議員要求將軍澳建碼頭

(東方日報 17/10/2018)
議員籲區內建碼頭紓塞車困局
   
【本報訊】將軍澳主要依賴一鐵一隧出行，一旦鐵路出事，便要靠最便捷的將軍澳隧道，惟禍不單行，駕駛者一窩蜂轉用將軍澳隧道，易生交通意外，連鎖反應下將軍澳淪為「孤城」無路走。有地區人士建議以水路解決將軍澳區出入問題，促請政府多管齊下，解決區內交通規劃問題。

指將藍隧道難救近火
立法會議員兼西貢區議員范國威指出，目前出入將軍澳有四條路線，包括最多人使用的港鐵將軍澳線、來往觀塘的將軍澳隧道、由寳林北路直上經安達臣道的山路及經清水灣通往彩虹的道路等。由於後兩者路窄彎多，故幾乎大半將軍澳居民均選擇港鐵及將軍澳隧道出行，一旦該兩條路線癱瘓，就會對區內交通造成巨大影響。

為解決區內交通問題，政府正進行將藍隧道工程，預計二一至二二年完成。但范認為「遠水不能救近火」，政府應更積極採取不同短期方案解決燃眉之急。他建議可以水路解決將軍澳區出入問題，包括在將軍澳南興建碼頭，營運來往小西灣的渡輪，可有效解決區內居民過海問題，而渡輪與港鐵的競爭性及營運成本仍需要進一步研究及商討。

西貢區議員方國珊亦贊成開拓水路，認為可立竿見影紓緩區內塞車困局，她批評政府官僚，無積極考慮航道，多年來無視居民訴求，促請政府盡快多管齊下解決問題。



將軍澳碼頭如果開渡輪，去小西灣做乜？應該去西灣河/北角就真！

係開就應該將軍澳~觀塘~北角，小西灣就……

RE508@41 發表於 2018-10-17 19:21
係開就應該將軍澳~觀塘~北角，小西灣就……

如果將軍澳要開渡輪航線
建議獨立一條航線，不要跟觀塘航線合併
最好就調景嶺~將軍澳南(近將軍澳海濱公園)~西灣河/北角

小西灣主要係住宅區(但有非常少量工業區)，開航線去小西灣始終作用不大

另外可以考慮響將軍澳工業邨近海皮興建公眾碼頭，方便在將軍澳工業邨返工的市民
如果要去小西灣的，建議開條來往小西灣至將軍澳工業邨的航線，咁就更實際

有事故的話接駁渡輪目的地應該直接停到油塘就可以了吧，相同資源最高密度

未來有將藍隧道

將軍澳站行去海邊都要十分鐘


加上出事起黎邊度搵船行

dogdog002 發表於 2018-10-19 22:59
將軍澳站行去海邊都要十分鐘加上出事起黎邊度搵船行

如果係突發的緊急服務﹐有番4小時以上去call 船﹐就搵船唔係太難﹐始終新記都有後備船的。

再唔係﹐香港有個唔知乜鬼會的﹐係一眾本地商業載客船公司組成的﹐有需要時政府會聯絡他們﹐安排他們派船做緊急服務。
(註 : 汲水門橋被船撞的事件﹐政府就有啟動機制﹐叫這個會提供緊急服務﹐但準備船的期間就大橋通番車而無需提供服務)

只係救到幾多人的問題。


長遠來講﹐如果將軍澳碼頭的選址係方便到當區人前往﹐的確又有價值去起的﹐真係招標做一條固定航線(可考慮早晚繁忙時間才有服務)。

航線就正如上面所講﹐將軍澳<>北角 <> 觀塘(按實際情況)
現時交通情況﹐應該有得做。
如果做到30分鐘去到北角﹐又可以同MTR車費有競爭力﹐我覺的都有唔少人會選用。

只係問題在將藍隧道通車之後﹐這條航線又有幾多人選用。



PS. 有人網上放料﹐C公司想發大本地航線﹐有前中港雙體船加入本地服務﹐仲想做現時中環出發的航線。
話唔定﹐將軍澳有碼頭 + 政府真係招標新線﹐C公司可能真係會入標。

將軍澳海濱公園有登岸梯級，如果經營規模細，應該可以直接用，而唔使起碼頭，根據此新聞稿，「......政府則主要以公眾碼頭和登岸台階作登岸設施。政府設置的公眾登岸設施為所有本地船隻而設，主要供船隻作上落乘客之用」。即如西灣河線用的觀塘公眾碼頭規模都係好細。

航線方面，如計地鐵同道路都要較長時間到達而船有優勢的，可能只得尖沙咀／尖東，中途可以加停北角、西灣河。此航線若要在日常營運維持競爭力，可能要用較快速的船。至於來往將軍澳至小西灣／柴灣，冇錯船係快過陸路，但唔知有幾多需求，議員們不如幫居民聯絡船公司包船好過。

kei_hk 發表於 2018-10-23 11:32
再唔係﹐香港有個
唔知乜鬼會的﹐係一眾
本地商業載客船公司組成
的﹐有需要時政府會聯絡他們﹐
安排他們派船做緊急服務。

港九電船拖輪商會

但唔係定期服務嘅應難成事