，主要咪又係港鐵。

當然，可以搵中鐵落嚟起，甚至由九鐵出名搵人起，再自己監工，但當大判細判都係果班人，交嘅貨有幾大分別就真係要拭目以待。

053h4 發表於 2019-3-20 09:11
英國大把合資經營鐵路管理公司，包括港鐵。

有人出錢，有人出人，有人出管理技術。

你又要私營公司互相競爭, 又要佢地洗大錢去確保安全...你覺得穩陣嗎? 路軌唔安全一般人識揀?


唔係太清楚英國點樣拆, 但似乎英國都唔係由同一間公司營運同維護更新軌道硬件, 同以前地鐵同九鐵各自全包唔一樣

仲有英國當初私營化係搞到一鑊泡, 宜家開始國營化先好左



至於日本, 我唔覺得佢地由第一日開始就好穩陣wor
都係用人命實踐出黎既教訓

053h4 發表於 2019-3-20 13:22
唉，你講咁多野，港鐵點解可以係外國有服務營運權？

港鐵同政府講數，係基於有合理而非過多的利潤前提下 ...

港鐵係外國既經營權模式同係香港一樣?

瑞典果條MTR Express, 車同路都唔係港鐵整

20160424 發表於 2019-3-19 22:22
有趣既係交椅州過淺海再穿山上欣澳貴過極深海去港島一大截

仲有政府賣定關子話新鐵路唔一定交比港鐵營運。 ...

佢咁樣拆，東涌線同西部外走廊鐵路嘅轉車站好大機會喺欣澳。但東涌方向月台近車尾部分，有一大堆機房等設施，要整個方便嘅十字換乘都頗難，尤其仲要咁近海。

巴士的膠 發表於 2019-3-20 13:49
佢咁樣拆，東涌線同西部外走廊鐵路嘅轉車站好大機會喺欣澳。但東涌方向月台近車尾部分，有一大堆機房等設 ...

明日大嶼計劃中欣澳站對出會填海，可以整地底車站，
欣澳站玩架空轉乘仲要十字型又要避公路迪士尼線難度高應該唔可能
順勢睇過東灣去小欖都會係海隧，然後經地底入屯門，咁駛八百幾億就一啲都唔出奇

053h4 發表於 2019-3-20 14:01
而家港鐵有整車？咪又係招標買。

起鐵路，得港鐵一間識起？全世界咁多公司重總承建商。好話唔好聽，港鐵 ...

你叫鐵路公司全包, 佢地一樣搵外面人做, 你自己都講左
但係競爭壓力下, 私營公司出幾錢搵乜野人做?
如果你嫌宜家模式唔掂, 諗住引入私鐵, 唔好忘記人地唔係開善堂, 缺水下係可以更唔掂

美國幾年前一單轉彎出軌炒車, 就係鐵路公司無錢, PTC 裝左一半拖住未用得, 跟住超速咪出軌