QRcode 入閘坐MTR﹐預料2020年中推出
[複製鏈接]
|
拍卡(NCF) 同 掃碼 (QR Code)﹐那一個較有優勢﹐都係睇情況而定。
不過﹐用於鐵路這些超高流量的地方﹐MTR都唔會計較設備成本﹐加埋只係單一功能﹐拍卡係具優勢一點的。
但係一些交易方便及時間唔係先決﹐掃碼就有優勢﹐特別係小型商戶﹐或發展無人自助服務。
搵支付寶原因﹐應該係他們的offline技術成熟﹐有其他報導講MTR係叫過所有入標公司去做示範的﹐在可靠性應該係支付竇係最好的。
而用於人流多的地方﹐必定係要用offline的﹐這一點唔會有人質疑的。
我唔相信有其他入標公司﹐會用online方式做這些交易。
online就算網絡情況極佳﹐都要幾秒才可驗證完成。
註 : 支付寶早前都開過記者會﹐發表offline的「乘車碼」服務﹐成套技術係可以用於MTR之上的。
據說支付寶用戶要額外申請才會有此功能﹐當中好似要綁銀行戶口/信用卡。
(後加回應)依家社會主流都用信用卡做主要交易，我相信香港人就算有冇優惠而跳唔跳槽，都有一定數量嘅人會用QRcode手機支付程式，相信對將來閘機係offline模式下以0.3-0.4秒處理交易唔大問題。反而我會擔心嘅係用入錢去戶口果一班，我見過唔少次係港鐵站便利店買嘢飲，經常都遇到呢啲朋友塞著個counter，同個店員嘈點解交易唔到，我希望只係少數人，否則繁忙時間咁樣阻著法都幾大影響。
這一點有部份認同的﹐有信用卡的人﹐仲點會同你用EPS之類。
但係手機支付主打係細額﹐以往好多時去細鋪用信用卡支付細額﹐真係比店員 45度角的(眼神)﹐甚至講明唔收。
近一年半載情況有點改變﹐唔少細店真係新增接受支付寶﹐但係一直以來都唔接受八達通/信用卡。
甚至乎開到聲叫客用支付寶﹐但係商戶唔係唔需要支付交易手續費﹐聽番來好似係1.5%(唔sure有無記錯)。
用電子支付真係大勢﹐大家都唔想帶一堆/找回一堆碎銀﹐店家亦唔想處理碎銀﹐結果就大家都想電子支付。
以前就八達通包攬晒細額市場﹐原因幾乎係市場上的唯一服務供應商。
現在好明確情況唔同晒﹐本地薑先有TNG(已轉型)﹐再有T&G﹐亦有2大公司﹐全部成本都低過晒所有對手﹐商戶只係投資一張紙牌又得﹐租部終端機又得。
當商戶的投資及運作成本越低﹐小店就越有興趣接受電子支付。
老闆都知道大家唔係咁想用cash的﹐特別係碎銀﹐電子支付係有吸引顧客的能力。
我自己以前都常用八達通做非交通交易﹐因為方便及免碎銀。(接受信用卡就會優先用信用卡)
但係今年開始情況就改變了﹐依次序係 支付寶 > 信用卡 > 八達通。
無計﹐支付寶優惠多﹐綁埋信用卡就可食埋信用卡回贈。
這樣﹐就明白點解八達通會排到最後才會用。
2大手機支付商﹐而家不停派錢目的﹐就係要令你們一班用家改變使用習慣﹐當你習慣左就會長期使用﹐就唔會輕易再轉其他支付方式。
所以﹐信用卡都唔係無危機的﹐只不過唔少人會綁信用卡扣數﹐信用卡公司唔會無晒所有交易手續費收入。
只不過﹐八達通的危機係最大﹐流失的收入會係最大影響的一個。
PS. 你講戶口唔夠錢扣﹐應該唔會在乘車交易發生。
|
|
|
|
|
|
|
|
|
#8意思應該想表達須保留
「只接受八達通/單程票」嘅
閘機,兩用果啲唔會係全部。 |
|
|
|
|
|
|
|
|
最好大機會係 V7 Pay。
我用得OePay﹐點解唔直接用八達通卡
T&G 都有機會﹐睇下老電仲想唔想去爭市場佔有率。
PS. 我好有懷疑﹐市場上有幾多人用 T&G?
除左無資格申請信用卡的人之外﹐有幾多人會選用T&G 作為日常銷費之用?
|
|
|
|
|
|
|
|
|
kei_hk 發表於 2018-11-16 10:15
拍卡(NCF) 同 掃碼 (QR Code)﹐那一個較有優勢﹐都係睇情況而定。
不過﹐用於鐵路這些超高流量的地方﹐MT ...
人啱啱收工未返到屋企，用緊手機覆，冇得quote引用請見諒。comment and 排版有咩問題我都係返屋企開電腦先執。
Quote 1: 所以我都唔意外係2大QRcode公司中標，特別近一年呢兩間公司賣廣告賣到成行成市，而且好多人用就知佢地的確成功插入香港市場，打得八達通弱點。我都明白支付寶個offline payment的確係高穩定性，甚至可以做到好似八達通咁即時扣數。
我又有少少好奇想問，其實online payment要做到少於一秒時間過數嘅先決條件係啲咩，照計就QRCode做到嘅事，以NFC技術好難三五七年內會做唔到。
Quote 2: 你都講到由以往細唔願意收支付寶，唔多唔少都係關成本事，到依家無舖頭冇QRCode機，唔洗處理啲散銀毫子嘅斗零數，再加上信用卡巨量優惠，完全係吸引咗好多人用。
只不過我觀念上覺得QRCode唔係唔好用，安裝再登記其實唔難，而係在於我角度嚟講，本身自己又有多過一張信用卡，又有幾張提款卡，計計埋埋其他雜類卡都差不多十張八張，我反而會考慮用apple pay/ Samsung pay呢類可以集合唔同卡種嘅應用程式，對於我呢啲懶人嚟講，打開wallet然後揀邊張卡比咩類型嘅交易，總係方便過，又開支付寶，又T&G，又開Oepay， 然後記邊個account比咩類型交易嚟得簡單得多。坦白講我到依家都未用過QRCode支付，正如我所講我更多考慮用NFC交易嚟取代八達通。
|
|
|
|
|
|
|
|
|
本帖最後由 clivetock 於 2018-11-16 22:59 編輯
其實我唔明點解啲人會覺得無現金就係先進，有現金就係落後，但係八達通都係無現金又會話佢落後；MTR提供多一種支付方式方便乘客我絕對歡迎，但係係咪一定要咁樣標籤既有嘅支付方式呢？
我自己張八達通基本上只會用嚟搭車，買嘢食嘢嘅一般都會比現金，除非大額消費就可能會碌卡，所以QR Code嗰啲未用過
至於你講到技術問題，八達通都係NFC，所以我諗NFC本身應該做到offline，Visa／Master目前一定要online嘅原因似乎係因為信用卡冇儲值額，所以要online交易以保障交易各方
|
|
|
|
|
|
|
|
|
Q1 : online 交易要終端機讀取資料後﹐要傳送資料去銀行/交易處理中心﹐再由他們審批交易(例如戶口有無錢﹐有無爆信用額﹐有無報失......)﹐再幾審批結果再傅回終端機。
整個過程就最少1秒係走唔甩﹐平均2-3秒。如果舊式仲用電話線﹐真係起碼10秒以上。
對於人流高的處理﹐交易時間就顯得非常重要。
這個情況就需用offline交易﹐終端機讀取資料後﹐由自己審批﹐即時自己決定交易是否有效﹐省卻交資料出街再等結果的時間。
用NFC 又好﹐掃code又好﹐讀晶片又好﹐以至磁帶﹐其實成個流程係沒有什麼大分別。
只係讀寫資料的媒體不同﹐同樣可以做到online及offline的。
PS. 支付寶/V7 Pay現時都係用online交易﹐需要2-3秒去處理一單交易。
PS2. 拍卡式信用卡亦可以用offline交易﹐有超市細額交易就係用offline﹐即拍即出單。如果你係駕車過隧道﹐用信用卡支付都係以offline交易的。
Q2 : 老實講﹐我係貪優惠的。
早2個月我更加細心去對月結單去睇信用卡回贈﹐發現唔單只用賺取支付寶本身的優惠(eg. 每月4-5張 $5優惠卷)﹐仲可以收取信用卡簽賬回贈﹐連獅子銀行的最紅獎償都可計算(視乎商戶本身的類別而定)。
所以﹐我真係貪優惠而用﹐會計算點去銷費去選用不同的支付方法。
PS. 支付寶/V7 都可以登記多張信用卡的﹐按你需要隨時轉用你指定的信用卡扣數的。
|
|
|
|
|
|
|
|
|
我唔會用 "先進"﹐但我會用 "方便"。
最少﹐唔駛為一堆神沙而去煩。
你又唔會帶出街用﹐但係又會收下一個收下一個﹐儲埋儲埋﹐都幾頭痕。
金管局部車﹐唔係成日到你家附近的。
多一種電子支付﹐就多一種方便。
至於用唔用﹐使用那一程﹐就係個人選擇。
|
|
|
|
|
|
|
|
|
visa/master 都講緊最快去到2022先有，外國好多一早已經有/引進緊。
怕其他方法慢嘅大可以整一半係八達通專用通道。
八達通死都唔落apple pay/ google pay，成個手機支付普及化係被佢拖後腳，港鐵/巴士公司加多幾款付款方法真係無可口非。
連香港人去日本都可以開張SUICA落手機用唔洗出卡果陣，香港八達通做咗啲乜野俾香港人/遊客呢？
印啲垃圾公仔圖案落張卡賣貴啲就叫做有創新有做過野咁吓話？
|
|
|
italk亞氏保加症討論者通病：魚蛋論、離地
|
|
|
|
|
|
如果你講方便跟本QRcode base 既就無八達通咁方便
八達通一拎出來拍落去卡機就搞掂
QRcode base 就又要開apps 又要開咩小程序又要gen 乘車碼
你知香港啲人唔到閘機都唔拎部電話出來架啦
如果真係要推唔該整返幾部八達通專用閘機, 廢事班人阻住曬
利申: 有用samsung pay 八達通, 使用感覺係最好既
而我自己都有用中國版微信支付，如果一早開定apps 用落都唔太慢
但問題係開apps 太多步驟
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
