全港-最屈機-鐵路-網民細數西鐵完勝位

jpoon 發表於 2019-3-12 15:52
馬鐵我覺得設計好差，一啲都唔「實而不華」，最差嘅係恒安站，個車站大堂位置有問題，應該放響AB同C中間 ...

另一點差既，係除大圍外，每個月台既樓梯同扶手電梯組合，都係一條樓梯拍一條長期上扶手電梯，一條樓梯拍一條長期落扶手電梯。

其實，正路黎講，一條樓梯拍一條扶手電梯，扶手電梯係咪應該長期上(除非好似荃灣站2號月台咁，人流擺明有落冇上)？所以係咪應該兩條都長期上？或者三條扶手電梯，一對打孖一上一落，一條單獨拍樓梯長期上？

順便講下：最差莫過於沙田站，咁大人流既旺站，每邊月台只有兩對一上一落扶手電梯，同埋兩條闊樓梯。其實係咪應該增設扶手電梯，將兩條闊樓梯，都改成窄樓梯同向上扶手電梯？

除左設計差，我好記得，馬鐵通車日，睇九鐵官網想查下馬鐵幾點首航之類，居然完全冇講，連「最新消息」都對馬鐵通車隻字不提(西鐵就當然未起已經宣傳定，到通車初期直頭係大鑼大鼓)。

當然我明白，論規模、服務人數同範圍，馬鐵係同西鐵有距離，但咁樣隻字不提，合理？就算比馬鐵通車更細規模既輕鐵K巴路線改動，都唔可能咁樣隻字不提啦下話？

九鐵對馬鐵態度，由頭到尾根本係眼尾都唔「稍」。原因？我唔知，或者如我樓上post講，九鐵根本就係無厘頭，冇原因。

mckhgc 發表於 2019-3-15 22:45
車站設計，東涌線/機快同西鐵(紅磡站除外)，可謂同樣最高水準之作(除左地鐵洗手間呢個老問題)，好記得97 ...

睇維基張相已經知係無冷氣

似乎仲有戶外扶手電梯上落

遲下打風落雨真係祝大家好運

其實而家馬鐵幕門都米七

大圍車公廟站本身就應該裝幕門啦

mckhgc 發表於 2019-3-16 11:05
另一點差既，係除大圍外，每個月台既樓梯同扶手電梯組合，都係一條樓梯拍一條長期上扶手電梯，一條樓梯拍 ...

扶手梯較上或落係管理問題，唔係設計問題
而且馬鐵好多站都係服務住宅區，單向都唔係冇得諗，只係睇職員做唔做
但港鐵拉長咗月台後冇加返上落設施，仲係一條上一條落，某Ｄ多人用嘅站（例如馬鞍山站）明顯唔夠用囉
至於話沙田站，其實唔係話加就加，因為車站上面有幢建築，出面又有巴士總站，要遷就結構柱位，未必有位畀佢加，除非縮位巴士總站，將車站拉出Ｄ，不過12卡變9卡後可能冇需要，反而係要諗月台夠唔夠位企咁多人