單戀之痛

我鍾意左一個同我同班既女仔, 佢係果種極度之乖, 性格略帶孤僻既人,
佢係果種可以同人完全唔講野既人, 除非你同佢好熟.....

我同佢唔熟, 但我又想接近佢, 可是佢對人冷淡的表情同我害怕失敗的性格令到我拿不出和她打招呼的勇氣....

單戀左3個多月, 但我地的關係停滯不前, 我終於忍唔住,
於是我前後放左2張咭同一封信落佢既LOCKER(信內有暗示對她有意思.....同問下佢一齊同我周圍行下..)但最後我都係得唔到任何的回應........

我好傷心, 但一日唔知道佢既心意, 我都唔咁心,
而且我愈愛愈深, 之後上堂成日掛住望, 又向佢做 升空高fly 片頭女主角個過用兩隻手指住人的動作,  結果搞到好多人知道左, 聽聞我仲整喊埋佢##:-/

佢始終無同我講個野, 但佢宜家好憎我, 完全唔想彩我, 但我又唔想放棄,
我應該點做好?#:-X
p.s. 我連佢電話都無......


   傷得太深 皆因我太認真......
一切已成了無可挽救的絕望, 我只好帶著滿身傷痕的身驅獨自遠離....
我傷得深不要緊, 但令你傷心才最使我痛心......

佳節將近, 理應興高彩烈的慶祝, 但我卻要承受孤寂的傷痛,
這是上天給我的考驗? 我還有一線的曙光嗎?

到現在才確信, 思念是一種痛苦, 分手是一種折磨...

人生就是無奈!

等待著不可能發生的奇跡, 期盼著不會實現的美夢
1311 - 悲痛欲絕

[ Last edited by 1320 on 2005-2-6 at 04:37 ]

今晚見到我隊愛隊祖雲宜家仲輸緊1:0好傷心
估唔到見到呢篇仲傷心的文..

首先回應以下數問:
1. 係咪真係你整喊佢先? 可能係傳姐
2. 我想知果個手勢係乜, 因為我無睇過套戲
3. 你話她依家好憎你, 你點知的? 因何見得?

請先回答此3問題~~
仲有, 唔好太唔開心啦, 見到你篇文真係會諗你係咪一邊打一邊喊

Deleted

[ Last edited by SS8 on 2005-10-12 at 21:47 ]

[ref=124771]SS8[/ref]  在 6-2-2005 08:49 發表:



呢度我同你一樣，不過佢就唔係性格略帶孤僻既人…#:-*




同意！！佢一日唔表態，未必代表唔鍾意你…#;D

我以前 (初戀之前) 仲衰啦, 鍾意人又唔敢同人講, 不過個女仔
唔係於主動個種, 不過佢就冇咩朋友既, 平時做野個時都有成
日諗住佢架..可惜當我知佢知道我鍾意佢之時, 佢已經離開公
司 (不過好肯定佢唔做, 同我鍾意佢冇關囉)

嘩...
女仔係好怕俾人知道有人鐘意佢ga...
千祈咪做揚野講呀~~~~

佢唔表態唔代表唔鐘意你?
咪玩啦...只係因為佢想避你，
根本一句野都唔想同你講。
如果你再迫落去的，
只會變對頭人呀~

你仲唔想放棄? 件事已經做唔到大半，
你係唔係想成件事都禍晒先收手呀?

醒下啦樓主~

我覺得唔好再表態鐘意佢住喇....

你應該首先沉默一陣... 待這件事沖淡......

之後才再慢慢同佢溝通.... 不過記住! 純粹係想做朋友o個隻....

要讓她知道你只想和她做朋友...., 做o左朋友, 之後先再作打算喇~

[ref=124725]1320[/ref]  在 6-2-2005 04:35 發表:
傷得太深 皆因我太認真......
一切已成了無可挽救的絕望, 我只好帶著滿身傷痕的身驅獨自遠離....
我傷得深不要緊, 但令你傷心才最使我痛心......

佳節將近, 理應興高彩烈的慶祝, 但我卻要承受孤寂的傷痛,
這是上天給我的考驗? 我還有一線的曙光嗎?

到現在才確信, 思念是一種痛苦, 分手是一種折磨...

人生就是無奈!

等待著不可能發生的奇跡, 期盼著不會實現的美夢
1311 - 悲痛欲絕

呢一段真係唔話下你都唔得....
唔係因為你太認真，
只係因為你連少少膽都無，
就話想去追人。

追還追，
你都要俾自己真係識左佢，
俾佢識左你先啦...

就咁追，自己又要無膽，
咁點得ga?

你咁唐突

唔嚇死佢都算好囉...

[ref=124974]windcaptain[/ref]  在 2005-2-6 15:01 發表:

你咁唐突

唔嚇死佢都算好囉...

查實點先為知「唐突」呢? 係尷尬? 抑或難堪?

如果你真係唔想放棄既話
你不如鼓起勇氣三口六面同佢講清楚
得唔得都好啦
起碼叫做曾經嘗試過
雖然話咁樣未必可以追到個女仔
但我諗如果你唔試下追佢r
到呢個女仔有男朋友果陣(其實佢本身有冇男朋友架？)
果陣時你先後悔已經太遲

如果追到個女仔既就梗係恭喜你啦
但如果唔得既你都千祈唔好勉強
對佢死纏爛打
因為愛一個人同佔有一個人係唔同既
如果佢唔鍾意你
就算你得到佢既肉身都冇用.....

不過響你同佢講之前
首先你要confirm一下
究竟你係咪真係鍾意個女仔
同埋你覺得自己有冇能力
響如果真係追到佢之後
有能力令佢唔會因為鍾意左你而感到後悔
(如果你唔係抱住玩玩下既心態既話)