觀光巴被控無牌經營食肆遭罰款

hkaiw 發表於 2018-12-11 18:36
兩輛可讓一般市民租用的觀光電車、一輛只供會員租用的 Circus Tram，以及5年前的 Detour 藝術活動中的餐車 ...

其實除了觀光電車外,香港幾間有觀光船業務的船公司(如:天星,新渡輪,油麻地),也有提供食物即場到會服務/容許參加渡輪派對乘客自行叫到會食物上船;
所以今次事件有機會令到營運多年遊船河的渡輪公司也有違法的危機.

AtrHenu 發表於 2018-12-11 21:59
其實除了觀光電車外,香港幾間有觀光船業務的船公司(如:天星,新渡輪,油麻地),也有提供食物即場到會服務/容 ...

正如前文指交通工具等於流動處所，即無法申請食肆牌照，如果這樣說從前避風塘那些在船上開設的「特色食肆」其實都是無牌經營。

PoohPoohJoe 發表於 2018-12-11 21:43
個問題係
巴士方面查詢牌照既時候
食環署話架車係流動處所

做生意，有法律疑難當然係搵律師，點會打電話去食環處查詢吓就算。發牌問題牽涉技術細節，一般查詢唔會仔細到呢個地步，法庭判案更加唔會因爲你打咗個查詢電話就覺得犯事者無罪。

AtrHenu 發表於 2018-12-11 21:59
其實除了觀光電車外,香港幾間有觀光船業務的船公司(如:天星,新渡輪,油麻地),也有提供食物即場到會服務/容 ...

水晶巴士好明顯唔係叫到會咁簡單啦，佢Sell嘅服務點睇都係包埋飲食而唔係到會，係經營緊流動餐廳。

053h4 發表於 2018-12-11 23:14
但以前慢船可以買餐腸面，應該有飲食牌？

呢樣嘢俾我諗返起以前中學食物部，因為無廚房，只有訂飯盒，同埋淥即食麪或米粉，同船一樣喺餐腸腿！估計用個碗加滾水淥即食麪，呢樣嘢可能係一個法例上既灰色地帶，現今可能只有提供熱水，自行淥杯麪了。

solomon 發表於 2018-12-11 23:26
呢樣嘢俾我諗返起以前中學食物部，因為無廚房，只有訂飯盒，同埋淥即食麪或米粉，同船一樣喺餐腸腿！估計 ...

賣簡單粉麵可以申請小食牌，門檻比較低。正式食肆牌有好多管制，最明顯係廁格數目。

https://www.fehd.gov.hk/tc_chi/licensing/guide.html

PB602 發表於 2018-12-11 23:20
做生意，有法律疑難當然係搵律師，點會打電話去食環處查詢吓就算。發牌問題牽涉技術細節，一般查詢唔會仔 ...

咁如果條條例有灰色地帶，律師都係會搵翻食環釋法？

咁我又冧，係咪佢請左律師就會打得贏。

不過佢係咪比人告左先知，先研究申請牌照呢……

最有效都係打電話嗰陣要食環出 written statement會好用好多。

其實我又唔明你洗咗咁多錢班兩部車返嚟，但係就唔肯洗錢請律師睇睇法律問題？
常理咁諗你上晒碟咁俾人，呢度係可能有衛生問題喎
唔係每人一個飯盒自己搞掂喎

JH_LE4612 發表於 2018-12-12 03:03
咁如果條條例有灰色地帶，律師都係會搵翻食環釋法？

咁我又冧，係咪佢請左律師就會打得贏。

香港係普通法地區，食環係執法部門，無權釋法，更加唔會出Statement去證明你犯法定非法，所有爭議應該以法庭判決為準。

而律師嘅作用係幫你睇番晒法例條文內容、食環署指引、法庭案例同過往判決，考慮當事人嘅技術細節，然後俾法律意見。比如城巴當年嘅早餐巴士，由食物供應商喺車外直接派食物俾乘客，然後先上車，城巴職員無處理過食物，明顯地背後有人教路點樣避開牌照問題。

再者食環署指引根本就無話流動處所可以免牌照，最明顯係雪糕車同美食車都要牌。