hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (F) Fantasy Zone / Fun享區 交通路線建議(F1) 建議隧巴 302 全日,重組 601P 619 641
開啟左側

建議隧巴 302 全日,重組 601P 619 641

  [複製鏈接]
castanopsis 發表於 2018-12-6 08:26 | 顯示全部樓層

                                    Advertisement



本帖最後由 castanopsis 於 2018-12-6 08:28 編輯

建議有亮點、無大漏洞,又比起現有網絡有進步
算係一個可行既重組方向

如果跟你個方向去重組,我會有幾個疑問——

早繁619/319/601/311/619X並存唔係問題
但其餘時間四順樂華、秀茂坪曉麗各自3條線出港島,我會好擔心客量
619/601早繁後其實唔少時段開緊15分鐘一班
山腰拆319/311,山頂再拆619X,只會齊齊30分鐘一班載空氣
如果堅持319/311山腰全日特快,619X唔應該延時,否則619X分走曬山頂班客,非繁會攬炒

按你個framework,若果真係要半全日一條將軍澳道東隧線
應該 石礦場>安泰安達>寶達>將軍澳道 咁行
同619/319/601/311做好分工

另外,新641/621/141定位好奇怪
621下繁走上去秀茂坪同619X/311/601爭食
141客量成疑

呢度我會跟返我之前建議
641/621早繁北行、非繁、下繁合併,行觀繞,開全日
港島走線去程跟619,回程跟307再加經北角
早繁南行繼續拆返開641X、621,港島走線另議
咁做可以做埋砲台山北角<>九龍灣商貿區既客,同時串埋啟麗/麗港城餅碎位保證客源
新641同你個方案係compatible

——————————————————

你個方案雖然無大漏洞
但有一個致命既原則性問題——
為咗令山腰有得快,犧牲山頂利益

601/619點解咁趕客,其中一個最致命既原因,係觀塘迴旋處
而兩條線客量流失最嚴重既,正正就係山頂既寶達/秀茂坪/四順
佢地小巴駁鐵可以完美避開觀塘道塞車,結果單係九龍段,就比601/619快足足20分鐘
要將呢班客搶返來,最簡單既方法,係619X加經秀明道、飛走北角全日
問題係,你為咗山腰一定要有服務上既改善,決定拆311/319
311/319開全日,就唔會夠客拆埋619X,結果山頂仍然係要繼續塞觀市
可以預期,311/319唔會有能力吸到幾多小巴轉鐵客
車程最難頂既 山頂<>中上環,仍然無理想服務
castanopsis 發表於 2018-12-6 08:44 | 顯示全部樓層
neoplan720p 發表於 2018-12-5 10:18
一、贊成619X延長服務時間,至於咩時段、咩方向入唔入秀明道,可以再傾。

二、當初我諗的九龍段方案(先 ...

其實係有方法解決九龍段問題
之前我提出既方案係——

602   慈雲山<>富山<>觀塘道<>藍田<>東隧<>灣仔北<>中上環  [=你既平地特快]
619X 彩虹<>四順<>秀明道<>東隧<>灣仔北<>中上環 [=你既山頂特快]

然後山腰

601   九龍走線不變,港島走線跟619,早繁金鐘止步,保留601P做中上環
619   去程行觀塘道下通道,觀市下站東隧

最後641如前面所述,飛走觀市同621合併全日

呢個方案巧妙之處,係619X港島走線直飛灣仔,主力搶新客
去北角銅鑼灣班客,會繼續搭619/601,有效避免兩條原有路線班次跌穿15
而個方案亦prioritize家陣最慢既山頂客
當然代價係善用唔到紅隧北行既優勢,但呢個可以再開下繁特班處理
而我亦一直覺得只要東隧應該好似紅隧咁加返巴士專線,行東隧其實唔會太慢
neoplan720p 發表於 2018-12-6 11:08 | 顯示全部樓層
感覺上,山腰同山頂較難做到同時有著數(即服務改善)。

************
繁時因為客源極龐大,所以山頂同山腰各自直出都無咩問題。

反而非繁難搞的地方,就在於客源縮減左唔少,同埋又要兼顧埋內陸流水客的問題。

******************
從方向來講,S3BL100 兄的重點擺係港島段走線同隧道線點樣去提速;
而castanopsis兄就擺多左重心係九龍段走線。

*************
S3BL100兄的做法,只要捱得過九龍段路,之後出入港島果段路係真心爽(因為311、319、302都有得飛東廊,同埋回程又避過下繁萬年塞的東隧)。
但山頂除左得條30分鐘一班的619X之外,就要坐返兜返落市中心的311 / 319,種感覺始終唔良好。

***********
所以,castanopsis兄就嘗試做大兼改快埋619X港島段走線。
本身我係支持改快 + 做大619X,但問題係咁樣拆完後,山腰地區好似無著數過,兼且要減班(雖然只係可能由而家12-15減到去20),但已經足夠俾班區佬嘈。

(反而S3BL100兄的做法,對山腰來講,唔單止班次無少過,分分鐘仲多左,兼且仲快左到達灣仔打後的地方)
古生死左,大家終於可以支持返青衣有合理既巴士服務啦。
 樓主| S3BL100 發表於 2018-12-6 15:00 | 顯示全部樓層

                                    Advertisement



本帖最後由 S3BL100 於 2018-12-6 15:06 編輯
castanopsis 發表於 2018-12-6 08:26
建議有亮點、無大漏洞,又比起現有網絡有進步
算係一個可行既重組方向
你個方案雖然無大漏洞
但有一個致命既原則性問題——
為咗令山腰有得快,犧牲山頂利益


呢個係取捨問題,我倒過來可以話你犠牲山腰利益。
而山腰接駁服務亦唔見得好過山頂,我真係睇唔到理由點解事必要優先照顧山頂

我手上無數據,但山頂係咪比起山腰流失更多比例乘客小巴轉鐵,好難下定論,
至少 22M 34M 34S 綠小一樣咁爆

亦好難話山頂係咪完全被犧牲。
至少經紅隧東九廊不停站返四順既 319,係幾乎肯定快過你個方案既 619X,
拉埋去程 319 慢過飛起北角既 619X,大致都係打和

與其話觀塘迴旋處塞車趕客(雖然呢點都係事實),不如話 601 619 山上打摺行法已經趕緊人走,
但因為山腰係既得利益者,601 619 全日版九龍段行法似乎無大執空間。
至於觀塘迴旋處,首先 601 港島方向行法,協和街落,基本上係唔受塞車影響;
其次 619 (319) 其實可以選擇落下通道走,又解決左一部份問題。
得返係回程,但我方案入面 311 319 回程都避左觀塘迴旋處塞車,
而你係用飛起銅鑼灣北角版 619X,都係得秀茂坪會快過我個方案,
但銅鑼灣北角上車乘客,同我個方案一樣,依舊避唔到迴旋處。
同時因為山腰繼續無快線,你個方案入面,回程避到迴旋處既人數其實比我方案更少

此外:

1. 你用 302 去做埋山下特快,首先回程比我方案更慢,
但更重要一點,係塞多條全日線落觀塘道,應該過唔到運吉一關,
同時又製造左新巴搶九巴 3D 內陸流水問題。
我既去程九龍灣觀繞、回程紅隧東九廊走線,就唔會碰到呢兩個問題,麻煩野越少越好

2. 601 過鐘問題無得直接搞,但 619 係有得搞既。
而你因為唔做山腰特快,619 無得改路或縮短,過鐘問題依舊,
亦唔會因為多左條一單連休可以比起 619 時段長度 (80 分鐘) 更短既 619X 就可以解決,你試下模擬下時間表就會明。
而因為 619 唔可以跌太多班次,變相成條 619X 等同新增資源,效率唔見得理想

3. 619X 飛埋北角銅鑼灣,可能真係太快,客源亦唔夠多樣化,
我個人始終覺得九龍港島只係其中一邊快,已經足夠,亦令客量更有保障,能更持續發展。
你可以留意下,我建議既 302 311 319,幾條線都係有超過一個種類既客源支持,兩個方向都係

4. 你方案入面,九龍灣車程唔見得吸引。
因應地區發展,九龍灣全日灣仔中上環過海線係值得做,當然要併多一兩個區。
要留意九龍灣呢幾年發展,交通需求持續上升,但 641 下繁過港島客量,
反而因為車程增加而不升反跌,趕左唔少客走。
強行 621 641 合併,兩個方向對九龍灣客都係唔吸引,
就算下繁過港島,避得觀塘巿中心塞車,繞道落橋去麗港城都係塞

5. 最後啟晴德朗,以現時服務範圍計,
灣仔內街返啟德,係沙中線通車後唯一仲有得玩既路段,紅隧東九廊遠比東隧合理。
當然我就做唔到北角炮台山來往九龍灣同啟德,但如果想做北角九龍灣,係仲有其他方法選擇

你可以再望下我既方案,我承認山頂某D位可能不及你既做法,
但大家出發點唔同,我係傾向全盤考慮各區需要,同埋刻意避開一D會出問題既位,衍生越少問題越好
fb.com/scientisthk2usa/
castanopsis 發表於 2018-12-7 04:12 | 顯示全部樓層
本帖最後由 castanopsis 於 2018-12-7 04:33 編輯
neoplan720p 發表於 2018-12-6 11:08
感覺上,山腰同山頂較難做到同時有著數(即服務改善)。

************

正解
繁時山頂山腰點拆都有客
無論用100兄定我個重組方向,一樣可以拆到山頂山腰一齊快
問題係非繁,擺到明無條件兩邊一齊快

100兄個方案半全日二拆五
望落好似區區有得快,但事實係條條線都30分鐘一班,仲要好大機會載空氣
而全日線二拆四,竟然仍然係無線將軍澳道走
我覺得好唔理想

你話我個方案會導致619/601減班,我反而唔擔心
601/619宜家太慢,搭全程由山頂一直碌到中上環既客根本就唔多,班客一個二個落山轉鐵
619X就算搶走曬山頂去中上環班客,對601/619影響都好有限
特別係重組後,我條601會理順走線拉埋落中環,食多班山腰>中環客
我有信心601/619重組後可以保持現有班次,最多客量稍跌(但跌完載客率都仲會高過好多東隧線)

而100兄個方案入面
北角銅鑼灣客既班次一樣俾人減到七彩
我個方案已經算係班次上影響比較細

最後想講一點
下繁東隧慢過紅隧,唔係因為紅隧唔塞車,原因純粹係東隧無巴士專線
我覺得解決方法應該係東隧加巴士專線,而唔係開始大規模咁將東隧線掟去紅隧
Bottom line,東隧塞極都係平日下繁5-7,就算唔加巴士線,下繁開紅隧特車,其實已經夠
castanopsis 發表於 2018-12-7 04:58 | 顯示全部樓層
S3BL100 發表於 2018-12-6 15:00
呢個係取捨問題,我倒過來可以話你犠牲山腰利益。
而山腰接駁服務亦唔見得好過山頂,我真係睇唔到理由點 ...

點解prioritize山頂
係因為山腰無論係搭小巴定巴士,都要塞同一條路落山腳,變相得港島段有空間做特快

單係港島段做特快,吸到幾多客回流,我有疑問

山頂唔同
佢地搭巴士要喺山腰打褶,呢段路本身係可以避免
山頂地理上可以做到九龍港島兩邊都改快(我個版本既619X)
咁就可以比現有619/601車程減少20分鐘以上,真真正正追貼小巴轉鐵既時間,吸引人回流

你話我619X客量唔夠多元化
我會覺得,人地一條967金鐘止步,只靠天北都做得起全日
619X秀順需求大咁多、做埋灣仔,客量點計都唔會差
更加唔好話我個方案做到彩雲,你個方案彩雲繼續真空

而講真
我真係會好擔心你個方案裡面619/601/319/311/619X非繁客量

你用 302 去做埋山下特快,首先回程比我方案更慢,
但更重要一點,係塞多條全日線落觀塘道,應該過唔到運吉一關,
同時又製造左新巴搶九巴 3D 內陸流水問題。
我既去程九龍灣觀繞、回程紅隧東九廊走線,就唔會碰到呢兩個問題,麻煩野越少越好

3D內陸流水根本唔係問題
分段收幾錢完全係任巴士公司定
九巴唔滿意既,不設分段一樣得

我個方案既好處,係客量夠穩陣
慈雲山加觀塘道,我估連非繁都有條件做到15甚至更密
比起你個方案單做一個慈雲山然後大半日開30,我覺得更理想
當然我同意回程行紅隧會短過東隧,但去程入九龍灣其實唔快得過行觀塘道好多
呢兩個方案之間,係車程班次之間既取捨

你方案入面,九龍灣車程唔見得吸引。
因應地區發展,九龍灣全日灣仔中上環過海線係值得做,當然要併多一兩個區。
要留意九龍灣呢幾年發展,交通需求持續上升,但 641 下繁過港島客量,
反而因為車程增加而不升反跌,趕左唔少客走。
強行 621 641 合併,兩個方向對九龍灣客都係唔吸引,
就算下繁過港島,避得觀塘巿中心塞車,繞道落橋去麗港城都係塞

上面為咗避免打太多字,省略咗好多細節
我個方案係——

上繁南行:641X啟麗啟祥道觀繞直出東隧,621維持原線,港島走線可以傾
上繁北行:641中環>灣北入境處>英皇道>不停麗港城直飛宏照道

非繁:641 啟麗<>宏照道<>觀繞<>麗港城<>北炮<>擦邊做銅鑼灣<>中上環

下繁南行:641 啟麗>宏照道>不停麗港城觀繞直飛東隧>北炮>擦邊做銅鑼灣>中上環
下繁北行:641 中環>灣北入境處>英皇道>麗港城>宏照道>啟麗

基本上港島去九龍灣既通勤客,唔會需要塞麗港城
我個方案既最大好處,係做到北角砲台山去九龍灣商貿區
北炮人口本身多過中上環好多,逆向客源亦定必較為可觀
而與此同時,本身搭緊641既中上環客,雖然要兜北炮,但因為同時飛走觀市,唔會慢咗好多

 樓主| S3BL100 發表於 2018-12-7 15:14 | 顯示全部樓層

                                    Advertisement



本帖最後由 S3BL100 於 2018-12-7 15:23 編輯
castanopsis 發表於 2018-12-7 04:58
點解prioritize山頂
係因為山腰無論係搭小巴定巴士,都要塞同一條路落山腳,變相得港島段有空間做特快

又再講下山頂 vs 山腰既問題

如果我無理解錯,你建議入面既 619X 係會兜入秀明道,至少港島方向如此。
對比起寶達,秀明道唔算好山頂,但入去就註定做唔到寶達客

寶達坐 601 比起秀明道要打多個摺,加上寶達本身有小巴快速駁藍田站,
而秀明道無,坐小巴都係落觀塘巿中心,同巴士行既路差唔多。
用你呢個原則,619X 係唔應該入秀明道

講到尾,我始終唔係好同意你既取捨原則。
同埋真係要比較山頂同山腰既話,可以留意到山腰既巴士線選擇其實係唔及山頂,
例如山頂本身仲有全日巴士去荃葵、沙田、港島東,而山腰無。
我會認為唔一面倒傾斜山頂先係合理

(順帶要提,我建議入面 601P 會留上繁去程但減兩班車,
311 有 601P 時段會寶達直落曉光街,已經打少成個摺,
當然慢過直出,但唔見得差過兜入秀明道再經將軍澳道落山)

你話我619X客量唔夠多元化
我會覺得,人地一條967金鐘止步,只靠天北都做得起全日
619X秀順需求大咁多、做埋灣仔,客量點計都唔會差
更加唔好話我個方案做到彩雲,你個方案彩雲繼續真空

967 雖然金鐘止步,但一樣透過 BBI 做到灣仔銅鑼灣以至大半個港島,
加上收費貴成倍,用客量計,回本門檻隨時低過 6 字頭九龍東隧線

我所謂「多元化」,係指超過一類客源,九龍區既有住宅,
亦有巿中心甚至商貿區,而港島亦包括返工地點同傳統旺區。
619X 九龍區全部都係公營房屋,我諗你可以先望下 603 非繁客量再評估下飛埋北角銅記既 619X 會係點

而客源「多元化」對於條線一日入面不同時間都有合理客量係相當重要

至於彩雲,我暫時會話我唔打算用 601 619 呢組線去 address 呢個問題,
要重組惠及佢地,仲有其他東隧線可以打主意

九龍灣來往北角炮台山同樣道理,但而家有左城巴 608,想像空間其實仲大左…


我個方案既好處,係客量夠穩陣
慈雲山加觀塘道,我估連非繁都有條件做到15甚至更密
比起你個方案單做一個慈雲山然後大半日開30,我覺得更理想
當然我同意回程行紅隧會短過東隧,但去程入九龍灣其實唔快得過行觀塘道好多
呢兩個方案之間,係車程班次之間既取捨

你無解決過我上面提出觀塘道極可能唔加得新全日線一點,而呢個問題,
我相信你亦無辦法解決。解決唔到,你成套方案既其中一個支柱就會冧

而你著眼點係潛在客源支持到咩班次,我既著眼點係
現有資源或者只係加少少新資源,有條件做到咩班次

我其實係得 302 311 基本班次 30,多人時段至少 15-20。
311 開 30 分一班,只需於其中幾個 601 時段出多一部車行

而我建議入面既 302 直頭由 111 抽車行

而你既建議入面,619 不變,601 非繁拉出中環仲要加車,
而且會令每時段頭兩部/尾兩部車都要對私或搵位擺。
但同時又多左 302(觀塘道版)、619X(飛起北角銅鑼灣)、621/641 齊齊入中環,
單從運吉角度,應該無可能批准大幅增加中環巴士流量

你等同要用多兩條線既資源去做,而我唔需要…

同時,你明知行東隧唔快,但為左滿足山上山下分家,結果條條來回都行東隧,
又強行合併 641 621,最後結果係繁忙時間又要拆多條真特快出來,
用更多車同人手之餘,亦更易造成混亂。太多唔同時段唔同行法既情況,
我認為 day 1 開始就應該要盡可能避免

你可以話係口味問題,但呢點係有實際考慮,
尤其是乘客角度,未必有幾多人鍾意簡單複雜化
fb.com/scientisthk2usa/
neoplan720p 發表於 2018-12-7 23:46 | 顯示全部樓層
反而從實際角度去想,

各位師兄有無關於呢幾個山頂、山腰地區的人口數字?

1. 安泰、安達
2. 寶達
3. 秀明道(包括整個秀茂坪)
4. 曉光街沿線
5. 協和街沿線
6. 樂華
7. 四順
8. 興田
9. 啟田、平田
10. 德田、廣田

如果有左呢堆數字,應該都會對我地分析巴士路線定位有唔少幫助。
古生死左,大家終於可以支持返青衣有合理既巴士服務啦。
YY487 發表於 2018-12-8 12:40 | 顯示全部樓層
提示: 作者被禁止或刪除 內容自動屏蔽
簽名被屏蔽
kay 發表於 2018-12-8 12:42 來自手機 | 顯示全部樓層

                                    Advertisement



人口多少唔算係重點,反而構思過程,有無諗過有咩局限,有咩潛規則同阻力。不過呢度有人鐘意接近推倒重來改變生態,但事實係根本唔會咁玩。
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 23:58

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表