九巴47X新增早上特別班次

一個水泉澳都可以令到一堆五毫子出晒嚟
水泉澳果然夠魔力

而上面講到咩劉千石湯家驊棄暗投明真心笑咗
唔敢講泛民係咪明
但中共幾時有明過?

又有人講到出賣工人既政黨係為基層做實事
真係又另一個笑話
佢地口口聲聲爭取七天侍產假
又周街掛晒BANNER又剩
到議案決議既時候竟然投反對票
為基層做實事?
真係人唔笑狗都吠

唔深入講政治
講番去巴士層面
啲一站式A47X同埋73B拖咁耐先至實施咪又係啲獻世派搞出嚟
講智商程度
獻世派真係最弱果個

kmb71k 發表於 2018-11-18 22:40
一個水泉澳都可以令到一堆五毫子出晒嚟
水泉澳果然夠魔力

一邊明刀明槍擺正個款講明我係衰咁款，一邊係虛偽扮好人但其實又係喑啞底做衰人咁款，就係咁簡單

kps19862008 發表於 2018-11-18 22:53
一邊明刀明槍擺正個款講明我係衰咁款，一邊係虛偽扮好人但其實又係喑啞底做衰人咁款，就係咁簡單
...

衰都有分好多種範疇。你認為建制派對你有益，唔怕認喎。

leo_ku 發表於 2018-11-19 09:33
師兄, 我勸你講說話小心D好, 費時一陣有人走去同板務投訴你,
我已經身受其害啦。

你連自己衰乜都唔知。

佢哋雖然立場錯誤，但唔係存心挑釁。我同佢哋雖然「道不同不相為謀」，只會點到即止，但亦唔會投訴佢哋。

唔該言歸正題，樓上各位有恩怨不妨另開新po解決，呢到係巴士論壇，唔討論政治。
另外47X特車長遠有加車空間，最理想係交比47A做埋。

講起政治，呢單野，程老伯同工X會係咁爭著邀功，又喺FACEBOOK同住戶信箱罵戰，邊一邊功勞大我就冇興趣理喇，我知既事實係：

1990年城隧通車，沙田各公共屋村都最少有一條城隧線，唯獨新田圍完全冇(今日青沙線一樣)，合理？唔通1990年就人口老化？唔通有數據顯示，1990年時沙田條條邨都對城隧線有需票，唯獨新田圍冇需求？

而家都仲話可以靠八仔BBI解決部份問題，當時呢D都冇。

面對此情況，作為當區區議員既程老伯，廿幾個寒暑一直噤若寒蟬。

直到2016、17左右，至見工X會有海報話新田圍欠城隧線，爭取47X上新田圍。

2017年7月，程老伯出海報不點名串對家，話爭取47X入新田圍嘩眾取寵不切實際。

而家？程老伯對2017年講過既野隻字不提，係咁話2018年點樣爭取，喂，就算係，都遲左28年啦下話？

mckhgc 發表於 2018-11-21 19:57
講起政治，呢單野，程老伯同工X會係咁爭著邀功，又喺FACEBOOK同住戶信箱罵戰，邊一邊功勞大我就冇興趣理喇 ...

梨木樹嗰兩條公民袋咪又係咁，條36B任佢地玩，人地提速反對，之後又跳出來爭取轉快~點知人地順佢地意見又反對過~搞到全日變兩班36X，到正式開辦仲只得一班，之後兩個廢物又繼續話爭取36X加班，不過而家人地睬佢地都傻，玩人地咁多次終於比人玩番轉頭，逐樣野拎走