點解936做極都做唔起？

238X 發表於 2019-3-28 10:14
其實我覺得，一個區所謂較好嘅巴士服務，應該係有一啲上到車嘅直車，然後有一啲班次速度容量都夠大嘅駁腳 ...

講來講去咪又係城隧轉車站，但佢對大部分出九龍同港島返工的人無用。除非在大型轉車站轉車，否則下下轉來轉去，嘥錢又嘥時間。
我返工的地方算熱門，有全日直車天經地義，無車就返去瞓覺。

同埋你用95M或98A比36M無乜意義，因為自從將軍澳綫通車後，95M同98A已經唔係用來接駁地鐵。你唔使用海濱比較啦，我覺得果度除咗238X同930X，其餘線都有問題，不過可以勉強行去西鐵站，唔使單單受九巴氣。

ricky 發表於 2019-3-28 09:56
咪就係得去新界東的巴士線囉，但事實係有幾多人去果邊返工？沙田(例如石門)怕且都仲有，其他呢？有呢啲線 ...

一定要住過先准講野？咁你都唔應該評論康翠交通好過梨木樹添
我再重申，我自始至終冇打算用康翠做比較，請你注意
我一直都係以梨木樹附近屋邨做比較，你無需攞我所住嘅地方嚟做比較

客觀去講，梨木樹交通選擇，已經好過唔少地方，並非如閣下所言，踩到地底泥咁差，你一而再再而三咁不斷踩梨木樹交通，我冇辦法理解係咩心態

好簡單，淨係同區荃葵青，都有一堆屋邨交通差過梨木樹幾十倍
都係嗰句，梨木樹交通未必算好，但講差根本算唔上

ricky 發表於 2019-3-28 11:26
講來講去咪又係城隧轉車站，但佢對大部分出九龍同港島返工的人無用。除非在大型轉車站轉車，否則下下轉來 ...

不如你列舉一下你啲返工地方有幾熱門

我記得嘅都係貨櫃碼頭、紅磡、九龍灣、北角

紅磡未有地鐵嗰陣直情唔掂，九龍灣都不遑多讓

北角受地理所限，一向傾斜九東新東，就算大西北去北角返工，到而家都係唔易

所以我覺得係你要求太高

ricky 發表於 2019-3-28 11:26
講來講去咪又係城隧轉車站，但佢對大部分出九龍同港島返工的人無用。除非在大型轉車站轉車，否則下下轉來 ...

每區交通都有強項同弱項啦，好似梨木樹，出九龍港島唔方便啫，但係去新界東屈機喎；睇埋荃灣區其它地方，就搵荃景圍做例子，出九龍港島一樣垃圾，主要靠34M 39M重有小巴接駁地鐵，但係去新界西北屈哂機，去屯門元朗天水圍每一條邨都有直接特快車。

拎埋外區就比較，好似廣福咁，係出港九屈機，但係去新界西就一樣係垃圾；翠林係出九龍好，過海就垃圾。

ricky 發表於 2019-3-28 11:26

同埋你用95M或98A比36M無乜意義，因為自從將軍澳綫通車後，95M同98A已經唔係用來接駁地鐵。

所以我用埋啲綠小嚟比：綠小直情逆走，反而 95M / 98A 都順路過佢

不如你答我，假設你喺康翠出發，去搭地鐵你會用咩車轉？ 95？ 290？（前者我覺得合理，但都係疏，而且係單飛）

點睇 36M 都係非常順路，但亦唔係唯一選擇。我亦有講如果返梨木樹仲可以點轉，唔比 36M 差，係你哋唔揀啫！

miklcct 發表於 2019-3-28 11:55
每區交通都有強項同弱項啦，好似梨木樹，出九龍港島唔方便啫，但係去新界東屈機喎；睇埋荃灣區其它地方， ...

佢就係唔鍾意淨係新東，你就唔好再咬住呢個 point。如果你唔明，麻煩唔好再講，否則只係添煩添亂。

ricky 發表於 2019-3-28 11:26
講來講去咪又係城隧轉車站，但佢對大部分出九龍同港島返工的人無用。除非在大型轉車站轉車，否則下下轉來 ...

事先聲明，呢篇回覆係專比較康翠同梨木樹，同我上面嘅回覆重心唔同

你過港島同東九返工，淨計巴士你有40P、234C、936/A，返工主流都係繁忙時間出入，有兩味線合理啦
過港島仲可以36M密密落地鐵站，回程荔枝角站多飛返梨木樹

到康翠，先講你所謂 “將軍澳線開通後，98A、95M已經冇接駁鐵路功用”
非也，康翠落寶林係兜個大圈先出城，除非過港島，否則轉地鐵向西走觀塘係直接啲

至於過海線，樓下條690嚟緊都減班

去其他地方例如旺角、油麻地、深水埗，基本上都係要死等一條線，呢個唔係大問題，
但拍埋梨木樹比較，樓下有幾條線加紅van出西九，仲有直接嘅36M轉地鐵

至於尖沙咀線，大家都冇

新東線更加係梨木樹大勝，康翠爭取咁耐都只係得上下繁各一班798A，上繁離地開車時間七點鐘就開車

唔否認康翠有E線有A線，亦都有全日觀塘線，好過梨木樹要轉車
但有去機場36M轉A32，同站轉車唔算麻煩
去觀塘可以轉40，又係同站轉車

你話36M要大排長龍，17M、98A就唔駛？未計15M同105兩條都係等運到

梨木樹同康翠各有好處，絕對冇講過兩者都好好，但起碼梨木樹係咪差到地底泥？我又唔覺得
你話我住嘅康翠係唔係好過梨木樹？我唔覺得差幾遠

至少我想有條頻密去地鐵站嘅巴士線 (非小巴)，梨木樹做到，康翠做唔到

238X 發表於 2019-3-28 11:56
所以我用埋啲綠小嚟比：綠小直情逆走，反而 95M / 98A 都順路過佢

不如你答我，假設你喺康翠出發，去搭 ...

一般情況下轉地鐵往西走最快其實係290...
但就真係夠曬貴，比10.7十五分鐘到彩虹站
95兜秀明道先去彩虹站，某程度上都嫌慢

倒不如98A平多一蚊快趣落觀塘站上地鐵
或者想再平啲不如搭95M/93A
但搭得95M轉地鐵，如果係出旺角油麻地，其實時間同搭95西行兜秀茂坪、彩虹道差唔多...

10598C 發表於 2019-3-28 11:43

你一而再再而三咁不斷踩梨木樹交通，我冇辦法理解係咩心態

其實佢對梨木樹交通個睇法，好大程度上受同邨街坊影響，幾個意見相同嘅人喺埋一齊係好易激化立場（我自己都試過，「好彩」我孤僻）

唔好話佢，喺 iTalk 所有自稱住梨木樹嘅站友都係咁，呢個先係我最唔明嘅地方。就算新田圍都無咁一面倒

10598C 發表於 2019-3-28 12:02
事先聲明，呢篇回覆係專比較康翠同梨木樹，同我上面嘅回覆重心唔同

你過港島同東九返工，淨計巴士你有40 ...

翠林條所謂E線兜成咁同無根本無分別，同埋觀塘線對翠林係必需品，好似梨木樹條36M咁，因為係去最近嘅市中心