[舊瓶新酒] 277X/277E路線重組建議

KC3555 發表於 2019-1-12 17:53
唔好玩啦，黑圈個位平時多人到爆，做上落客區。
你要堅持清河做尾站，咪將277B改華明開，返粉嶺南再去太 ...

黑圈位置係停車場，點多人到爆法？

你個方案我覺得唔可行
原因係華明唔會有人想搭277B逆走到清河先上公路
單靠百和路沿線同清河，277B無可能支撐到全日，頂盡只係做到繁時單向
其次就係皇后山粉嶺北條277X仍然要大半日兜華明，好唔理想

我覺得最可悲係，既得利益者嘅諗法。
清河社區一定要有既得利益，可恨北區重組一大批被削削的既得利益者今時今日仍然叫天不應叫地不聞。

如果重組可以推倒重來，俾我選擇，我絕對唔會將清河擺做尾站
但問題係米已成炊，你無理由叫清河放棄一條對佢地有用既尾站線

我同意北區好多地區都好慘
但有新人口新資源之下，我覺得改善聯和墟/皇后山/上水北交通既同時，唔應該攞走清河有既嘢
一來會招來地區反對聲音，二來亦都真係唔合理

鬥慘可以，但唔應該用魚蛋論思維去做重組

castanopsis 發表於 2019-1-13 09:04
黑圈位置係停車場，點多人到爆法？

你個方案我覺得唔可行

上水已經停車場唔係多，區議員都喺度嗌緊救命。一路救緊Ｄ短期租約嘅停車場火。收一個爛地，起一個時租月租停車位少一半。將呢個位改上落客區，間接將走水貨嘅客貨Van堆喺呢個位走貨。宜家Ｄ客貨車只係入哂石湖墟一帶俾人走貨之嘛。
無人敢喺現時上落客區個位上落貨，就係因為呢個位細，成日鬧交。
而且呢個位係水貨客行去火車站其中一條主要走線，彩園路同新運路一帶工廠區做哂水貨倉。
到時又要等五六年，先起好一個預計少一半泊位嘅停車場。呢個係事實，事關政府宜家準備要收彩園路同新運路一堆停車場同堆上水九巴廠嚟起公屋。

你要清河做尾站可行，但我一定反對你行彩園路。我只係覺得彩園路係北區人車爭路最得人驚嘅位，仲有彩園邨裡面嘅車根本好多時俾人同車塞住出唔到嚟。
加上水貨客大量堵塞火車站一帶，貿貿然塞龍豐花園、上水站同上水廣場呢三個算大嘅站繁忙時間加埋80幾人入呢個位係完全唔合理。
清河又係站，華明又係尾站，個個都鍾意做尾站架。最好做尾站有位坐添。
藍偉良議員只係重視佢個區巴士有無位坐，況且，我再強調，繁忙時間粉嶺公路近塘坑未到百和路路口一段三線轉兩線已經係好塞車。行百和路有時會著數過行粉嶺公路，以前277E同277P相同開車時間都領教過。況且，當時277E仲建議之時，佢要求過條線由清河開逆走。

我重申我嘅立場，我反對係行彩園路，因為我絕對反對取消上水市中心嗰堆站同彩園路嘅問題。仲有寶石湖路係無必要要經嘅走線陪貨櫃車一齊塞。
如果迴旋處係問題係大問題，我就寧願277E唔需要經清河，因為唔經都夠客。
如果一定要清河做尾站，我寧願維持宜家走線。遲下新運路上水中心去清河邨有條行車天橋Overpass咗個迴旋處。

況且雞嶺問題真係唔大，宜家繁忙時間一定有警察維持雞嶺迴旋處交通秩序：
宜家上水無咁大問題，皆因警察做咗三樣嘢，第一：巴士同小巴上雞嶺，一有塞車情況，即刻會分流巴士用盡條新運路，將上水廣場個圈疏通；
第二：雞嶺入上水塞車，警察只會放巴士、小巴、的士入新運路，其他車只准行馬會道同馬適路走；
第三：再塞車的話，警察會現場指揮車輛駛入迴旋處。所以宜家塞車都唔會打哂困籠，反而大頭嶺問題就真係大。