「鐵路3.0」之構想

TM4922 發表於 2018-11-15 18:41
香港冇救LA，被廢鐵包圍LA

真係好笑，擴展鐵路網路居然畀你講成大災難咁，你冇嘢下話?

f2l 發表於 2018-11-16 18:11
1. 天北支線既然意在分流接駁交通嘅人流，咁只要人流最集中嘅路段得以舒緩就已經可以，亦可以講天榮站唔使 ...

一.
怒我直言，我覺得你講嘅嘢毫無邏輯可言。市民搭車通常只會考慮最方便就腳嘅重鐵站轉車，唔一定要喺市中心轉。第二就係三個站分擔人流點都好過兩個站，你斬左天榮站啲人都只會走哂去其餘兩個站轉，結果令平均每站嘅人流負荷更大。仲有，天榮站擺正人口密集嘅天中地段，能有效減少乘客依賴路面接駁工具。

二.
北環綫同西鐵共用軌道會分薄後者班次，須知道洪水橋/元朗南/錦田南等多項地區發展會令西鐵負荷越來越大，尚有嘅班次容量應該留返正線西鐵。走線上北環線東延至粉嶺南唔覺有咩問題，東鐵都係咁行。

三.
「田景站」係擺喺鳴琴路地底，至於「屯門公園站」係擺喺鄉事會路地底，點會冇位?

香港黃毛小子 發表於 2018-11-20 20:37
一.
怒我直言，我覺得你講嘅嘢毫無邏輯可言。市民搭車通常只會考慮最方便就腳嘅重鐵站轉車，唔一定要喺市 ...

一、天水圍搭西鐵嘅人唔會因為車站多咗而改變喎，站嘅人流分薄咗，車唔一定會鬆動咗，換句話講起兩個站同一個站係冇分別。另外，多個車站就要多舊錢，考慮埋cost-effectiveness我唔覺得要喺市中心起多個重鐵站。
二、OK，就當我一開始計漏咗洪水橋+元朗南，北環線南延有一定嘅需求，但係係咪一定要荃灣-荔景-旺角咁起？好多板友都指出荔景並唔適合擴建做一個大型嘅轉車站，走線上由荃灣直出旺角/太子就咁睇都係可行嘅。至於北延，我可能係理解錯，樓主其實係想古洞之後一開二，一邊去東北，一邊去粉嶺南？
三、嗰兩個位地底有啲乜係冇人知，而且嗰兩條路都係附近區域嘅主要對外道路，起嘅時候嘅交通影響又要點解決？