運輸署應善用海柏花園總站

自從285摺線、274P搬走之後，海柏花園總站條雙坑就一直丟空，相反對面馬鞍山市中心總站就爆到早繁要泊街。

雖然雙層巴士線搬唔到入海柏花園，但隨著港珠澳開通需求增加，跨境巴士亦可以搬入去善用條雙坑，毋須泊街。

歡迎討論

唔係話善用唔到，如果巴士喺海栢開線，
冇幾耐班議員一定話要延長去烏溪沙架啦！

跨境巴有得諗既

海栢單係入唔到雙層巴士，已經好難再搵專利巴士入去，即使小巴用都相當唔方便，睇下26出站之後要兜幾大個圈就知。但俾直通巴用就真係值得研究，馬鞍山離港珠澳、深圳灣都相當遠，而近幾年多咗唔少操普通話高端人口，跨境大巴應該有得做，特別係港珠澳，即使之後A41P拉入口岸都搭到蚊瞓，開直巴會有相當吸引力

其實矮四百入唔入到個總站？入到可以開六八二特

Choi 發表於 2018-11-29 22:42
其實矮四百入唔入到個總站？入到可以開六八二特

無端端為個總站買矮e400？ XDDD

主要係既然市中心站擺係MOSTOWN 咁無需要擺條線係海柏個邊

053h4 發表於 2018-11-29 22:53
操普通話"高端人口" 去機場需要大D

龍運開A41X海柏花園-沙田市中心直入機場用單層有得諗。 ...

為咗"善用"海柏花園總站而專登整條線兼整幾架單層俾佢？
有冇阿茂整餅啲？

仲有灝景灣巴士總站，一條線都冇

HV7025 發表於 2018-11-29 22:32
海栢單係入唔到雙層巴士，已經好難再搵專利巴士入去，即使小巴用都相當唔方便，睇下26出站之後要兜幾大個圈 ...

唔係入唔到, 係唔夠安全者..好多年前FV6840係入過海栢試過路既..