點解936做極都做唔起？

miklcct 發表於 2019-3-28 12:11
翠林條所謂E線兜成咁同無根本無分別，同埋觀塘線對翠林係必需品，好似梨木樹條36M咁，因為係去最近嘅市中 ...

咁又唔係，E22A對於康翠而言始終有一程過優勢，要快我早就搭A29P，唔係樣樣野都要求快

至於去觀塘同荃灣
康翠去荃灣同觀塘都有全日線
梨木樹去荃灣有36，但去觀塘就冇全日線
呢到無可否認係康翠有少少優勢

238X 發表於 2019-3-28 11:52
不如你列舉一下你啲返工地方有幾熱門

我記得嘅都係貨櫃碼頭、紅磡、九龍灣、北角

你地話我係要求高就高囉﹗ 去邊度都係左轉右轉﹐一早就應該放棄佢啦﹗

10598C 發表於 2019-3-28 11:43
一定要住過先准講野？咁你都唔應該評論康翠交通好過梨木樹添
我再重申，我自始至終冇打算用康翠做比較， ...

區內我只會用荃灣市、大窩口、葵興/芳、長安/發來做交通標準，其他果啲唔好講啦，我唔會用象山、荃威來講，覺得自己好方便

10598C 發表於 2019-3-28 12:37
咁又唔係，E22A對於康翠而言始終有一程過優勢，要快我早就搭A29P，唔係樣樣野都要求快

至於去觀塘同荃灣 ...

康翠仲有過海690同N691呢﹗梨木樹的936都仲未係全日。
以直車數目來計，康翠點都好過梨木樹。

10598C 發表於 2019-3-28 12:02
事先聲明，呢篇回覆係專比較康翠同梨木樹，同我上面嘅回覆重心唔同

你過港島同東九返工，淨計巴士你有40 ...

梨木樹多車去沙田其實無乜用，唔知點解你哋咁羨慕，有幾多人去沙田返工呢？多數人都出九龍同港島返工啦﹗32同36系先至真正係返工線，但除咗36M外，條條都做得麻麻，去機場巴士又欠奉。

238X 發表於 2019-3-28 12:11
其實佢對梨木樹交通個睇法，好大程度上受同邨街坊影響，幾個意見相同嘅人喺埋一齊係好易激化立場（我自己 ...

意見好兩極，有啲人話交通好方便，但再問下佢地背景，原來佢地都係荃葵區內、長沙灣或旺角工作，甚至係退休老人家；另一邊廂的人當然話交通惡劣，巴士線不足又經常脫班。

ricky 發表於 2019-3-28 17:09
區內我只會用荃灣市、大窩口、葵興/芳、長安/發來做交通標準，其他果啲唔好講啦，我唔會用象山、荃威來講 ...

因為你只係睇到梨木樹嘅問題，唔識睇梨木樹嘅優點，望望同區，其實梨木樹根本唔係好似你講咁，差到地底泥咁

我再重申，從來冇話過梨木樹特別好，但講差根本算唔上
唔該你搞清楚先好回覆，否則你回覆我都冇意義

ricky 發表於 2019-3-28 17:19
梨木樹多車去沙田其實無乜用，唔知點解你哋咁羨慕，有幾多人去沙田返工呢？多數人都出九龍同港島返工啦﹗ ...

究竟你想講繁時返工定非繁先？之前又話冇全日東九線同尖沙咀線，而家又轉移焦點去繁時返工？？

繁時去東九港島有936A/40P/234C

交通網絡係睇整體，包括路線網絡、班次疏密等
梨木樹我就覺得並非差到極點

若然你堅持梨木樹交通係差到地底泥咁，我認為繼續討論落去都無意義

ricky 發表於 2019-3-28 17:24
意見好兩極，有啲人話交通好方便，但再問下佢地背景，原來佢地都係荃葵區內、長沙灣或旺角工作，甚至係退 ...

回覆埋你之前講康翠有690過海
690而家都俾人減班，我過海如果夾唔到690，都即刻轉地鐵啦

我而家通勤嘅地方都唔係一程直達，要轉車或者落車行三四個字上山先到

你一個人鍾意搭一程巴士直到，唔代表全世界都不能接受一程巴士直到以外嘅選擇，亦不代表就等於差過地底泥
何況梨木樹通勤兩味線都係齊到

10598C 發表於 2019-3-28 17:44
究竟你想講繁時返工定非繁先？之前又話冇全日東九線同尖沙咀線，而家又轉移焦點去繁時返工？？

繁時去東 ...

當234C係的士走線去九龍灣，936A朝早都唔爆又唔駛上安蔭、入四小龍，繁時交通算係幾好。即使唔用36M駁鐵，搭36X出旺角駁都唔太慢，唔少區去尖沙咀都無直車。