7/1/2019 城巴 ETA 大幅delay問題

個人認為新城套野冇做到100分都有90分，除左非實時外基本上都係有車，反而九巴套野真係得啖笑，話2分鐘嚟到就喺你面前出現；再唔係就連架車都唔見埋....

昨晚差不多時間維園對出的確好塞車, 而源頭與工展會有關,
但似乎因人流管制而影響道路交通, 尤其在興發街過路處

DIH 發表於 2019-1-8 11:41
我父母1月5日去工展會之後搭671返歸（中午時段），都遇到類似問題，睇app話2公里幾分鐘後到，倒數到架車距 ...

- 出「時:分」先至好，部車遲咗嚟嘅話個時間會 Update
換轉得倒數嘅話，塞車嘅話撳極個倒數都無 update，都唔知真係部車無郁定係個 server 傻咗無俾到 reply 你

- 路面塞唔塞車唔係 ETA 所能預計到，你要佢預埋塞車，點知條路順然後部車早咗到，你咪又係嘈佢唔準

DIH 發表於 2019-1-8 11:41
我父母1月5日去工展會之後搭671返歸（中午時段），都遇到類似問題，睇app話2公里幾分鐘後到，倒數到架車距 ...

我試過12月一個星期六係灣仔塞車，結果原本10分鐘變30分鐘

如果有版友指出eta有show 時間+里數但無車，的確離奇
新城個系統是跟報站，正常有時間+里數就有車，除非個車長私牌但又開左報站架姐
如果見到 "非實時" 就危險d，好多時都是站長入左班車落電腦但實情無車開，或者車務調動無改機

用咗咁耐，見到有里數既都會好放心等
亦習慣碌前幾個站睇架車去到邊個站

樓主應該好少去維園嗰頭，剩係銅鑼灣電車總站同興發街兩個燈位都以經足夠令架巴士困足半粒鐘

其實利用大數據之餘，人亦係好重要，人係可以因爲情況而作出適當判斷。其實新城早於A線預報到站時，已可實時追蹤所有A線同E線車輛情況，只不過無將E線資訊公開應用吧。呢個即時數據，係可以顯示車輛位置及行車資訊，只要監察人員發現慢車情況，就可以了解情況，作出適當判決，於ETA內加入適當內容（起碼九巴做假都做到顯示行車受阻，新城做唔到就真係抵鬧！），而且佢套系統係支援互相溝通，只要車務聯絡車長，或車長回報，都可以了解到現場情況。當然如果程式支援，應可利用每日數據，計算出新行車預報，並向監察人員提出警報，當然更好嘅應用是將資料下放去站長，以分擔中央車務工作量。

事實上連google map都有頗有參考價值嘅實時交通狀況，車務應該知道相關路線現場大約情況，加上適當和前線溝通，塞車時於ETA內加上行車受阻之類資訊，可令乘客更有預算；中途起載應避免有預定班次，但實際無車情況，準確此類資訊其實應該不難。

其實只要巴士公司行多幾步，提供準確一點，而又合適嘅到站資訊，配合科技加上適當判斷，加上路面擠阻資料，乘客信心大咗，怨氣同投訴都會少好多。

solomon 發表於 2019-1-8 23:51
其實利用大數據之餘，人亦係好重要，人係可以因爲情況而作出適當判斷。其實新城早於A線預報到站時，已可實 ...

呢個方法都有盲點
控制中心唔知道塞車嘅原因
有時可能純粹係巴士塞埋站
有時就喺成條路塞車
呢個現象係告士打道經常發生

如果係巴士塞埋站
好多時ETA會卡實係“已到站”
系統應該detect唔到喺塞車

唔好睇少塞埋站
繁忙時間入境處個站可以塞成10分鐘先埋到去


其實以新城套報站系統
可以變出好多花款

加個功能比司機係報站機到報告交通擠塞
（唔需要好複雜，好似禁特別訊息咁）

之後再即時係個ETA到顯示提示訊息
預告呢班車有可能延遲
（淨係呢班車，其他同路段就暫時唔提示）
已經可以準確地預告班車會delay
就算個ETA時間唔改，乘客都有預算少少

如果同一路段有多個司機報告擠塞
就觸發系統警告
呢個時侯再交由控制室發佈通知比全部乘客



不過由始至終我都唔建議直接改個ETA時間
因為永遠都唔知幾時塞完
到時ETA延遲，但已經交通暢順就麻煩
所以用通知形式由司機發佈應該最好

koneotis 發表於 2019-1-9 08:49
呢個方法都有盲點
控制中心唔知道塞車嘅原因
有時可能純粹係巴士塞埋站

唔改ETA TIME咪又呃人

好似遊行,D車塞半個鐘
D ETA TIME真係同你慢慢DELAY,但唔寫交通受阻

不過呢D都算

好似970,試過平日朝收車,見數碼港個邊不斷改時間表,寫完又比架"預定班次"
呢D先討厭

新城就算啦，垃圾APPS到ios由11出到12都未支援新界面
無料就判畀人寫啦，垃圾公司養埋啲垃圾IT