九巴16客量統計

castanopsis 發表於 2019-1-25 03:13
先俾幾個數字你

1. 234X個西約，人口只係3.3萬，就算加埋千里臺一帶，都唔夠5萬

明你意思。我有幾個位都講得唔係好清楚，補充返。
1. 新清
我本身唔係想條線行新清。事實上，行新清亦唔見得會順路。
我原意係想比較離開咗九龍東之後，架車點去九龍西先最快。用彩虹做出發點，可以行龍翔道+大埔道直落深水埗，亦可以用 42 走線，亦可以行亞皆老街入旺角再上返深水埗。前兩者做唔到旺角客，但對深長茘速度同觀感都好 (其實 42 走線仲好過龍翔道)，況且如果行觀繞，落龍翔道無直接走線。我之前講條逆走走線，都係講行觀繞或者嘗試攞配額行觀塘道，而唔係行新清。當然如果你講停啟旺樓，咁應該係消防局上公路，呢點少一個麻煩位。
2. 揾笨問題
睇返油塘巴士線，其實得好少。去深長茘得條 214，而去旺角更加無巴士 (唔計綠線)。
如果你問油塘有無一條靚少少的線...14X 算係走線正正常常，不過同 215X 根本無得比。我唔夠膽話藍田山好好多，不過...呢點我之前講咗:
深長茘線: 大家都有 214，但正如你講，條線唔係快線，依家做落亦多流水客
旺角線: 藍田山有條 16，興田將來亦可以搭 796C
$2 機: 有 VS 無
搭鐵價錢: 藍田 <-> 深水埗 $8.5 VS 油塘 <-> 深水埗 $10.4
如果有機會，執條靚少少的線俾油塘，唔係一件好過份的事。你用藍田山做主，油塘搭單做埋，得一個好處，就係可以用 16 資源拆...不過 16 點拆，拆完之後會唔會影響流水都係個問題，只不過當你拆條類似 16X 路線做埋油塘，油塘正常情況下唔會攞到條直出線出旺角/深長茘?

castanopsis 發表於 2019-1-25 03:13
先俾幾個數字你

1. 234X個西約，人口只係3.3萬，就算加埋千里臺一帶，都唔夠5萬

補充少少

98C近年客倉係有變到，秀茂坪一帶比率係上升唔少，一般98C頂閘時候秀茂坪都可以落最少50人，康翠一般40人左右

當然去程98C一般寶達開始要企，秀暉好彩就有得做閘長

至於你話16X掃上去長深荔，時間上我係同意基本上搭地鐵就算塞旺角都唔會快過巴士，但整體路線上我覺得冇必要咁行

時間上用返98C嚟計，我自己試過唔少次係星期六下午兩點左右出發，98C康翠大概50分鐘去到深水埗
基本上試過曬任何方法(包括紅van、地鐵、105轉6D)，都係冇乜車明顯快過直車98C

更莫講碧雲道落去最快都係觀塘站或者藍田站，巴士就更加有優勢

而秀茂坪上車98C去深水埗大部分時間同214打和，甚至214係可以快過98C
——————————
但就現時巴士網絡以及巴士公司人手問題，我真係唔見得可以16X全日又拆條太子以南(暫稱16E)

碧雲道去深水埗用214並唔差，上面都講214甚至會快過98C，隔一個路口嘅連德道/碧雲道起計，相信都係差唔多

而214仲可以比碧雲道去龍翔道、彩虹
用16X+16E唔見得可以取代呢一段路
你話用嚟同新6X跳飛機，咁16E一樣可以同W2跳飛機添...

相反巴士公司應該處理214去到安達安泰難上車問題，非繁過完安泰就冇位坐，莫講繁時同週末有幾難上車

試下開214X飛秀茂坪道順利邨道去彩虹係諗得過

tonychow 發表於 2019-1-25 10:24
明你意思。我有幾個位都講得唔係好清楚，補充返。
1. 新清
我本身唔係想條線行新清。事實上，行新清亦唔見 ...

我原意係想比較離開咗九龍東之後，架車點去九龍西先最快。用彩虹做出發點，可以行龍翔道+大埔道直落深水埗，亦可以用 42 走線，亦可以行亞皆老街入旺角再上返深水埗。前兩者做唔到旺角客，但對深長茘速度同觀感都好 (其實 42 走線仲好過龍翔道)，況且如果行觀繞，落龍翔道無直接走線。我之前講條逆走走線，都係講行觀繞或者嘗試攞配額行觀塘道，而唔係行新清。當然如果你講停啟旺樓，咁應該係消防局上公路，呢點少一個麻煩位。

以彩虹為出發點，無錯行龍翔道係一個唔錯既選項
之前曾經有深水埗版友講過，觀青紅小一般都會prefer用老龍來往長深荔同觀塘道
但藍田山唔同講法，如你所講，跟本就無一條快路接駁龍翔道
就算你彩虹出發行龍翔道去長深荔識飛都好
前面如果又係要塞新清/觀塘道，都已經抵消特快效果，甚至會亞皆老街不停站入旺角再去長深荔

所以藍田山如果要出長深荔，長遠唔應該用龍翔道
對客量有信心既，就觀繞太子道西直飛深水埗
想試水溫既，就應該將16X拉入長深荔，夠客先再拆線
兩個選選項都會理想過用214做，特別係214幾乎完全做唔到啟田/平田/藍田邨/康逸苑客

2. 揾笨問題. i. A8 g1 f2 t- {
睇返油塘巴士線，其實得好少。

覺得藍田值得做過油塘，係基於屋苑分佈
油塘最多人既幾條邨，直程喺地鐵站樓上，巴士連站位都輸一截
反之藍田就算比較近地鐵站既啟田/平田，搭電梯落去都遠過搭巴士唔少

亦要咁睇
若果藍田係獨市，兜油塘班客都唔會走，我認同可以考慮油塘尾站，務求吸最多客
但問題係藍田本身班客都面對港鐵/紅小競爭，啟田如果擺頭站，怕且真係一個客都執唔到
然後油塘個客倉又無藍田咁穩陣，變咗埋單會做少咗客
假設只有資源做一條線，鯉魚門開啟田尾站做得最多客，應該無懸念

我個方案，無錯油塘唔係尾站
但去旺角算係合理時間，而且做到鯉魚門新樓盤，無可以話服務無改善
而改善油塘交通，方法好多
最應該改上觀繞既，我覺得係14X，16X拆線反而下一步再處理唔遲

用 16 資源拆...不過 16 點拆，拆完之後會唔會影響流水

Again，上面粗略計過
就連順方向，旺角>藍田客都佔條線唔夠30%
無論16X走線如何，其實16減班空間都唔大
反而係條16M，客量真係好差
只要16肯加返新界轉乘，我估區議員會肯放16M換16X，但前提都係藍田要有得益
兜油塘再去麗港城食燈先上觀繞，碧雲道唔少位都唔會快過16
咁做，幾乎係平白將資源拱手相讓俾油塘，藍田過到既機會微乎其微

10598C 發表於 2019-1-25 10:32
補充少少

98C近年客倉係有變到，秀茂坪一帶比率係上升唔少，一般98C頂閘時候秀茂坪都可以落最少50人，康 ...

碧雲道去深水埗用214並唔差，上面都講214甚至會快過98C，隔一個路口嘅連德道/碧雲道起計，相信都係差唔多

你計漏咗一樣嘢
我心目中既16X，啟旺樓去太平道之間，係一個站都唔會停，飛橋飛站直去
計返行車時間，296C飛橋唔飛站，已經同98C拉開4分鐘行車時間差距
16X再進一步飛多四個站，又會再比296C快多2-3分鐘
所以，如果秀茂坪98C係略快過214，碧雲道16X會快過214足足10分鐘到長深荔
特別係安達泰只會越來越多人上落，新清亦越來越塞，個差距只會越拉越大

最最最重要既，係214真係得碧雲道用得著
香港人普遍搭車習慣，行落山搭車可以，但除非時間真係差好遠，無人會倒轉行返上山搭車
變咗 安田邨/平田邨/啟田邨/康田苑/康逸苑/藍田邨 極為龐大既人口，214完全做唔到
就算你覺得，16X比起214只係快10分鐘，唔係特別顯著
單係藍田山覆蓋，已經令16X比214做多一倍藍田客

最後
石礦場過多幾年就會開始入伙
如果要避免需要額外開線，我會傾向將條214擺過去石礦場做總站

當然你又會問流水客點處理
安達泰<>油塘可以交曬俾613
藍田山<>黃大仙，我覺得可以考慮14D全日，行秀明道四順去黃大仙
九龍總站去唔去西九可以再傾，去既話可能可以用埋42資源做
但重點係碧雲道<>長深荔，我會用返新16X做主力

你話用嚟同新6X跳飛機，咁16E一樣可以同W2跳飛機添

Negative
16X/6X跳飛機點解work
係因為朝早16X去長深荔多客，6X去觀塘鯉魚門多客
堆車載完藍田客去西九返工之後，可以載返深水埗客去觀塘返工
一個鐘10架車去，10架車回，兩程都多客

W2兩邊班次平均，本身已經係4架車去，4架車回
你開多條16E之後，變咗14架車去，4架車回，就算點跳飛機，都仲有10架車要私牌返鯉魚門
做唔到雙向多客個效果

而我會覺得，油麻地雖然係半真空
但只要16X藍田去旺角夠快，其實都會有一定乘客肯行幾步路去搭車
啟田<>長深荔唔同，無服務就真係無服務，無人會行上山搭唔快既214，亦唔會有人搭16E行過去長深荔咁頂癮

castanopsis 發表於 2019-1-26 03:46
你計漏咗一樣嘢
我心目中既16X，啟旺樓去太平道之間，係一個站都唔會停，飛橋飛站直去
計返行車時間，296 ...

16x係都過完興田後上啓田道藍田分科診所停一個站再出返繞道，有乜理由skip左興田

li1872903 發表於 2019-1-26 09:09
16x係都過完興田後上啓田道藍田分科診所停一個站再出返繞道，有乜理由skip左興田
...

唔好玩啦有乜理由原地兜圈
行過去德敬樓上車啦

znc1911e 發表於 2019-1-26 10:01
唔好玩啦有乜理由原地兜圈
行過去德敬樓上車啦

唔影響原有乘客都有錯？
咁88x都唔應該響平田兜圈，叫平田人行去藍田北上咪得囉

li1872903 發表於 2019-1-26 10:14
唔影響原有乘客都有錯？
咁88x都唔應該響平田兜圈，叫平田人行去藍田北上咪得囉 ...

荒謬
又無取消你條16，點會影響原有乘客？

興田人行去德敬樓就唔得
平田啟田人行去診所就無問題
完全係雙重標準

講真，興田行去德敬樓搭車，真係唔算遠
最簡單，興田出尖東，有幾多個會唔肯行過去搭215X？

就算真係要做興田，都應該係康田街/連德道路口隔離加站
而唔係為咗興田行少3分鐘，要全個油塘/碧雲道/啟田/平田既人同你兜/行多3分鐘

castanopsis 發表於 2019-1-26 03:11
以彩虹為出發點，無錯行龍翔道係一個唔錯既選項
之前曾經有深水埗版友講過，觀青紅小一般都會prefer用老 ...

啱啱諗咗一諗，其實油塘仲有兩種做法。
一種係行觀塘道，有限度停站，好似 A29 咁，然後直飛深水埗或旺角。其實觀旺同觀深來往需求都好大，不過搞咗咁多年都搞唔掂。
唔計紅小地鐵，依家觀旺快線得條 296C，仲要唔係話快得去邊。觀深就仲衰，條 6P 又係唔知想點果種路線。
如果油塘頭站，觀塘道直去，過九龍灣之後直飛旺角/深水埗，其實亦可以做到另一條線王。
當然你下一個問題會係咁做對油塘觀感係點。到底油塘經藍田山，行觀繞走人，定係油塘經觀塘道，有限度停站行到九龍灣先走人，觀感上同速度上邊個優勝，可以再諗。
另一個方向係油塘特快。我有諗過過咗迴旋處之後上啟田道，消防局走人。咁做就做唔到藍田邨果頭，亦唔近山上屋邨 (想做就要興田尾站，但落橋就會同將隧車龍一齊塞)，回程亦唔知點行。
仲有一種方向，係行茶果嶺道。我唔知對藍田山講，行茶果嶺道上觀繞感覺點，同埋茶果嶺道路況係咪適宜巴士行走，但單從走線上其實唔差。
bottom line 係由藍田出發去油塘，14B 同 216M 速度上分別...搭 14B 不論觀感同速度上都差好遠。

castanopsis 發表於 2019-1-26 10:25
荒謬
又無取消你條16，點會影響原有乘客？

平田啓田要快一早搭左紅van同港鐵啦，仲同你搭巴士咩
Cut左個站叫人行遠左咁唔叫影響原有乘客係咩？？