九巴16客量統計

hokachung 發表於 2019-1-22 23:29
睇西行仲大鑊，因為一個觀塘站可以落左半車藍田客

興田人甚少上16M落觀塘
綠van早繁德田上滿晒唔夠位
16執很多$6.8落觀塘客

hokachung 發表於 2019-1-22 23:31
其實16X已經開左3年，不過知名度麻麻地

1日得1班16X，吸引力唔夠，
星期一至六早繁(06:40-09:20)
16有平田特別車時段，
廣田邨開的16應該抽車做16X，20分鐘一班

因為我唔係住藍田, 所以好少可會去到嗰邊, 更唔好講西行方向, 歡迎各位做類似統計。 另一方面, 由於我計數方法係坐上層睇落車人數同八達通機響次數或入錢次數, 所以唔知呢班乘客最後邊度落車。 故只睇紀錄, 16係半流水, 但歡塘道各站上藍田都係客倉之一, 故要提速就應該要諗辦法安置呢班客

matchnacu 發表於 2019-1-23 14:09
因為我唔係住藍田, 所以好少可會去到嗰邊, 更唔好講西行方向, 歡迎各位做類似統計。 另一方面, 由於我計數 ...

開16X唔等於要取消16
上面都計過，旺角返藍田本身只係佔16唔夠三成既客量
就算俾曬16X，16服務都無幾大削減空間

應該將 亞皆老街/大角咀/藍田<>觀塘 既獨市客全部留俾16
然後16X專心去搶紅小/港鐵既旺角/西九客

經常見16X都坐唔滿，所以老九咁耐都冇加班！

YY487 發表於 2019-1-23 20:58
16X 全日藍田直飛太平道真係諗下好喇
九巴成日驚飛站冇客，而家得一千零一班都要由新蒲崗碌到去旺角
全日 ...

16X同2X唔同
三彩條2X拉落橋，係因為三彩本身真係無車去太子
藍田山本身已經有條16補曬位，16X有好強理據飛曬堆中途站

jimmy8388 發表於 2019-1-23 20:48
經常見16X都坐唔滿，所以老九咁耐都冇加班！

唔難理解，早繁西行觀塘道本身唔係特別塞車
16X觀繞落橋繼續站站停，速度優勢唔大之下好難說服乘客俾貴一級

如果16X拉埋落鯉魚門，做埋高俊/高怡/鯉魚門三個半獨市位
再停埋啟旺樓，做埋啟田/平田/藍田邨客倉
然後直飛旺角，再拉去長深荔擴大個服務範圍
只要咁改，16X個客量保守估計可以升至少triple

castanopsis 發表於 2019-1-23 22:31
唔難理解，早繁西行觀塘道本身唔係特別塞車
16X觀繞落橋繼續站站停，速度優勢唔大之下好難說服乘客俾貴一 ...

其實條線會有好多對手。你話開繁時的話都仲可以，非繁其實有少少危險。
之前你講過四順、樂華同藍田山比較，其實我覺得無得咁比。
四順個問題在於無鐵。要駁鐵，最起碼搭多一程巴士落山 (彩虹或觀塘)，但俾多少少錢已經可以直出太子。例如你四順去深長茘，搭 27 轉鐵其實唔係一個差的選項。
樂華呢，行的話我覺得唔算行的遠，不過似乎居民都會搭巴士由淘大返樂華。同埋 2A 全程都仲係收得平過 16 $1，仲要去埋深長茘美孚。
你問 16 對藍田山居民吸唔吸引，講真我唔熟藍田山居民搭車習慣，不過可以睇睇有咩其他選擇:
啟田: 喺正鐵路站旁邊，扶手電梯直落就係條鐵，收視太好。
啟旺樓同診所: 遠離鐵少少，可以做。
藍田邨: 行上碧雲道係可接受步行距離。深長茘有 214，而旺角有依家 16 正線。
德田街以南: 無錯呢個範圍有少少大。分析時咁劃界原因，係因為除咗德田最北果幾座外，可以考慮行去平田拍 $2 機。
興田: 望落就咩鐵路站都唔近，巴士路線都唔多，但將來可以落轉車站搭 796C，一站直去新蒲崗。

康雅苑以南開始近油塘站，唔計住。紅小係另類服務 (價錢同速度都同其他選擇差太遠)，亦唔計住。

但當計埋價錢，你就會明點解 $2 機咁難打。
依家藍田 -> 旺角: $8.5、藍田 -> 深水埗: $8.5，下一個收貴一級個站已經係美孚，收 $10.4。
減完 $2 之後收 $6.5，點打?
好喇，你可能話回程無 $2 機呢。但條線仲有幾個問題:
1. 你想做深長茘，但走線係唔停站直入旺角，旺角塞完一輪車之後先入深長茘。如果由九龍東入深長茘，基本上仲可以考慮兩種唔塞車行法，一個係跟 214 行，另一個係跟 42 行，不過呢兩種做法都做唔到旺角。如果要塞入旺角，特別係繁時，不如都係地底/214 見算數。
2. 如果你條線最後只係為咗個旺角，拉去深長茘唔知有咩用，對深長茘觀感好差，因為變咗呃里數咁 (可以係收貴一級，又或者貼近其他長途線收費)。
我唔知你條線速度定位係點。如果你最後想宣傳果樣係油塘開，快過 214 去深長茘，快過 16 去旺角，咁最起碼全程收費會係 214 $7.9 加 $1，呢個價錢吸引到幾多人轉投都係一個問題。收 $8.9 唯一一個平過鐵的可能，就係油塘來往深長茘。問題係你條線油塘甚至鯉魚門出發，明明大大個公路出口，你就要走去兜藍田山，咪變咗揾油塘人笨。如果你真係咁想做油塘，我寧願你開線主力做油塘客，例如藍田北開 (頭段當執客，執得幾多得幾多) 又或者直接廣田開，大致跟 603 走線，過咗油塘之後上公路。基於道路網設計問題，無得直上觀繞，兜麗港城邊皮定直行觀塘道唔停站就再諗。

tonychow 發表於 2019-1-24 11:41
其實條線會有好多對手。你話開繁時的話都仲可以，非繁其實有少少危險。
之前你講過四順、樂華同藍田山比較 ...

先俾幾個數字你

1. 234X個西約，人口只係3.3萬，就算加埋千里臺一帶，都唔夠5萬
2. 238X海濱+海灣，人口唔夠2萬
3. 98C客倉康盛翠林，加埋人口只係2.5萬
4. 養起35A/31B/36B/32 既 安蔭/石蔭/石籬，人口加埋都只係8萬幾

反觀藍田山+高俊高怡鯉魚門，人口12.2萬
當中大部分人口都離地鐵站有唔短既步程
如果你覺得咁都會唔夠客，同你話35A服務範圍太窄無分別

你話啟田平田班人會落山搭鐵，2蚊機好吸引云云，我唔同意
速度上，16X啟旺樓直飛太平道，去旺角只係15分鐘車程
港鐵唔計步程都要23分鐘
當紅小收$11都大把人搭，16X走線仲快過紅小到旺角，點會無人搭？

你想做深長茘，但走線係唔停站直入旺角，旺角塞完一輪車之後先入深長茘。如果由九龍東入深長茘，基本上仲可以考慮兩種唔塞車行法，一個係跟 214 行，另一個係跟 42 行，不過呢兩種做法都做唔到旺角。如果要塞入旺角，特別係繁時，不如都係地底/214 見算數。

講得出214唔塞車，你都真係好唔熟悉東九龍下
朝早新清點既樣，Google traffic俾到答案你
基本上係一直由安秀道塞返落彩虹

你以為得早繁塞？其實連下晝都塞返上彩雲打後

計返車程
其實碧雲道出發，16X啟旺樓上觀繞直飛旺角再去西九
全日絕大部分時間，特別係亞皆老街唔算塞車既早繁，都會快過214到深水埗
甚至全日唔少時段，可以做到啟旺樓上車，30分鐘內深水埗落車
呢個時間，行落去搭港鐵都未必做到

講真，當連同港鐵直接競爭既796C/296C，都上到唔少深水埗客
服務範圍獨市/半獨市既16X，長深荔點都會有有客支持
特別係16X旺角打後已經唔停站，西九段會比98C/796C快唔少，唔係真係咁趕客

當然
我會認同飛觀繞再跟42行太子道西出入長深荔，會比經旺角更吸引
但既然你覺得16X會唔夠客，無理由一開線就連旺角都唔做，直接飛入長深荔
更理想既做法，應該係開線啟旺樓不停站直飛太平道，然後跟98C掃長深荔
多客既，先再跟10598C個建議，用太子道西分界拆線
一條做旺角油麻地，一條做長深荔

問題係你條線油塘甚至鯉魚門出發，明明大大個公路出口，你就要走去兜藍田山，咪變咗揾油塘人笨。如果你真係咁想做油塘，我寧願你開線主力做油塘客，例如藍田北開 (頭段當執客，執得幾多得幾多) 又或者直接廣田開，大致跟 603 走線，過咗油塘之後上公路。

你又真係搞笑
藍田北開跟603逆走油塘上公路，你就話“頭段當執客，執得幾多得幾多”
鯉魚門開跟603順走藍田上公路，你就話“變咗揾油塘人笨”

咁我又可唔可以話，藍田逆走油塘上公路，係“變咗搵藍田人笨”？
你根本係雙重標準........

既然油塘上觀繞麻煩，藍田又好明顯多客過油塘
擺啟田做尾站，合理不過

講真，對油塘客而言
就算要行碧雲道啟旺樓上觀繞，仍然做到27-28分鐘到旺角
對油塘站附近屋苑，固然唔係特別吸引
但對高俊、高怡、鯉魚門邨、鯉魚門而言，佢地本身行去地鐵站已經要5-15分鐘
直接搭16X，速度上絕對會快過行去油塘站搭地鐵

而如果最後油塘真係有客既
可以再拆線 鯉魚門>高俊高怡>油麗>觀繞 咁行
當然呢度要研究下拆西九段定東九段，邊個著數
但唔見得16X會影響油塘爭取直出線機會