運輸署真係不知所謂,成日以為鐵路係萬能

話口未完，成支集電弓跌咗落黎，成條東涌綫又玩完，今次又唔知關唔關訊號系統事？

我呼籲大家由今日起行路返工返學。有自稱巴迷嘅人話其他版友保鐵，盲推巴士服務。
適逢 690 減班，果個人話港鐵出都會票谷人落地底，我建議大家積返少少陰德，唔好買都會票，買咗都唔好用，齊齊逼上架 690 好唔好？
都係唔好，果個人話西鐵逼爆，建議其他人買九巴月票。唉好啦唔搭鐵喇，一陣又俾人話冷血涼薄就唔係幾好啦。
唔知新西人仲記唔記得 2003 年屯公車禍呢，為咗唔好令事件重演，我建議大家出入唔好搭巴士喇。例如返荃灣九點嘅，半夜四點鐘開始行，九點應該準時返到工嘅。


果個人話要接收港鐵一成載客量喎，根據港鐵數據，今年一月平均每日有 5033（千人次），一成即係 503300 人，當入面有一成係繁時客，50330/140=359.5，叫巴士公司買多 360 架車請多 360 個司機啦，特別係城二，東涌綫咁廢，等陣 E21A 又出事嘅話， 咁冷血涼薄就唔係幾好啦。
反正屯轉塞過千人都唔算牽連甚廣架啦，不如將屯轉改做中途休息站，由政府資助免費能量飲品，俾人日日行出市區，空氣污染都少咗喎。
（

leo_ku 發表於 2019-3-24 13:07
你未出街載客都攪成咁, 今次好彩撞唔正載客時段，但加埋之前成日故障的例子, 你叫人點比信心港鐵?

同 ...

第一，我唔係保鐵，你有時間可以search返我之前呢個討論區ge討論，好多都係同巴士有關，我甚至承認我有少少保九tim！我平時盡可能都有鐵唔搭，就算宜家晚上港大放學都係坐巴士轉船再轉巴士，我相信一個你口中ge保鐵迷唔會做呢種事law！

第二，好多人話未出街已經出事，如果出街之後再出事點算。無錯，乘客有顧慮係可理解ge，呢個同港鐵近年表現有關，都無咩可駁，但我點解今次出事係好事，就係因為試到響可能有問題ge情況下真係出事，所以先有契機諗可以有咩方法解決。所有系統測試就係要揾出一切可能出事ge情況再清理bugs，如果同你講咁大個系統無bugs先要驚！想想八間大學圖書館換系統都試咗成兩年都仲有bugs，更何況呢個係全年無休，每日用成近廿個鐘ge系統呢！我無打算為港鐵辯駁任何野，請唔好對號入座！

第三，你同我講波音無人傷? 試問 閣下有無睇新聞啊? 兩部機跌咗落黎死咗幾百人啊！同我講無人傷，我O晒咀啊！

第四，閣下話新系統有問題就應該擱置，等查到成因先再決定，宜家港鐵已經停咗新系統測試喎！做咗你話要做ge野，咁宜家要做ge事就係等查唔查到原因，你信唔信佢做得到係另一回事！

最後我想講，試過轉系統ge人都希望於beta階段發現出所有問題而加以解決，可惜好多時都係出咗事先知道，今次係不幸中ge大幸，因為車長係輕傷，我都對運吉保鐵政策好不滿，請你唔好誤會，但有時究竟要巴士定要鐵路，好應該由居民自己用隻腳去決定，巴士最好做到呢三點︰一到大部份地區最多轉車一次，二，巴士應盡量維持在二十分鐘或以下有一班(以巴士離開市區/新市鎮前滿座而不滿載ge原則下計)，最好盡量定點，三. 區內無需轉乘，呢數樣野我之前都提過！ leo_ku你應該無留意到！

其實見到L 生嗰名都唔使同佢拗，鬧人保鐵之前，倒不如問咗巴士公司請夠人未？肯唔收車未？連基本嘢都未做好就要人棄鐵保巴，睬佢都嘥氣

eric278 發表於 2019-3-18 12:40
十多年前已有學者警告，保鐵政策的最終後果就是令私家車數量大幅上升
因為減少巴士路線，令市民出入不便， ...

呢點其實差唔多每次搵運輸署都有提, 不過佢地咁離地萬丈自然唔會明白...

lsc04d11 發表於 2019-3-19 07:21
其實係房屋制度諗/樓價高既錯   一班公屋友  以前都話可以轉得成買居屋 私樓  宜家樓價咁 佢地已經預左買唔 ...

的確會係咁...

ctb234 發表於 2019-3-19 10:00
因為規劃失敗.
私家車過多導致塞車.
泊車位不足,被迫違泊又係導致塞車.

燈陣/燈放行時間的確會直接影響到行車時間.....

leo_ku 發表於 2019-3-24 15:10
https://topick.hket.com/article/ ... 6%E6%A6%9C%E9%A6%96

報導已刊載港鐵各線的負荷程度, 不容有D 離地 ...

有些人成日叫人去金鐘站頭兩卡等車，個月台迫滿人，行到過去先講啦

咁多條鐵路線，只有馬鞍山線最鬆動，如果要保鐵，就應該先搵馬鞍山巴士線開刀，等到馬鐵都飽和埋先搞其他區，或者唔應該再俾馬鞍山開新巴士線或加班加車

有些人話東涌線唔多人搭，但報導已睇得好清楚，東涌線都超負荷