明日大嶼的鐵路走廊

mak5052 發表於 2018-10-10 16:26
在東大嶼都會的鐵路構想中有一條交椅洲至昂船洲線，也許此線變成喜靈洲 - 交椅洲 - 南昌？（建議繼續到鑽 ...

睇返第二南北走廊條虛線，應該九龍個轉線站會喺美孚，然後直接入沙田，反正去東涌同港島都可以用西部外走廊，而去美孚主要係轉荃灣線出旺角/荃灣、屯馬線去紅土尖沙咀。呢個設計平，但更加塞爆市區綫。

東九龍綫同好多人諗過嘅觀塘海濱綫反而我覺得應該砌成X形
東九龍綫用中型鐵路/膠輪，由寶琳/科大經原線到鑽石山後經美東、九龍醫院、旺角去九龍站
觀塘海濱綫就經觀塘碼頭、九龍灣國際展貿中心、啟德、旺角（亞皆老街水務處附近地底，比現有月台深）、大角咀、荔枝角南（興華街/通洲街交界，與第二南北綫十字換乘），石籬、梨木樹、荃景圍（近荃灣線盡頭，設新站換乘荃灣綫）、深并、掃管芴駁返西部外走廊，預留向北延伸入大棠一帶

儘量避免東大嶼客流入市區綫，造成迫上加迫

巴士的膠 發表於 2018-11-2 12:22
睇返第二南北走廊條虛線，應該九龍個轉線站會喺美孚，然後直接入沙田，反正去東涌同港島都可以用西部外走 ...

條東九龍綫大概咁？
h ttps://www.google.com/maps/d/u/0/edit?mid=1pImDDcE4jq2UnlylMuUUk8KHedeiGCa9&ll=22.327926466735484%2C114.18899371386567&z=14
(Ps: 彌敦道旺角站結構下方極難擴建，所以止於旺角站東面）

Lyt_Kondisc 發表於 2018-11-2 13:25
條東九龍綫大概咁？
h ttps://www.google.com/maps/d/u/0/edit?mid=1pImDDcE4jq2UnlylMuUUk8KHedeiGCa9&l ...

止於旺角站以東嘅好處係觀塘海濱綫唔駛掘咁深，因為只有一條線會穿過彌敦道，東九龍綫月台可以同現有月台深度一樣，但就同觀塘綫收左落將軍澳站下面一樣，以後唔駛旨意延長。

擴建方面，同馬頭圍道差不多，封亞皆老街介乎西洋菜街到通菜街一段、半條亞皆老街東行綫介乎通菜街到洗衣街，然後分開左右兩半起個站再歸位。基本上由起彌敦道地鐵到依家個施工方法都無變，唯一係要拆哂成個旺角站D出口重建比較花工夫。

我X!今次又來一鐵獨大

我將前幾個網友既提議改小小，並加入新路線，唔知大家點睇。
查看
首先，現有東九龍線(紫色)改名為北九龍線，以主要服務東九北部未有鐵路區域，以及作將軍澳區第二條鐵路。
而新東九龍線(綠色)則服務南部，並延伸至藍田北及小西灣。此外，此路線將沿啟德體育園延向旺角，令此路線亦能分流起動九龍東所帶起的人流。

Kit2030 發表於 2018-11-3 00:32
我將前幾個網友既提議改小小，並加入新路線，唔知大家點睇。
查看
首先，現有東九龍線(紫色)改名為北九龍線 ...

如果我冇理解錯，閣下方案中於鯉魚門過海嘅路段應該係海底隧道。呢一帶嘅海床非常深（30 米以上），並唔適合以隧道跨越。詳情請參閱此帖文。

Concordatio 發表於 2018-11-3 03:49
如果我冇理解錯，閣下方案中於鯉魚門過海嘅路段應該係海底隧道。呢一帶嘅海床非常深（30 米以上），並唔 ...

香港島到交椅州好像也大概30米深的樣子？

qunow 發表於 2018-11-3 08:44
香港島到交椅州好像也大概30米深的樣子？

交椅州去堅城 最深約29米
鋰魚門最深係40以上