新紅磡站繼續發現問題然後推倒重來機會有幾大？

MCMoore 發表於 2019-1-10 14:40
唔爭在騎劫下個topic，重新起就馬鐵過海算啦

馬鐵過海有咩問題？東鐵唔洗減卡，西鐵可以改成9卡。

99MAN 發表於 2019-1-10 14:57
馬鐵過海有咩問題？東鐵唔洗減卡，西鐵可以改成9卡。

西鐵有一個車站只有8卡長度。

PS. 有傳聞話有預留第9卡﹐不過無人可証實。

kei_hk 發表於 2019-1-10 14:07
限班減班﹐咪即係成條線的功力大減?

政府肯﹐MTR都唔肯。

限班次入紅磡站，變相多咗一堆中途站做總站嘅班次，反而失去咗原本沙中線一程過嘅最大優勢。

坦白講各持份者為咗唔想洗一大筆錢去重建新紅磡站，用限制紅磡站列車班次嚟減低負重而避免紅磡站出事都唔奇，但咁做係連帶東鐵都大受影響，東鐵層喺東西線層下面，上面結構有乜事下面都無一幸免，而出事正正係東西線月台層，為咗令屯馬線全線通車而犧牲兩條新界鐵路線，未必太大犧牲而且不設實際。

我個人覺得拆完再起過紅磡站係最後辦法、最唔理想做法，而家隨機抽樣檢驗都唔理想，諗唔到再多架車行過、多一大班人係月台等車，強行使用新紅磡站會發生乜事

kitarolo 發表於 2019-1-10 11:47
直通車取消與否
完全係中方決定

如果重建新月台, 係好大工程, 更會令南北線無通車日期, 我建議不拆新月台, 不過放棄不用東西線新月台, 當東鐵線全線用9卡後, 啟用南北線月台,
然後直通車減班, 2&3號月台平交連接東西線 or 建立交橋將2,3號月台連接東西線.

waichiu 發表於 2019-1-10 18:55
如果重建新月台, 係好大工程, 更會令南北線無通車日期, 我建議不拆新月台, 不過放棄不用東西線新月台, 當 ...

宜家唔係只係屯馬線月台問題喎
屯馬線月台層板即係東鐵線月台個天花
人流動線一樣會經過屯馬線月台層

係之前嘅post都講過屯馬線北面露天段
根本唔會夠位起任何渡線過返去舊月台
就算直通車減班都一樣會同屯馬線運行有衝突

呢啲不切實際嘅幻想可唔可以唔好再提出呢？

RyanPun 發表於 2019-1-10 18:47
限班次入紅磡站，變相多咗一堆中途站做總站嘅班次，反而失去咗原本沙中線一程過嘅最大優勢。

坦白講各持 ...

其實你都講了﹐除了列車數目﹐人流都係一個負重的來源﹐人多起來﹐加起來的重量絕不能睇少。


以現時情況﹐有1/3 係不合格﹐如果這個結果一直維持﹐究竟有無人肯做個有腰骨的人﹐可以保證一定安全(包括需要進行加固)﹐唔會出事?



要減班去減負重﹐即係大家都承認結構有問題﹐我都唔知這個方案有無可能過到關。

而且這樣做﹐令成條線的運載能力大減﹐仲慘過現時東涌線的情況。
東涌線而家肯比錢係有得加班﹐但係屯馬線如果係限列車數目﹐即係基本上一開就已經爆晒﹐用盡班次上限﹐完全無加班的可能性﹐我就寧可等多幾年才通車。

註 : 粗略去計算﹐作為重要的轉車站乘客上落需要1分鐘﹐加埋列車進出站所需的時間﹐前後加埋都要3分鐘。來回方向要夾﹐每一方向睇怕都要6分鐘才有一班車。

eternalflame 發表於 2019-1-10 19:40
宜家唔係只係屯馬線月台問題喎
屯馬線月台層板即係東鐵線月台個天花
人流動線一樣會經過屯馬線月台層

我唔係沙中線工程人員, 所以可能有些係不切實.
只係想找找方法去補救, 唔好連想吓補救方法都唔比人發表得唔得.
另外屯馬線可唔可以改用5,6號月台, 將5,6號月台車尾改為連接尖東路軌?, 總好過成4個新月台重建, 其實紅磡站咁大, 先會想到咁多方法, 如果係其他站, 只有一條路就係重建.
屯馬綫月台在新東鐵線月台之上可能會冧, 但東鐵線在地底係應該唔會冧落下一層, 所以保留東鐵線月台我估問題唔大(不過我唔係工程人, 只係用常識去想), 另外少了屯馬線月台列車, 東鐵線客係可以直接上到現有大堂, 唔會加重屯馬線月台好多受力.

053h4 發表於 2019-1-9 17:36
據倒重來的可能性不大，可能採用限班減荷載，例如規定唔可以同時有兩列車出現係同一層的方式處理。 ...

新紅磡站採用島式月台設計，列車係靠近連續牆
路軌上的車輛0既重量，大部份係由靠近路軌一邊0既連續牆及樓板接合位承受
換而言之限班係唔work


而石屎重量又佔大多數，限載作用極為有限

kei_hk 發表於 2019-1-10 21:58
其實你都講了﹐除了列車數目﹐人流都係一個負重的來源﹐人多起來﹐加起來的重量絕不能睇少。

依家紅磡站最大問題係唔似土瓜灣/宋皇臺站（唔肯定邊個站個出過事）咁只係牆版有問題、未至影響成個站結構。最大問題係東西線月層係被指偷工減料到一個地步係剪鋼筋，就算到最後只表示東西線月台層有問題要重建，樓下東鐵月台層都一樣唔用得，好似你咁講，樓上地板即係樓下嘅天花板，同拆哂成個站冇乜分別。
所以樓上啲咩建議重用紅磡23台比馬鐵駁西鐵可以慳返啖氣，現有紅磡火車軌一帶都乜位加其他嘢，而且當初規劃嗰時選址係紅磡貨場而唔係係現有紅磡站樓下擴建月台，應該係避免影響東鐵班次。



去到呢個地步，馬鐵又唔到紅磡，東鐵車加速慢、上落車時間都比市區線耐好多，平均每班車都最少哂分幾兩分鐘上落車，今年年中東鐵又開始轉9卡，東鐵再爆到瀉好快每日上映。所謂牽一髮而動全身，而家新紅磡站幾乎點郁點改都隨時拖埋東鐵落水，倒不如快快手手乾脆拆哂新紅磡站再起過。真係夾硬開紅磡站嚟成全屯馬線全線通車，但代價係又減班限車過紅磡站，唔簡止一程過唔到紅磡尖東、又多一大堆中途站特車，隨時東鐵未開始試9卡車，啲12卡已經投哂降。