[舊瓶新酒] 277X/277E路線重組建議

話說neoplan720p版友開咗個帖去研究如何提升277E既營運效率
隔離帖又講緊點樣將277X/E二拆三
最近有少少想法，掟出來大家研究下


懶人包

277E：天平>翠麗<>寶石湖路<>彩園路上水站<>吳屋村（擦邊清河）<>雞嶺上公路返原線
277X：聯和墟開，塘坑上公路，未來延長至皇后山
277B：太平祥龍圍清河<>百和路<>華明圈<>原線至藍田


詳情

277E 天平邨<>藍田

收費：維持不變
服務時間：兩邊總站均延長服務時間至5:30-00:00
班次：繁時12，非繁15

短評：
277E繞經清河邨，兜兩次雞嶺迴旋處為人詬病
清河既有尾站車，無可能輕易放走
建議既上水走線係折衷方案，條線塞少一次雞嶺，上水站/彩園上車可以快到5-10分鐘上公路
天平翠麗唔使屈返去龍琛路入市中心，亦順咗唔少
同時清河仍然喺合理步程之內有尾站車走

唯一缺憾係石湖墟有部分位置要穿過地鐵站去彩園路上車
但考慮到半個石湖墟可以去寶石湖路上車，上水廣場一帶穿過地鐵站又唔遠
塞少一次雞嶺絕對值得


277X 聯和墟/皇后山<>藍田

收費：維持不變
服務時段：維持不變
班次：繁時5-10，非繁12-15

短評：
聯和墟行祥華再兜粉南觀感其實好一般
去觀塘道尚有一程車過既優勢，如果要再轉車，時間優勢唔明顯之下，唔少人會寧願轉鐵
飛走粉南，條線就真正有條件做聯和墟/皇后山對外既主力路線
只要重點宣傳個轉乘網（85X往九龍城、75X/84M/85M往黃大仙、673往港島、270A往佐尖、278X往荃灣）
或者會有出其不意既效果


277B 太平<>藍田站

收費：$14.8
服務時段：跟277X
班次：繁時5-10，非繁12-15

短評：
主要做返華明圈同百和路真空位
去程嘉福去百和路搭車唔算差，是以唔兜置福圍
回程如果唔兜，嘉福班客就要橫過百和路，站位會比較差，是以兜返入去落客
來回程都建議做返華明總站，但回程節省時間唔兜牽情間以換取時間入置福圍

條線擺太平又原因
清河雖然仍然有277E，但站位差咗
如果無額外甜頭，或者會有反對聲音
而老老實實，祥龍圍邨一帶行出吳屋村搭車確實有距離
家陣塞埋條277B入太平，要平/就腳有277B，要快有277E，相信有助擺平阻力

另注：所有Google Map走線都畫唔到彩虹通道

寶石湖路有跨境車
塞起上嚟仲衰過雞嶺
基本上點拆一跨過條
東鐵就必然顯得兜路

277B頂多做繁時
開3條全日線就算
皇后山入伙都未必
夠車開,似乎要繁時
3線非繁2線,此外無
九廠配合真係唔容易
提前277E首班北行嘅車

kitarolo 發表於 2019-1-2 13:16
寶石湖路有跨境車
塞起上嚟仲衰過雞嶺
基本上點拆一跨過條

寶石湖路點塞都好
最低限度上水站上落車班客不受影響
唔似得家陣上水站上車要塞雞嶺兩次
更何況寶石湖路唔使塞到迴旋處，轉入彩園路已經塞少半條車龍

同樣道理，跨過火車軌兩次既，只係天平翠麗班客
而對呢班客而言，寶石湖路彩園至少順住去
肯定快過家陣馬會道打個圈，碌龍琛路入上水站兜圈，再塞兩次雞嶺

你話277B會唔夠客
我覺得粉南點計都係277X客倉，277B食返華明圈，加埋百和路客，差極有個譜
條線只係衰無傳統旺區，朝早北行/夜晚南行可能要減到20/30
但順向客量應該夠做？朝早華明特自己都開到個位數字班次......

延長服務時段要九廠配合我認同
但咁多新界線入面，重組後既277E/X應該會係top priority
要搵車，可以考慮呢幾年多咗替代既38/42C，甚至沙田大埔線朝早北行偷疏去做

基本上277B、277X 呢個方向我係同意的，差在而家皇后山未發展，如果只做聯和墟同粉火一帶，非繁班次可能得20。

不過，如果依近期老運好鍾意拎新區的巴士去招標競投來睇，用277X捱幾年去插定旗，或者會增加中標機會（甚至本身已經預左拉去皇后山，所以連招標都唔駛？）

最唔駛擔心客量的係277B，粉南大客倉長做長有 ~

***********
至於277E，呢種走法幾新穎，而自己都無諗過。

寶石湖路係會塞，但一來塞的機率同嚴重程度都無雞嶺咁高，更重要係上水上車，真係唔駛再點塞。

唯一考慮點係龍豐花園同上水廣場乘客的慣性。行去火車軌以南的上水站去上、落車，坦白講，一點也不遠，再講276A、978咪一樣停彩園呢邊，但就係唔知上水廣場一帶的居民受唔受？

不過如果可以唔駛再塞兩次雞嶺的話，行多一、兩分鐘又算得係d 咩？ （再講行過去基本上全部有瓦遮頭）

neoplan720p 發表於 2019-1-3 00:41
基本上277B、277X 呢個方向我係同意的，差在而家皇后山未發展，如果只做聯和墟同粉火一帶，非繁班次可能得2 ...

其實277X聯和墟同華明圈個客量比例，無270A/278X粉南上水咁懸殊
好多時都逼近1:1，逆向甚至有機會出現聯和墟祥華多客過華明

而聯和墟回流客我估會比大家想像中更多
九巴家陣開277A開到入沙頭角，我估原因係佢見到朝早多人78K/79K/小巴轉277X
要吸引到人巴士轉巴士，後面程車觀感好重要
如果轉完車之後，仲要漫遊華明，我幾相信唔少客都會選擇直接搭到東鐵站轉鐵
277X如果做到塘坑直出，我幾肯定會多咗班客肯轉佢出東九
尤其下繁，鄉郊地區堆棕地作業加加埋埋唔少人返工，隔離元朗268C唔多唔少都係靠呢班客撐起逆向
我覺得新277X唔少時段未必要跌到落20

反而華明條277B我會更擔心
無錯粉南係客倉，但客源相對單一
尤其百和路本身又已經有唔少人273A轉277X出東九，吸幾多新客係有疑問

我始終覺得要係咁樣：
277E應該由聯和墟開出，加停粉嶺樓路，皇府山。回程改停天明樓，皇府山，粉嶺樓路，上水宣道小學。不經清河總站。遲下粉嶺北新聯和墟總站落成就搬過去。
277X應該由皇后山開出，經聯和墟，早晚繁忙時間不經華明圈。
277P為277B應該由太平開出，經清曉路，百和路，華明圈。277X華明特車改由277P取代，九龍走線跟277X，不經鑽石山，新蒲崗。長遠延長至彩園路北新屋邨，經寶石湖邨及彩園邨。
原277P晚繁加開特別班次由新蒲崗總站往聯和墟，使用原277P路線返北區。

清河尾站呢個問題其實唔難解決，如270D情況，藍議員話270B全日後，根本唔需要270D入清河。
另一方面，藍議員成日R T277入清河，因為277E係尾站，成日上唔到車，佢立場係只要有車（甚至有位坐）就完全唔介意。

上水塞車源頭通常在寶石湖路同大頭嶺迴旋處，所以車龍頂返去雞嶺迴旋處，加上大頭嶺迴旋處大車太多，同埋上水鄉郊往市區及入上水必經路段，
所以係北區迴旋處不應經太多，下一個問題迴旋處嚟緊就係馬會道同沙頭角公路迴旋處。

KC3555 發表於 2019-1-4 20:08
清河尾站呢個問題其實唔難解決，如270D情況，藍議員話270B全日後，根本唔需要270D入清河。
另一方面，藍議 ...

270D本身得一班
呢類繁時線向來點改都無所謂
你望下隔離T270，本身行青沙，成條反轉來行入大欖都無反對聲音
試下換做270B全日反轉來行，華明實嘈到拆天

277E作為全日線，做緊清河一站出大隧，本身又唔係無客
真係抽得走？

講真，一條大邨既主要市區線，無啦啦改慢15分鐘
就算區議員無反應，我都覺得唔多合理

上水塞車源頭通常在寶石湖路同大頭嶺迴旋處，所以車龍頂返去雞嶺迴旋處，加上大頭嶺迴旋處大車太多，同埋上水鄉郊往市區及入上水必經路段，
所以係北區迴旋處不應經太多，下一個問題迴旋處嚟緊就係馬會道同沙頭角公路迴旋處。

留意，我個方案入面，上水站上車既人，係唔受寶石湖路塞車影響
佢地一上車就用雞嶺上公路

上水站唔使塞兩次雞嶺，同時維持清河尾站，係我個方案最大優點

castanopsis 發表於 2019-1-5 07:32
270D本身得一班
呢類繁時線向來點改都無所謂
你望下隔離T270，本身行青沙，成條反轉來行入大欖都無反對聲 ...

就算你上面第一點講得通，
第二點經寶石湖路已經足以令上水站一帶脫班，
還有彩園路上水站南行巴士站排隊位已經夠窄，塞條上水出九龍一個站繁忙時間起碼講緊50-60人排隊路線。人車爭路情況不堪設想。

277E直接唔入清河邨,上水站直上公路
277B太平開,經清河嘉福景盛華心直出公路
景盛華心居民唔洗去欣盛牽晴間等塞上277X
277B,E cover到277P既北區走線,應該冇人會想搭P兜鑽石山新蒲崗去觀塘
咁277P總站就可以縮短到九龍灣商貿區一帶