九巴反對設立黃泥頭至運頭塘小巴線

九巴本性如此, 何必咁嬲呢

響荃葵青區呢 d 橋做左十幾年

樓上一個二個到時真係收廿蚊然後到你搭個陣記住唔好喊

cobalt174 發表於 2019-3-2 05:08
樓上一個二個到時真係收廿蚊然後到你搭個陣記住唔好喊

大埔人養肥咗502呢條大鱷仲未夠皮，想養多一條？

cobalt174 發表於 2019-3-2 05:08
樓上一個二個到時真係收廿蚊然後到你搭個陣記住唔好喊

市場唔夠大，班次唔夠小巴密，結果73B都做唔掂。

白石角私人屋苑care 呢D錢？

好似元朗南九版睇，運吉同夾埋想用68F咬死元朗南村巴，居民唔滿意自己又唔夠客。
人地要68E加班就死都唔加。

當然，人地唔識自己去轉車咩。
某公司對手係新城我信會發矛搶客，因為太多例子。對手係小巴？小巴食唔晒下，某公司hea做就有。
不過起碼口頭會嘈下，同新城呢D比人踩到上心口，都要要同佢玩。

cobalt174 發表於 2019-3-2 05:08
樓上一個二個到時真係收廿蚊然後到你搭個陣記住唔好喊

話雖如此。
馬鞍山既小巴26收費比274P多成倍，
但一樣不乏捧場客。
原因就係馬鞍山去大埔中心一帶要轉三程車(假日搭K巴仲要比正價)、
去大埔墟搭火車又唔就腳(新達、運頭塘除外)。
雖然搭87K等線轉火車去大埔唔算慢，
但條小巴同你10分鐘由耀安去到大埔墟、15分鐘去到大埔中心，
咁岩有車有位你都會比多幾蚊照搭，除非大把時間。

講返條黃泥頭至大埔小巴，
如果真係收到$20，其實我唔太睇好，
一來投到既公司真係好似你講收到成$20，
$20呢個價錢係已經可以過海；
我當廣源去大埔，搭第一城小巴轉73A(雖然呢個唔知有無人會咁搭)/沙田小巴或83K轉火車，
都仲平過一程過小巴。
二來小巴既路線問題，兜到入馬鞍山大水坑，觀感上都已經唔掂，當然已經比出沙田轉車好d。
三來大埔區既服務範圍太細，單靠大埔墟站一帶客量又是否足夠？

我覺得呢條小巴線如果想有點作為，就應該：
1. 收費$15-$17之間(比第一城小巴轉73A略貴)
2. 大埔區內應該要做埋大埔中心和廣福道一帶

至於九巴，你咁唔想小巴做，你大可以：
1. 274P和82C全日
2. 拉73A上廣源，火炭加經駿洋邨，兼加去火炭/中大甚至漳樹灘/太和既雙向分段
我估你做到其中一項(最好兩項都做)，應該都無人敢嘈你。

其實錢係好重要，但Niche market錢只係其中一個因素。小巴班次可以密D, 可以深入屋苑，呢樣已經贏到巴士。元朗南已經係例子68F迫村巴交數係幾咁討厭。

jocosben 發表於 2019-3-1 13:42
73A始終係北區、大埔呢邊主導，兜入駿洋邨會影響兩區居民前往第一城及醫院既行程 ...

論時間，其實影響又唔算太大，比直接入山尾街多2-3分鐘。(多人上落、唔順燈另計)
因為我試過一次係第一城搭73A入大埔，
佢入到火炭係直行火炭路、左轉桂地街、再左轉山尾街返原線，
時間又唔係爭好遠。(按：當時咁岩改路)

論需要，除左去威院外，亦可以去大埔和北區，方便駿洋邨居民的同時，
都方便埋在近桂地街那幾座工廈上班既人士。

當然都要睇九巴肯唔肯。

JU2541 發表於 2019-3-2 00:03
九巴本性如此, 何必咁嬲呢

響荃葵青區呢 d 橋做左十幾年

九巴代表在TTC直接開到口很罕有。
沙田區議員很有原則，鍥而不捨的，還要現在沙田TD高級運輸主任是與區議員關係較好，九巴代表這樣說等同向區議員及運輸署開火。

即刻入紙申請274P全日先叫霸氣，九巴夠唔夠膽？

284 發表於 2019-3-2 12:14
即刻入紙申請274P全日先叫霸氣，九巴夠唔夠膽？

之前唔係已經入紙申請咗咩？ 申請咗全日由鳳園來往烏溪沙站，但係唔知咩事冇咗件事