梨木樹巴士不便利居民 區議員：多年無車出尖沙咀

Ricky403 發表於 2018-12-9 22:47
如果要經梨木樹出，我明你建議概念係好但細節位好易出事

我地都唔係唔知梨木樹議員特別鐘意要求堆線入總 ...

梨木樹本身有36A/B
喺總站有車出長深荔/油旺既情況下，確實好難要求佢地袋一個唔入總站既方案
所以上面我話殺36A/B砌32X，都特登強調南行入總站（北行落客站位相對唔重要）
順便試下upgrade 36M轉鐵客（美孚轉車會快過葵芳）

麗城<>象石<>梨木樹<>佐尖線 唔同
佢地本身無車出尖沙咀，唔係既得利益者
無變有，入唔入總站佢地都要支持

至於行西廊塞車問題，源頭多數係加士居道天橋
固然塞車嚴重既時候，會連累埋去尖沙咀車流
但望返之前6X行車片段，其實對車程唔係真係咁大影響
尤其西九龍公路尖沙咀出口，以致佐敦道都一樣會塞車
而行西廊佐敦/油麻地南個站位好過行3幹唔少

如果真係覺得西九龍公路好過西廊，可以放棄飛葵涌道天橋
當然咁做會影響頭段吸引力，但同時做埋葵興芳/大連排
最終分分鐘會仲多客都未定

而無論如何
下繁南行我覺得可以試下開特車，停大連排，做工廠區>尖沙咀客
24一棟工廈都可以打爆幾班車出旺角，以大連排規模我覺得有得玩

而北葵涌真係先専心搞好35A/X好過

35A/X要搞，但唔代表36A/B/32/31B唔能夠同時重組
呢堆線走線過時，有唔少班次載客率低，又佔用大量資源
遲早都要執

238X 發表於 2018-12-10 17:03
以西面嗰幾座出巴士總站都要行一段路嚟講，要佢哋行埋出邨又好似真係「越來越過份」，須知當年舊站係喺正 ...

如上面所述
36A/B替代路線係要入總站，但尖咀線作為新線停出面問題不大

Ricky403 發表於 2018-12-10 17:07
我反而認為來回行九龍公園徑+紅繞最大問題係鐵路最唔到嘅尖沙咀北面完全食唔到
佐敦都係其次
大半個新界 ...

留意，你回緊個帖，係講緊10598C口中既尖咀紅土線
尖咀紅土線如果唔行九龍公園徑+紅繞，對紅磡基本上就完全無吸引力
所以我個結論係，唔應該尖咀同紅土group埋一齊做

我係建議既尖咀線，走線係大致跟260X（見#139）
南行行廣東道>漆咸道南，北行行漆咸道南>彌敦道
正正就係你所謂既理想走線

至於280X走線
可以留意下各尖咀線既客量分佈
最多人既係尖沙咀南，其次係尖東/廣東道
280X做緊既所謂尖沙咀北其實好少人上落
考慮到尖沙咀北唔少地屬於九龍公園/天文台
客少唔難理解

不過亦要留意，佐敦其實係98D/296D/13X西行客倉
如果280X式走線可以喺柯士甸道加站，都唔係無可取之處
但考慮到班客由渡船街行返入去未必慢過搭車
我仍然會相對prefer南行廣東道漆咸道南

Ricky403 發表於 2018-12-10 17:15
嗱其實我都只係point out castanopsis站友提議嘅重組方式一個可見limitation而已
對於「梨木樹議員要求過 ...

不過，如果真有呢個問題存在，係咪往後重組建議可以更多地考慮梨木樹開逆走石圍角荃灣東呢？

梨木樹總站問題講完，見你呢句，講埋荃灣東
荃灣東我打算搵33A/37拆一條237X處理
葵盛圍>新區大窩口>荃富街>旺角>尖沙咀 咁行

leungky0528 發表於 2018-12-1 18:27
36A去遠啲最多奧運，去九龍塘油尖旺，新巴一定出聲。36B就自己攞嚟。936隻字不提，係咪有全日就咩走線都食 ...

同新巴有咩關係？你指咁都威脅到701同702？

castanopsis 發表於 2018-12-12 10:22
梨木樹總站問題講完，見你呢句，講埋荃灣東
荃灣東我打算搵33A/37拆一條237X處理
荃景圍>新區大窩口>荃 ...

唔明你想點行，荃景圍落完新區又返荃富街?

tonychow 發表於 2018-12-12 10:53
唔明你想點行，荃景圍落完新區又返荃富街?

打錯，想講葵盛圍，謝指正

葵盛圍位置本身都算尷尬 (其實所有圍都係咁)，一係就做頭站，一係就其他人兜上去，但兩者觀感都麻麻。
依家 37 收緊 $5.8，而且係直行長沙灣道。如果葵盛圍兜落新區大窩口再去荃富街先上公路，以旺角做比較，分分鐘同 37 時間差唔多，價錢就差一大截 (237A $8.1)。班次上，依家 37 開緊 15，唔算好差 (雖然半 hea 做，九龍段亦有塞車問題)，如果拆條 237X 班次得 20 的話就唔着數了。
葵盛圍難處理，我傾向唔搞佢住。如果任何其他區拆到條西廊特快，順路的話就用 37 加個 BBI 算，睇 ETA 決定轉唔轉車。
另一個我有諗過做法係葵盛開經半座茘景山同 46 重組，葵涌交匯處走人，不過對葵盛吸引力亦成疑，始終 37 出旺角真係唔慢。

castanopsis 發表於 2018-12-12 10:20
留意，你回緊個帖，係講緊10598C口中既尖咀紅土線
尖咀紅土線如果唔行九龍公園徑+紅繞，對紅磡基本上就完 ...

280X南行唔停匯翔道同埋尖沙咀北揀停聖安得烈堂，本身做緊嘅客已經偏少
睇過行車片，可以肯定柯士甸道基本上冇可能加到站，巴士死行快線情況下都要2-4分鐘先由廣東道路口殺到去彌敦道路口，加咗站就分分鐘整癱條路

同時你指緊嘅尖沙咀線係出自邊個地區？
新西以外嘅路線，冇西鐵競爭，好難一概而論
我坐234X回程睇到嘅就係金巴利道上車人數同中間道相若，去程通常金巴利道>中間道 - 但中間有九龍流水混入，較難判斷
尖東基本上可以同荃葵尖沙咀線相比嘅，就得41A (同梨木樹比較) 同260X (同麗城、石圍角比較)
求穩陣，我諗九巴會拖到屯馬線全線通，觀察81C/87D/281A尖沙咀客量跌到如何先拍板做

但尖沙咀特快從來都有塞車問題，亦係趕客去西鐵嘅一個大因素，當然荃葵唔會用西鐵月票搭西鐵，西鐵整體車費連駁腳會貴$3-$4
如要得知除去價錢因素後嘅影響建議比較下268B/269B喺九巴出月票前後唔同時段客量有否改善

有時廣東道塞得都幾犀利，車龍由港威一路倒灌上西廊落橋位 (唔係講笑，真係見過不下一次Google Maps廣東道一路紅啡到去渡船街落橋位，似乎係違泊累事)
行西九龍公路，至少西九龍站出面實在少車經過，可以匯翔道中途插入去
之後行柯士甸道+彌敦道定係繼續廣東道+漆咸道南就各有好壞 - 覆蓋同車時嘅取捨
當然行西九龍公路幾乎肯定要拉入去停西九龍站
象山梨木樹黎講，葵涌道天橋+渡船街整體係會好過葵涌道下路+西九龍站，但對於麗城又未必適用
而回程石圍角去荃景圍天橋最快嘅路都要塞大河道+沙咀道，都會好影響麗城觀感
234C回程，拎走咗學生客，麗城客得番全車1/4~1/3，仲要係鐵路競爭力低嘅東九，競爭力高嘅九龍半島，情況只會更差
呢三者都係我唔建議麗城尖沙咀特快要兜石圍角梨木樹出去嘅原因
我理想建議中嘅麗城尾站，係基於非繁相對穩定地快過西鐵到目的地，來回程都係，繁時喺暑假都做到快過西鐵，哪怕讓5分鐘等車時間
咁做至少條尖沙咀特快對麗城真係有用，亦相對有理由縮短234X籌車開 - 變相拆線
其實調番轉可以諗諗，如果當初40入麗城，代價係34縮短至西站，麗城只比而家多大約六部車，兩位議員係咪會繼續支持方案？好難講。至少佢地肯定會提大河道以東沙咀道點補、40太世界級走線等問題，係新增十二三部車資源先拿拿臨支持再同你搞改總站咋

至於如果資源唔夠，而紅磡黃埔又應付到嘅情況下，尖沙咀特快都係要做大循環先有能力吸客，暫時唔做漆咸道南，再視乎之後資源運用情況再延長去尖沙咀東或紅磡站改兩邊總站
當然，都係睇心目中點樣重組嘅啫

tonychow 發表於 2018-12-12 11:36
葵盛圍位置本身都算尷尬 (其實所有圍都係咁)，一係就做頭站，一係就其他人兜上去，但兩者觀感都麻麻。
依家 ...

你最後建議嘅走線有337失敗例子
意味葵盛圍真係唔太大搞到
連237A上座率都唔係好嘅情況下，都係做好37/38孖寶實際少少