灝景灣公共交通交滙處之謎？

JX7348 發表於 2019-3-11 12:39
而家陽光都有60座單層巴士泊入面車場,高度都唔係問題,入面有2條單坑同雙坑,亦有小巴站坑,仲有個公眾洗手間, ...

入伙最初幾年﹐大門口係無閘機的﹐大門口亦有行人路行入去巴士站。

所以保安的問題﹐只係點去調節一下﹐並唔係 "無路" 可以開放給大眾使用。
而設立得巴士站﹐就一定要預有 "外人" 進出﹐這就係基本要求。


講到尾﹐過去就因為長安未爆未有迫切性去用這個站﹐及後又有青衣城﹐所以一直唔去用。
而家﹐根本係巴士公司唔想擺路線入去﹐減省設站的成本。(948根本可以用﹐亦可用青衣城﹐唔明點解係要用長安做總站)
小巴又因為位置問題﹐選青衣城都唔選這處。

預期未來一段好長的日子﹐都唔會有人開新線﹐用得著這一個車站。

會唔會又係灝景灣開出後入長安巴總問題所以唔搵線用灝景灣

我都覺得去灝景灣既話不如去埋青衣站好過

灝景灣新地有份，巴士站做咗出嚟，可以補償增加出售樓面面積，售樓書又可以話有巴士總站，交通方便賣點嚟嘅！你睇下嘉湖咪知囉，當年有城巴出入先有人夠膽買。新地夾一夾九巴，話總站唔多啱用，咁變相少咗閒離人等，居民搭鐵仲方便，所以各持份者都無誘因去令個總站運作，你睇屋苑加埋車閘，就知道班住客好buy呢套啦，依家大家都關人鬼事，盡量避免提起有個總站喺度！至於長安重建，真係落實到，咁真係有機會用到呢個閒置總站嘅。

長安邨係租置計劃，重建唔駛諗

fourtong 發表於 2019-3-11 20:34
長安邨係租置計劃，重建唔駛諗

咁個站真係唔洗想幾時會有專利巴遷入去都係啦

noname617 發表於 2019-3-12 08:25
咁個站真係唔洗想幾時會有專利巴遷入去都係啦

當青衣城在未來某一天塞滿晒﹐又有巴士公司想開新線﹐又想起這個站的時候....


不過﹐未來三5七年都應該好難出現。

053h4 發表於 2019-3-12 09:48
948係好建議，村巴式服務應該做到新客。

以現時情況﹐948 一係擺長安﹐一係擺青衣城﹐點會同你一條線擺灝景灣。

前者在極勉強下都做到﹐後者仲有空間提供﹐駛鬼整多個總站。
你估set多個總站﹐唔需要運作成本咩。
放部電腦+上網線+電費﹐這是長期開支﹐仲未計員工休息地方。


PS. 支持948改放青衣城﹐再兜入長安返回原來路線﹐現時長安擺車真係一個亂字。

053h4 發表於 2019-3-12 10:06
擺條村樓下，有人當村巴咁搭。
行得去邨上車不如行埋去青衣城上車。

真心一句﹐948真係搶到幾多過海客先?

你唔係天真到巴士公司唔識計這條數﹐用最少的成本去做最多的地區下

真係搶到好多客﹐整條線入去又真係無乜所謂。
但係搶極有限﹐都唔夠交電費及通訊網絡費用﹐改來做乜?

真係比人出聲話長安唔再適宜做948總站﹐巴士公司寧可改放青衣城﹐都唔放灝景灣啦。
青衣城已經有齊所需的設備﹐不需再額外加添設備。

除非﹐有綁縛式的新線/改動﹐除948外﹐仲有路線要一齊進駐灝景灣。