港鐵有冇條件更改平日/周末的頭尾班車時間？

搭過幾次頭尾班車，發現到基本上頭班迫過尾嗰幾班好多，因為好多都要早出門的上班族，
反而夜歸需求就冇咁大，比較大的都係星期五/六晚。

港鐵可唔可以方便返返早嗰班的乘客需求，星期一至五可以提早頭車時間30分鐘，星期六都可以酌量提早？

不過，為配合例行維修工作，星期日至四晚要提早尾車時間30分鐘，假期前夕例外，
例如荃灣站平日頭尾班時間開0600-0030，就會變成0530-0000
同時，由於通關時間限制，東鐵線無法更改頭尾車時間。

唔知如果除咗東鐵線之外，其他本地線平日早開頭車同尾車，大家有咩意見？

要做﹐實做到的。
重新編過份時間表之嘛﹐最難只要過係不同線的頭尾車﹐在轉車站抵達/開出的時間﹐要夾好時間﹐令月台職員清晰知道﹐做番相應的程序。
其餘都係睇番需求班次﹐重新制定不同班次密度時段長短﹐

跑馬拉松咪就係提早開頭車﹐特別加班車有幾班車較密﹐之後再用較疏的班次﹐直到正常頭車時間再跟番原本的時間表運作。


問題係有什麼誘因﹐要做到某幾日早開早妖﹐某幾日就遲開遲收?

kei_hk 發表於 2018-11-10 22:38
要做﹐實做到的。
重新編過份時間表之嘛﹐最難只要過係不同線的頭尾車﹐在轉車站抵達/開出的時間﹐要夾好時 ...

如果每個站頭尾車時間一齊改咁多，咁轉車站夾車難度唔會話特別大，
以我所知最少市區線尾車前半個鐘都隔10分鐘一班，
不過如果要改嘅話，東涌線同康城車有機會難夾啲。

其實咩時間要唔要早開/遲開頭尾班車，要睇返清晨/深夜時段乘客需求而決定
參考一河之隔嘅深圳，星期一至五/星期六日同大時大節會有三個頭尾車時間，
星期一至五頭班車早少少，而大時大節會遲一個鐘尾班車。

搭得頭班車，好多時係有必要同趕時間，否則大部分人寧願再瞓多陣，
而搭尾班車，必要性就冇咁大，尾嗰幾班啲人通常都係玩完蒲完，
提早頭班車比延遲尾班車更加實際，如果冇辦法長期延長服務時間，
咁可能要提早返尾班車時間，因為每晚例行維修時間已經好短。

你講的馬拉松提早開頭車係其中一個例子，我覺得每年仲有一日港鐵係有需要早開頭車，
就係復活節長假第一日，未天光就有好多人趕去機場羅湖落馬洲，
聽聞6點半上水去羅湖/落馬洲啲車已經迫到爆晒，
由市區搭頭班車邊有可能6點半去到上水? 咪自己諗方法轉東鐵囉。
觀塘線頭班到九龍塘係0604，但九龍塘去上水車程都成半個鐘。

gsrc0525 發表於 2018-11-11 00:02
如果每個站頭尾車時間一齊改咁多，咁轉車站夾車難度唔會話特別大，
以我所知最少市區線尾車前半個鐘都隔10 ...

如果真係為大眾提供更好服務﹐就應該廷長服務時間﹐而不是在個別日子整體服務時間調早調遲﹐否則只會係 "順的哥情失嫂意"﹐輪到收夜班的打工仔隨時無車坐。
例子就係西鐵通紅磡後﹐紅磡站2條線的尾車時間係不同的﹐西鐵係比東鐵早開出尾車的。
但實際上﹐當時西鐵係可以廷長紅磡尾車開出時間﹐但係又不影響維修時間。
因為新界出來的尾車都未抵達紅磡﹐都要等新界尾車到紅磡才可 "收工"。
結果就係隔左一段時間後﹐西鐵紅磡尾車就跟東鐵睇齊﹐即係開多唔知1班定2班車。
這就是真正為大眾著想﹐提升服務質素。


但係真係延長服務時間﹐間中一天半天係無問題﹐正如大節日可以通宵服務。
每天都係加長服務時間﹐就輪到是否有足夠時間做日常維修檢查﹐唔係一件簡單的事了。

kei_hk 發表於 2018-11-11 12:09
如果真係為大眾提供更好服務﹐就應該廷長服務時間﹐而不是在個別日子整體服務時間調早調遲﹐否則只會係 " ...

嗯，唔知有冇試過星期一至四0630前或0000後搭過港鐵呢，有留意嘅話返早個乘客需求一定大過深夜收工個乘客需求。
返早嗰班，除咗輪班之外，唔係輪班制嘅人都好多，老師或建造業等行業日日7點幾8點就開工，而深夜收工嗰堆好多絕大部分都係輪班。

機場夠24小時運作同有人返工放工，機場快線咪又冇可能開足24小時。

飲食業員工就係其中一群
收工接近凌時嘅行業之一
雖然話用巴士代替會較可行
但買咗月票嘅可能變成有得搭
而變成「蝕底咗」

東鐵除邊境站問題外
夜間賽馬亦是一個限制

你要問下一D東鐵路邊的居民和區議會肯不肯為你地有車搭而嘈多幾個鐘

本來機場快線往機場頭車5:50, 但荃灣線北行頭車要6:06,
成個九龍區搭鐵路去機場最早都7:00先到,
好多早機旅行團既集合時間都趕唔到, 被迫搭巴士.
其實荃灣線和東涌線頭車都可以早d.

我06：10喺旺角上荃灣線去中環嘅情況

miklcct 發表於 2018-11-15 06:18
我06：10喺旺角上荃灣線去中環嘅情況

所以咪建議將平時頭車改早半個鐘，嗰陣連九龍灣以東同深水埗以北嘅頭班車都未到，返早更（~7點）嗰堆打工仔唔搭頭班車真係隨時遲到。

戴頭盔先，我最多都係星期六先搭頭班車，不過荃灣線南行同觀塘線北行已經迫到平時早繁冇分別，星期一至五可能未必上到車。

唔知有冇人平日清晨5至6點搭出市區啲巴士，係咪已經好多人？