運輸署真係不知所謂,成日以為鐵路係萬能

ctb234 發表於 2019-3-23 20:11
港鐵經常訊號出問題，早排就線攪炒，早幾日就撞車，仲要揾消防員幫手先搞得掂。 ...

而家係換訊號系統測試嗰陣，試到有問題，而唔係投入咗服務嘅訊號出問題。唔好將兩件事故混為一談，亦唔該唔好因為呢件事就要講到港鐵啲嘢一定地底泥、或者講到好似「咁都撞，咁點 fix 都無用啦」咁嘅款。如果唔係，你就係立場主導思維，無咩「討論」可言。

系統出錯必須正視，但至少今次佢係自己揭發到問題先。

未更換訊號系統之前已經成日有問，近幾年情況更加惡化，早幾個月先試完4線攪炒，搞到全港大混亂。仲有就係呢間龜鐵將軍多過兵，jl

話口未完又聽到趕鐵東涌線列車在欣澳站集電弓甩脫，比心機繼續盲保鐵啦

今朝朋友報料, E31荃灣開, 寶石大廈已經有人要企, 青衣都唔知有無得上車.
因今日仲要有過千屯荃葵青小學生要入東涌數學比賽.

我想講，今次港鐵出事係好事﹐因為新系統一定有問題有bug，响試嗰陣發現有問題就有時間冋辦法解決佢！

而好多新系統响正式運行之後都有出事例子，近ge有九巴四廠派更系統失靈，大件ge有波音Max8，遠ge有98年赤鱲角機場剛開幕時ge混亂(年紀輕ge網民可能唔知呢件事，但嗰陣有段時間新聞日日都報導呢個問題)

所以在beta階段發現有問題係好事，如果beta試唔到，到出街先有問題就gg啦！

所以對呢件事，大家唔洗再借題發揮，無疑近年港鐵管理質素係惹人詬病，但一單還一單，港鐵呢單野只可以話係"人衰行路打倒褪"，只係件事大件咗，有人傷同影響日常服務，由此而保巴者，唔洗沾沾自喜，因為咁會比人抽後腿(九巴派更系統失靈)

238X 發表於 2019-3-23 22:07
我都會搭 112 北行，對你嗰句「隧道口落成三分二車人」唔係好認同。你有證據嗎？
...

三分二又誇張啲
但以繁時計，112紅隧客佔近半都差不多，停紅隧後由頂閘變成有堆吉位，座位騰空程度較同樣經SOGO嘅116高
有次7點左右由SOGO等112去旺角，第一班紅隧特，目測條隊多數人係照上車
第二班旺特，我自己上車，即使前車係紅隧特，但呢班仍有可觀數量乘客係紅隧落車人龍前面真係要去深水埗、要等第三班嘅，唔夠十個

另回樓上：近年灣北塞車嚴重，102放工時間多數都行堅拿道，112好多時仲快，北角炮台山已經多咗人等112

雖然我唔係常客，但近8年左右都keep住間中搭112，睇到係都會票搶走熟客、塞車趕走生客，彌敦道、深水埗客比例係有下降
無人會話好鍾意逼地鐵，但時間同舒適比，港九客普遍係揀咗前者

matchnacu 發表於 2019-3-24 10:58
我想講，今次港鐵出事係好事﹐因為新系統一定有問題有bug，响試嗰陣發現有問題就有時間冋辦法解決佢！

而 ...

派更系統失靈最多影響班次疏少少，唔會冇車搭，但趕鐵出事影響大好多

當然我都會理智，需要時都係會搭趕鐵

其實小巴派更 uber call app 的士台等 都會有機會有呢啲問題 只不過佢地既覆蓋範圍冇咁大 影響人冇咁多 加上港鐵既客量多幾多倍 其實大家都係均等機會發生 正如前三個月內試過3次喺便利店用唔到在線支付系統 其實對我呢啲貪著數既都好大影響嫁   再另一個例 飛機成日話自己意外率最低 偏偏見報量多 因為佢大獲嘛   所以 揀巴 揀鐵 定揀的士 繼續自行決定 佢地點營運就繼續 鐵路始終多啲人用 個交通政策偏向佢亦正常 而巴士公司方面 最好快啲解決人手問題 出番正常時間表需求先啦

jessc 發表於 2019-3-24 09:15
今朝朋友報料, E31荃灣開, 寶石大廈已經有人要企, 青衣都唔知有無得上車.
因今日仲要有過千屯荃葵青小學生 ...

一場學界比賽已經搞掂咗條E31？！呢啲學界比賽學校唔係好多時會租非專，將上百學生載入去咩？！我之前都去過呢類比賽，喺青龍頭，規模都成千人嘅，人哋啲名校大隊係租城巴入去，重要唔只一部。如果下下靠啲35分鐘一班嘅單層53，或者得16個座位嘅小巴死得啦。