建議重組隧巴 606 671 (606X 全日)

EX-TL 發表於 2019-1-1 13:44
監硬cut走太古 鰂魚涌 北角先夠砌你條606時段不變, 去鑽石山得嚟又要入九龍灣(非繁), 咁彩虹 鑽石山有地 ...

樓主好強調彩雲至銅鑼灣之間要有直車，但佢又無理彩雲去灣仔至中環的交通。但想提提大家，銅鑼灣返彩雲唔係完全無直車，夜晚登龍街有紅van去西貢，中途在彩雲都落到車。
調671去滿足彩雲「去銅鑼灣的獨特口味」，同時調606去鑽石山作「補償」，其實都九唔搭八。

EX-TL 發表於 2019-1-1 13:44
監硬cut走太古 鰂魚涌 北角先夠砌你條606時段不變, 去鑽石山得嚟又要入九龍灣(非繁), 咁彩虹 鑽石山有地 ...

606 做緊既耀東、柴斜、小西灣完全無地鐵

你成日強調鰂魚涌太古往來觀塘有客，但問題係呢班客就值得 606 一成不變，
耀東筲箕灣柴小客繼續兜到 2046？
為左令呢班客繼續左擁鐵路右擁巴士，而無視放棄呢班客既話
巴士去到第二度會坐擁更大優勢，無論客數同收入都賺反有突，
咁做係唔係本末倒置？

好老實，只係話有客，但如果繁忙時間唔使企，根本係唔合格。
而 606 而家一單無 60 個全費客都唔使回本，實際門檻應該再高少少

就算你想做呢班客，現狀真係最好？根本無理由 606 一線走天涯去做，
但如果拆線，就算你鍾意做返太古鰂魚涌，606X+606A 咁拆都好，
因為觀塘道流量問題，都會係兩條各 30 分一班，30 分一班又可以再趕多班鰂魚涌太古客落地底了，
但同時有潛力既西灣河觀塘就做唔到，
耀東柴小又要配合其他重組先可以抽走 606，重組範圍又進一步擴大了

根本「有客」兩個字就唔代表D咩。
我平時都唔鍾意出D令人由有變無既建議，都會盡可能諗辦法補晒所有位減少影響。
但事實係鰂魚涌太古往返觀塘有完美替代，往返九龍灣只要 608 加停宏通街
606 就隨時渣都無得剩，資源得咁多，又要考慮觀塘道流量限制，
無其他選擇下，不得不放棄佢地，為其他區份乘客帶來更合理合適服務，提升整體效益


---

講返彩雲，拉 111 固然唔可行，但拉 115 更差

拉 111，一單要行多五分鐘，等於一班車既時間，已經會影響到班次同時段安排，
但拉 115，一單應該要行多 15-20 分，115 既時段分配又唔使考慮？

qunow 發表於 2019-1-1 14:15
就是說既然已經有其他線做銅鑼灣

但如果 671 改入九龍灣同彩雲，銅鑼灣往返就會變成獨巿

停告士打道維園算係平衡速度同乘客需要

ricky 發表於 2019-1-1 17:14
你講明要去銅鑼灣嘛，111P過海後可以好似103咁行，咪可以經銅鑼灣囉，但你話111拆線唔夠車行，所以我再提 ...

淨係屋村又點？619 做緊既四順樂華咪又係屋村，但原來非繁比起淘大安基苑
又有住宅又有商場既地區仲多客

根本重點係佔有率幾多，佔有率乘人口又係幾多。
新蒲崗鑽石山佔有率咁低，就算有商場有人返工都無用，班人好多都唔係坐緊 671


係你好似覺得因為有條 671 所以南區同北角往來新蒲崗鑽石山既坐晒巴士，先得出錯誤結論

至於你既反建議，606 唔做九龍灣商貿區（非繁原來客量拍得住觀塘巿中心），東區會 ban；
671 彩雲用多三個字兜齊晒鑽石山新蒲崗先出去，又搞到無車來往九龍灣商貿區
或者（就算兜返入去都好）用多成倍時間先由九龍灣返到彩雲，又會 ban

就算要玩野要兜，都應該係鑽石山新蒲崗兜彩雲，而唔係調轉，用既時間都少D。
不過咁兜法，鑽石山新蒲崗又倒多班客啦，不如直頭彩雲開好過

根本新蒲崗鑽石山有齊替代品，仲有條地鐵，671 又唔係多人，無資格死攬
而唔俾其他區改善服務

(戴番頭盔先，小弟唔太熟識671/619/606，不喜勿插)

其實671做埋商貿區都唔係唔得，但淘大德福一帶咩補償都冇又難d wo，
而如果鑽石山/彩虹一帶要增加車程，佢哋會寧願唔改。
671始終一程車過海，比起MTR轉上轉係方便d ge。
如果要居民無條件交出671好難唔反對(加上其實非繁九龍灣段都總會每個站3-7個客左右，話多唔多話少唔少)。

而619同時有停九龍灣(只係個站停得唔夠靚)，
如果619諗到方法入牛頭角總站(近安基苑)，
咁可能671踢入商貿區有轉機。(唯一係商貿區非繁客量係咪咁好就難講啦)

S3BL100 發表於 2019-1-2 01:12
淨係屋村又點？619 做緊既四順樂華咪又係屋村，但原來非繁比起淘大安基苑
又有住宅又有商場既地區仲多客
...

唔好忘記619除咗山上屋邨，仲經淘大、牛頭角同觀塘客喎。
新蒲崗仲勉強有116呢個代替品，但鑽石山一定會死攬671，唔係你講到咁易對調，加上九城兩巴一向都唔係咁著重去改善某一條屋邨的交通。

ricky 發表於 2019-1-2 11:53
唔好忘記619除咗山上屋邨，仲經淘大、牛頭角同觀塘客喎。
新蒲崗仲勉強有116呢個代替品，但鑽石山一定會 ...

唔好忘記 671 改完之後除左彩雲，仲有九龍灣、牛頭角同觀塘客喎。

完

根本 619 每班車山上屋村既乘客數目，仲多過山下旺區，
你講到好似九龍巿區旺區客多過山上屋村，已經唔成立

兩巴係唔會特登改善某條邨既交通，但佢地會在意條線既營收係點，
606 671 對調總站正正係滿足到呢樣野

S3BL100 發表於 2019-1-2 12:33
唔好忘記 671 改完之後除左彩雲，仲有九龍灣、牛頭角同觀塘客喎。

完

呢樣嘢我(或者好多人都係)同你講唔埋，你講來講去都係為一條屋邨至銅鑼灣的一段交通而搞大龍鳳。
你鍾意點講就點講啦，你有你言論自由，但無乜人應同你。

插口講句，作為一個QB居民而又會用606非繁來往牛頭角的乘客，

條線不論繁時定非繁，係太古同QB的客佔比都好低。

************
以整體營運效率來講，606根本無必要再全日服務，當然要有幾個前提：
一、606X全日
二、耀東有合理補償
三、608、613可以免轉觀塘隧巴線（如601、619、606X等）

ricky 發表於 2019-1-2 14:21
呢樣嘢我(或者好多人都係)同你講唔埋，你講來講去都係為一條屋邨至銅鑼灣的一段交通而搞大龍鳳。
你鍾 ...

幾大場龍鳳？只係將 606 671 兩條全日線加埋兩味線 606X 重組，
最多再配合埋 608 宏通街加站，已經唔係其他好多版友好鍾意既五六線線甚至十幾條線拉埋一齊玩

或者咁講，606 自拆飛起太古鰂魚涌果 part，就算唔同 671 調總站，都值得做；
而 606 就算唔自拆，都值得同 671 調總站，兩條線客量都會有上升。
但既然都係要搞到條 606，加埋又只係牽涉三條線，點解唔一次過做埋？

我睇到既只係你死攬住條 671 囉，但好不幸地，606 鑽石山新蒲崗段係好大機會比 671 更多客

你話我為左一條邨去銅鑼灣搞大龍鳳，你又會唔會同樣邏輯話我為左港島東無鐵路地區
去新蒲崗鑽石山而搞場大龍鳳？

同埋，巴士公司營運角度，671 去彩雲既可行性絕對高過亂拉堆唔夠時間行既 1 字頭過海線上去先啦
重組規模固然影響可行性，但兩條全日線一齊重組係等閒事，
最後巴士公司都係睇會唔會正面影響收入、影響自己利益

係你呢D為左死攬條 671，連客觀事實同埋巴士公司運作上既考慮都唔理