點解巴士公司放排隊欄亂咁放

miklcct 發表於 2019-2-16 11:37
就以沙市做例子，嗰度整哂排隊欄，48X又咁鬼密，結果當第一部48X上緊客時（一部48X由空車上滿嘅所需時間 ...

荃景圍天橋58M返屯門都無排隊欄，
班司機咪一樣排隊排到去隊頭先上客...

miklcct 發表於 2019-2-16 11:37
就以沙市做例子，嗰度整哂排隊欄，48X又咁鬼密，結果當第一部48X上緊客時（一部48X由空車上滿嘅所需時間 ...

咁簡單la
學其他路邊車站咁拆曬近馬路既欄, 留番另一邊既欄; 或者係中間 (距離隊頭大約11-13米位置)開個窿就得la
咁就既做到維持秩序, 又做到兩車同時上客既效果

GD1570 發表於 2019-2-16 11:45
荃景圍天橋58M返屯門都無排隊欄，
班司機咪一樣排隊排到去隊頭先上客...

我以前未畢業之前，喺大學搭970返九龍，嗰度係排隊打哂蛇餅（可以排過百人），不過因為無欄杆關係，實際上係試過3部一齊上客。

如果部部970下下去到隊頭先上客？成條薄扶林道塞條970龍出來都似。（當時嘅情況係，只要有970上緊客，其它唔係過海車嘅師傅都唔會排隊入坑嘅，只會喺行車線凸個頭出來上客。如果嗰部咁好彩係30X之類嘅特快車，非過海客就會死迫爛迫到部車絕對頂閘為止，然後就成條巴士龍塞哂條薄扶林道）

啲排隊安排係咪亂咁嚟我唔知, 不過我相信如果欣榮花園呢個巴士站要將3B,5C, 11K, 21, 106放埋一齊排隊既話, 條等埋站既巴士車龍分分鐘可以頂返去媒氣鼓囉…

我個人就覺得欣榮花園呢個排隊安排冇問題, 理由如下：

無錯, 3B, 5C, 21 同106都係取道彩虹道前往黃大仙區, 理應可以將四條線放埋一齊, 但由於5C 同 106 都算係班次頻密, 如果同一時間兩線都拖住卡埋站既話, 條等埋站既巴士係會塞住其他路線巴士, 甚至係其他路面使用者, 做成交通阻塞。所以有將5C及106分開排既必要。加上考慮到慈雲山人口不少既情況下, 我覺得將3B 同5C 分拆出嚟係可以接受。

至於11K, 由於佢取道九龍城前往竹園, 喺欣榮呢個站,11K 既客源基本上係與3B, 5C, 21, 106 唔同既,所以將佢獨自排開亦冇問題（事實上,11K 係連站牌都同3B等線分開既）。

最後輪到12A 同 61X, 雖然呢兩線既服務地區完全唔同, 但坦白講, 有幾多客會喺欣榮呢個站等61X? 所以話就話12A 同 61X 同一條隊,但實際咪又係 12A班客用晒個排隊位置…

馬頭角道呢堆欄係唔想等車客企響人地舖頭門前或者行人路中, 盡量限住班客企入欄入面, 唔好阻到途人同舖頭做生意.

如果四五條線放埋一齊, 製造一堆人須企埋一齊, 條欄排唔晒, 梗有d人選擇唔排而企番入舖位前形成阻街.

12A 61X既然同其他途經路線風馬牛不相及, 而61X又比較少客, 一齊擺亦算善用左空間.

3B 5C慈雲山 彩虹道重疊, 係你所講五條線重疊最多, 之後淨番11K 21 106, 明顯地11K走線有分別, 就當然係21 106一齊擺.


見有人開po講排隊欄, 順便講下我平時搭開過海線個站(九巴地頭).

本身個站蓋有十幾廿條線停, 過海線上客最多, 所以貼左標示響上蓋, 分別俾四組聯營路線乘客去排隊, 而四線上車位置係一樣, 響正站蓋中間位置.

部份巴士車長可能唔知有隊排, 乘客沿住標示排隊截車, 車長都會駛到站蓋最前, 結果當然係成班客擁過去啦, 有d客唔守秩序嘅, 順理成章由隊尾打尖上車變最頭.

日復日, 年復年, 除左生客會乖乖地排隊, 熟客通常是但企算, 係預著某d可能渣慣嘅車長知道要排隊, 會停番正去隊頭俾人上車.

但平時搭開見巴士公司人員呢個站搭車, 佢地都係懶得排隊, 見車嚟就行出路邊截車, 唔理排緊隊嘅客, 打尖就係佢地嘅習慣.

渣巴士嘅都唔守規則, 又難怪成日有客唔跟秩序.

其實要睇情況同人流 35A同238X嗰個還好 不過黃竹街都唔輸蝕，十架車 葵青屯元天上水一齊等

某啲香港人logic好怪 12a去南昌站 61x去屯門站 大家都係西鐵站  就會有人搭12a轉鐵去屯門 或者有等緊12a既客改搭61x再轉番去天水圍  好怪好怪宜家兩架都換左總站 應該冇生客再咁做



總之 我覺得排欄冇logic 好過一條新線(特別係全日)冇歸到入條隊到 到時就更更更亂
同埋最恐怖既排隊欄係喺巴士總站入面。。。

miklcct 發表於 2019-2-16 11:37
就以沙市做例子，嗰度整哂排隊欄，48X又咁鬼密，結果當第一部48X上緊客時（一部48X由空車上滿嘅所需時間 ...

同樣的方法去到牛池灣街市 26M 27 29M 人海
你會立即被投訴
因為會搞到條隊亂一亂 (雖然都係塞車)

有隊排咪幾好
唔排隊上車上到亂晒呀