運輸署擬增設油尖旺青衣深宵小巴 N241何去何從

有泥蜢的咪幾好

有泥蜢的咪幾好，夠晒快，用家而言絕對支持。.

樓上成班紙上談兵，都唔知有冇搭過N241
N241深水埗長沙灣一帶個個站都有上有落，同時間服務緊油尖旺返深水埗區+深水埗返葵青的需求
加埋咁多區的需求，凌晨3、4點往青衣的班次先可以坐到半滿
講到cut線改線咁容易，深宵需求係咪真係大到可以開返3、4條頂替返原先N241的覆蓋範圍呢？

da370 發表於 2018-10-24 00:59
樓上成班紙上談兵，都唔知有冇搭過N241
N241深水埗長沙灣一帶個個站都有上有落，同時間服務緊油尖旺返深水 ...

根本 N241 同新綠小河水不犯井水，可以各有各做，綠小也不得對 N241 構成好大威脅

da370 發表於 2018-10-24 00:59
樓上成班紙上談兵，都唔知有冇搭過N241
N241深水埗長沙灣一帶個個站都有上有落，同時間服務緊油尖旺返深水 ...

正正因為多人上落所以先要特快。
你諗下 N241 元州街站站停，加埋等燈時間，比起行長沙灣道真係慢好多。
如果你有試過紅磡站上 N241 返荃灣，基於沿線停站，如果上唔到 0100 班 N241，搭下一班去到美孚會見住 N260 走，搭下一班 N269 將會趕唔到 N36/39。
當時為咗少少轉乘優惠，無選擇喺紅隧口上過海線，結果要夜晚落住雨行上山 (返荃景圍)。
而通宵線資源唔夠大家都知，無理由其他區就死兜爛兜先返到屋企，而有一班人就唔近中軸線但樓下有車。
一句到尾，我主張 N241 行長沙灣道，並減少車站數量，睇下快咗幾多先，先再諗西廊重組方案。
日間非繁旺角返美孚，carlo 肯踩的話 102 返到美孚，架 6 仔都唔知塞燈塞到去邊。

你試下 N260/N269 兜上大窩口道沿線停站，然後荃灣段行沙咀道? 俾人鬧爆都似。
正如 N241 兜茘景山，明明順路都係慢，因為要沿線停站。

最後南行仲有條 N21，夜晚仲有紅小，再唔係就加 N21/N796/N216/N271 轉 N122/N171 轉乘優惠，好似取消 692 咁。

結論: 如果通宵線定位係行中軸線，咁唔該每一區都行中軸線停大站，確保站位 cover 到合理步行距離 (正常速度 10-15 分鐘) 內大部分乘客，而唔係下下兜入內街。否則，唔該加資源請多一大堆通宵車長 (almost impossible)，每區兜足每一條邨。

tonychow 發表於 2018-10-24 13:42
日間非繁旺角返美孚，carlo 肯踩的話 102 返到美孚，架 6 仔都唔知塞燈塞到去邊

102 旺角返美孚梗係快啦，佢落緊客，仲要係過咗旺角落到七七八八嗰隻

唔好話 6 號仔，就算 238X 都唔係佢對手

有時我走車，後面有架 102，多數北河街爬頭，怡閣苑落車可以輕輕鬆鬆行去 238X 個位等

kingprowm 發表於 2018-10-22 22:25
大西北大把小巴線出油尖旺，仲要用 N241 資源服務，有病

屯廠大把車大把資源，用自己的資源搞 ...

講真﹐九巴肯放多少少資源在N線網絡﹐已經可以引番部份人用N241。

上面有人講青衣唔夠人養一條只來往油尖旺的通宵線﹐連屯門元朗都唔夠客﹐所以屯門元朗都無車直出油尖旺。
某情度上同意﹐不過都有其他方法去提升N241的吸引力﹐又對其他使用者負面影響減到最低﹐同時為唔少人帶來正面影響。



肯將N241分拆﹐將美孚至旺角一段 及 荔景山至葵芳一段 拆做新線。

N241就旺角至美孚一段改行西九龍走廊﹐經美孚站做現時的轉乘及分拆出來的新線轉乘。
美孚再經葵涌道去葵芳﹐與新線做轉乘。

而2條線轉乘係不限方向﹐即係可以荔枝角上車去美孚﹐轉N241去尖沙咀 或 青衣都可以。

這樣﹐車未必用多好多﹐但係大部份人的乘車時間就會縮減﹐係可以引番部份乘客轉回坐巴士的。


可惜﹐九巴及政府根本無心去了解通宵線的問題及需求﹐一味用番N年前的需求想維去做﹐令到乘客轉投非法的士服務。

kei_hk 發表於 2018-10-24 16:11

可惜﹐九巴及政府根本無心去了解通宵線的問題及需求

出於健康同治安角度考慮，任何政府 (或者做政府嘅人) 應該都唔鍾意市民無端白事出夜街

而對巴士公司嚟講，夜晚通常係用嚟做維修或者準備下一日做生意，而且通宵車正路支出應該較多，收入反而較少，呢啲嘢對佢而言無肉食唔奇

小巴同泥鯭的個生態同巴士係唔同，所以佢哋比巴士肯去係正常。

238X 發表於 2018-10-24 16:20
出於健康同治安角度考慮，任何政府 (或者做政府嘅人) 應該都唔鍾意市民無端白事出夜街
...

咁..... 係唔係應該全面取消所有通宵巴士線﹐通宵小巴線﹐禁止的士在深宵時間提供服務?

便利店唔可以24小時營業﹐所有店舖深宵時間都要關門?

kei_hk 發表於 2018-10-24 16:23
咁..... 係唔係應該全面取消所有通宵巴士線﹐通宵小巴線﹐禁止的士在深宵時間提供服務?

便利店唔可以24 ...

係「唔鼓勵」，搞清楚。

呢啲嘢，中國大陸都 ban 唔到啦