18X,113,608客量報告

roquelcm 發表於 2018-12-15 15:56
以我所知下繁606係多人過608

608下繁始終係半新服務, 人少係合理, 而606跌幅冇大家預期咁大, 可能令唔少人跌眼鏡.

608全日頭一個工作日, 我平時搭開嘅606班次, 客量係明顯大跌.

13:10彩雲開出, 平時下層坐滿窗口位過海, 當日得三個客(匪夷所思, 解釋唔到); 約18:00入東隧往彩雲班次, 平時上層六七成滿, 當日得三四成, 窗口位唔滿.

眼見部份平時搭606嘅轉搭608, 但之後幾日已經見番佢地上606, 其中原因應該有兩點:
1. 3/12下繁嗰班606遲過608兩分鐘埋站, 而其後九個一至五工作日, 608都比606遲到站, 根據ETA顯示, 大約遲十分鐘內
2. 新屎坑

606呢兩個班次客量, 下一日已經回升番去608全日前, 而過去一星期其中一晚18:00左右入東隧班次, 更試過上層九成滿, 其餘大致上是六七成滿.

下繁港島去九龍灣客唔多, 九龍灣個重點反而係講緊上車去彩雲 土瓜灣.

九龍灣往北角 鰂魚涌 太古 西灣河, 兩線最接近的上車站係606臨華街同608輔警總部, 以我搭開606 13:10彩雲開出班次計, 呢幾日都係同608拖住落北角, 換句話講, 兩線非繁九龍灣往港島做緊聯合班次, 既然兩線同一時間落到北角, 乘客會揀啱自己時間去搭其中一條路線, 但我唔認為九龍灣非繁轉搭608過海嘅客, 會對606客量有明顯影響.

下繁望過606往港島班次, 過海仍然要企人, 而608始終太新, 客量低過往九龍城好多, 幾晚見到17:45北角落橋都係得小貓幾隻(往九龍有二三十個客過海), 只係613級數(其實613下繁往港島差極都有十幾個客).

雖則17:30前少人放工, 但同時606客量冇乜大變動, 確係有點意外.

tonychow 發表於 2018-12-15 15:24
無知一問: 點解 18X 由模範邨去健康村要 5 分鐘?
基於路程好短而且無人問過呢點，係咪平時都係咁耐? ...

民新街-琴行街一段車多，好多巴士塞埋站
所以果一段平均3-5分鐘先行到一個站
平時唔駛咁耐

EX-TL 發表於 2018-12-15 20:10
608下繁始終係半新服務, 人少係合理, 而606跌幅冇大家預期咁大, 可能令唔少人跌眼鏡.

608全日頭一個工作 ...

咁608全日第一日黃昏返西灣河客量如何

S3BL343@66 發表於 2018-12-15 21:06
咁608全日第一日黃昏返西灣河客量如何

第一次睇唔記得係咪第一個工作日3/12.

只可以話第一次見到個客量都係唔見得人個款.

經你一講, 或者九龍灣上車站位有別都有影響, 往九龍, 608同606港島大致同站, 但九龍往港島, 只係得東隧口同站, 要改變九龍往港島乘客習慣, 實在需要加大宣傳力度, 要個客肯行去另一個站搭車.

反而106同608木廠街同方向同站, 而土瓜灣道就係相反方向同站, 起碼乘客等車時會見到608宣傳品, 吸106客去608會順利過吸606.

dennis28a 發表於 2018-12-15 15:20
最主要係 606 九龍灣客轉移去 608，上完 608 再轉新城車一定快過全程 606。
更加證明一點，九龍灣批客係 ...

no no no...

問題係，九展同樣係九龍灣客倉位之一，你又唔諗下樓主數到宏展街上車果六個客，
有幾多係九展或者宏天行出來？又有幾多係有 606 唔坐，專登由宏照道或者 megabox 行出去？

如果 608 食得晒九龍灣，點解樓主數到輔警同啟福道九展加埋只係得一個客上車？
又，如果行出面係食到九龍灣既，點解城巴明知宏照道較塞車都堅持 608 回程要直行宏照道？

同埋呢度有人數到
其他班次宏展街只係上到一個客喎…

如果真係想進一步搶九龍灣客、打擊 606 既話，
608 係應該啟福道九展後加停啟福道宏通街，食 megabox 客，
然後常怡道右轉宏照道上繞道，咁就真係食得晒九龍灣所有客倉位喇

其實608九展個站最有用, 就係做九展完show散水客, 油麗-東旭一網打盡.

不過前提都係要人地知道呢條線存在先囉, 唔係嘅, 講咩都假!

ricky 發表於 2018-12-14 23:22
113搬離西區及彩虹阻力都好大，維持不變算數。由彩虹縮短至黃大仙都係只少咗三四個站，算罷啦﹗
...

113縮去黃大仙都慳唔到幾多時間
依家113彩虹開都即上龍翔道, 停一停鑽石山站就已經係黃大仙
站數基本上同地鐵一樣, 行車時間都係幾分鐘

縮去黃大仙的話, 一出站右轉東頭村道, 停龍榮樓同摩士第二公園返回現時路線
對比彩虹開, 站數可以慳到3個
不過就會放棄橫頭磡 (依家都會有人上車, 雖然唔多)

S3BL100 發表於 2018-12-15 23:59
no no no...

問題係，九展同樣係九龍灣客倉位之一，你又唔諗下樓主數到宏展街上車果六個客，

606 非繁客量只係個乞衣兜，
就當你無錯，係宏展街有一半客都係九展、宏天、信工過黎，係 608 未出現前佢地搭咩？
咁又係行去臨華街搭 606，家陣批客頂多係 606 左手交右手。
我就更加唔信 608 全部係從天而降既新客，
尤其係當紅小嘗試過做柴灣去九龍灣，每班車頂多得一個客。

重申，606 非繁時段唔係好客，九龍灣三站夾埋頂多 3 個起 10 個止，
如果 15/20 分鐘一班 608 夾得走 2-5 個人走，直頭係夾打劫走 606 一半客源，最後只會累鬥累。

至於你想 608 點加站我無意見，
不過咁，城巴其實有做過路試，研究過全日跟 297 行宏照道上觀繞。
如果城巴真係咁重視 Megabox 非繁過海客源，全日第一日一早跟 606 同站擺啦。

我個人唔多睇好 606 同 608 非繁既情況，只欠在邊條線好命少少。