東西走廊全線行右上左落是否可行？

為咗解決西鐵同馬鐵行車方向不同，沙中綫已經起到條綫會喺土瓜灣站由左上右落變做右上左落。雖然而家已經起好就有得講啦，但係當年都有過統一行車方向嘅概念。因為香港行開左上右落，所以當時嘅討論理所當然一直圍繞住將馬鐵改成左上右落，而唔係將西鐵變成右上左落。不過，將西鐵變成右上左落其實會唔會先係最佳方案呢？
為咗方便馬鐵轉東鐵出九龍嘅人流，將馬鐵設計成右上左落係合理嘅。另一邊廂，南昌站嘅轉車方向可以話係錯配，令到西北出市區嘅人難啲轉車。不過，如果將西鐵變成右上左落嘅話，西北出九龍嘅人就可以直接轉去過海方向，而其他站亦影響不大，恁做又可唔可行呢？

P.S. 首次發文，請多指教！

錦上路車廠路軌配置問題

cruisesnet 發表於 2018-12-17 12:25
錦上路車廠路軌配置問題

幾年前某版友話過八鄉車廠要左上右落先可以俾啲車洗白白

西鐵調轉方向可以令美孚轉乘動線都改善埋，而家北上同南下乘客要打交叉。

非常阿Q地講，雖然米已成炊，都唔係物理上完全唔得，即使要遷就入廠，可以只改南昌美孚，在荃灣西以南及南昌以南隧道外再加扭紋柴跨線渡線就得，甚至挑戰訊號系統極限，用現有渡線，在南昌以南及美孚以北交叉行。（請勿認真）

之不過咁，起南昌站果陣無人考慮過中間會打開幅牆做轉乘，只係剛好兩鐵合併順手姐。

當年話改動太大，價錢太貴，結果咪搞笑地喺土瓜灣立體交叉，犧牲咗西鐵部分轉乘嘅方便性！其實依家起條鐵，唔再好似當年西鐵咁，為未來使多啲錢，可以擴容，之後各錢全部財餸食飯，財政預算僅僅夠過，結果就係設施唔夠應付之後需求，十年八載就爆滿，到時先算了！另外算得太盡，結果超支成為常態了。

當樓梯左上右落都搞唔掂。何況一啲要硬件配合既野呢？

lsc04d11 發表於 2018-12-18 08:43
當樓梯左上右落都搞唔掂。何況一啲要硬件配合既野呢？

鐵路改方向係郁一郁條軌，但係樓梯改方向係改習慣？

iPenguin 發表於 2018-12-18 17:13
鐵路改方向係郁一郁條軌，但係樓梯改方向係改習慣？

信號系統、閉塞區間、波口、燈號唔駛測試過甚至有改動？

eternalflame 發表於 2018-12-18 19:35
信號系統、閉塞區間、波口、燈號唔駛測試過甚至有改動？

西鐵綫信號系統(包括c hing所講嘅其他嘢)都支援左落右上
即係等於話改就改