路線招標引進全新經營者的可行性

巴士公司服務差既根源就只係因為人手唔夠
車長待遇福利差無人肯入行, 現職既又不斷流失
唔止巴士公司, 其實成個香港運輸業都係出現緊呢個問題
慈雲山條 37M 小巴夠好賺啦, 咪一樣唔夠車長揸, 有錢都賺唔到送返班客比九巴

而樓上班巴士迷不斷話比新公司去競爭路線, 根本就係短視, 只係想從中做既得利益者
路線招標競爭所帶來既服務改善咪又係局限係新區入面, 然後就搵堆舊線收車, 惡性循環
要競爭既都競爭係車長薪酬上面 , 吸引人轉行過黎啦

053h4 發表於 2019-3-4 23:11
唔好成日講咩待遇差。因為近年已經大有改善。根本唔夠司機只係借口，有D線唔想做就永遠唔夠車。
好似290咁 ...

連九巴最油水果堆屯門/大埔線都玩收車減班
真係關條線有無錢賺, 定係獨市生意唔憂做事?

290 咪就正正係路線招標既例子,
係咁唔想做既點解要拆條 290X 出黎 ?
明顯就係有心無力, 想開拓版圖但又唔夠車長既兩難局面
隔離間公司條 798 服務, 客觀果句仲垃圾過宜家 290

待遇改善左就代表係足夠喇咩 ? 無可否認既係比起其他運輸行業, 算係吸引
半隻腳入監倉半隻腳入鬼門關, 又要受客氣, 踩天地更中間落場先有兩萬頭
搵命搏賺錢做三行又唔洗受客氣, 要舒舒服服坐成日既做保安都得
咁既市道除左班後生既巴士迷, 仲有邊個肯做 ?

HS1588 發表於 2019-3-5 02:28
連九巴最油水果堆屯門/大埔線都玩收車減班
真係關條線有無錢賺, 定係獨市生意唔憂做事?

講到咁大，咁你有無咩具體解決辦法？

HS1588 發表於 2019-3-4 23:04
而樓上班巴士迷不斷話
比新公司去競爭路線, 根本就
係短視, 只係想從中做既得利益者

路線招標競爭所帶來
既服務改善咪又係局限
係新區入面, 然後就搵堆
舊線收車, 惡性循環

要競爭既都競爭係車長
薪酬上面 , 吸引人轉行過黎啦

真係弊……原來想按
表列班次付費乘車都會
被視作「既得利益者」

其他帖解釋過車長人數
眾多,炒晒班管理層都加
唔到太多薪金,下一部就要
加票價去請多一更車長去減
工時/直接加薪,但是路面日漸
擠塞仍是脫班根源。

798、290等表現
我就唔太熟,不過削
舊線去救新招標線,
唔好話運輸業,係本港
過去20年工資亂晒籠嘅
惡果。題外一講,當年喺度插
「新入職竟想同舊人一樣待遇」
不幸言中,基層醫護員工亦如此。

由於人工智能取代
前線員工嘅速度比起
人口老化為慢,外勞等
觀點亦可另行爬文,加上
車長、保安等晉升機會很
有限,可見其他「有晉升空間」
嘅行業又盡量壓低入職薪酬。

麻煩客人問題更加無得攪
好可能係惡性循環,即是說
某人上班時被迫面對奧客問題
到下班後做顧客時何不有權用盡
社會只要有5%嘅人係咁已大鑊。

招標都冇用九新城3間巴士公司都係咁上下 只要薪金同假期待遇唔改一樣冇運行 欠人收車都係常識 已經麻木喇

053h4 發表於 2019-3-5 08:24
其實就係商業作風。
當收車收到無人關注，營運商自然用商業角度決定咩線收車，並同人講請唔夠人。 ...

好簡單，呢種係 prisoner’s dilemma。
司機唔夠得兩個方法，一係減少重疊路線，一係減少運櫈路線。
就算唔計 W 線，巴士公司喺第二點都有野可以做到，例如 77、99 甚至 18X 開短途分段、934 取消非繁等。
第一點九巴好明顯唔係呢個方向，而係想陰乾平線，用相若資源收貴，呢種重組 ban 硬。