點解936做極都做唔起？

ricky 發表於 2019-3-28 20:55
梨木樹的設施同交通跟葵興芳、大窩口比較已經差好遠，仲點樣好法？你地往往用隔籬衰到貼地的屋邨比較，咁 ...

坦白講,我又睇唔到葵興、芳、大窩口有幾絕對性優勢.先講你最唔喜歡見到的沙田,但事實喺大圍、新城市、火炭、石門皆有大量工商業活動,而遠一點大埔亦有大型工業村,
唔通呢啲唔喺就業機會?
知唔知葵興、芳、大窩口去新界東幾麻煩?搭地鐵要轉幾次兼七個字先到大圍,搭巴士就無多飛.

跟住講市區,你岩,葵興芳大窩口近地鐵,有大幅優勢(唔好唔記得葵興芳大窩口唔喺各座廈都咁近地鐵站,呢樣要視乎你喺邊座出發,當然,梨木樹都好大,細分三個邨,最後期重建嘅無疑喺相對方便)
我唔否認呢等地區交通比起梨木樹優勝,
但唔代表梨木樹就極端到咁差吖碼?
你葵興芳大窩口,如果要去轉西鐵,轉東涌線入東涌,一樣行餐死,行到我都驚咗.
你葵興芳出港島東好方便?就以我柴灣柴灣為例,我若往葵興芳大窩口,就算搭鐵都要 46-52 分鐘,繁時仲要迫餐死.
我試過梨木樹出發,經大圍、紅磡轉巴士,consistently都喺一粒鐘,仲可以深入柴灣各處兼仲要無咁迫,10 分鐘影響真喺咁大?

我認為你講嘅梨木樹差到地底泥,喺基於你只以市區作比較,你從沒考慮過荃灣區本來是新界一部分,
荃灣區之大,東至梨木樹,西至青龍頭、陰澳,唔通住深井青龍頭嗰邊就辛苦到要成年自閉在家唔出街la?
唔好唔記得,交通過青龍頭嘅地方,係新界多不勝數.

10598C 發表於 2019-3-28 21:10
如果要住過先可以評論，麻煩你收返所有評價康翠嘅言論，以及所有對你冇住過嘅地方嘅評論

我從來“唱好” ...

唔使拗，睇下你果度同我以前果度，比較途經巴士同小巴線，就知邊度多車啲，仲未計途經梨木樹邨當中有好多只係繁時線。
寶琳路康盛花園
https://hkbus.fandom.com/wiki/%E5%BA%B7%E7%9B%9B%E8%8A%B1%E5%9C%92

寶琳路翠林邨
https://hkbus.fandom.com/wiki/%E7%BF%A0%E6%9E%97%E9%82%A8

和宜合道梨木樹邨
https://hkbus.fandom.com/wiki/%E6%A2%A8%E6%9C%A8%E6%A8%B9%E9%82%A8

康翠無去新界東線、去尖沙咀線。
梨木樹無去機場線、去尖沙咀線、去觀塘全日線，同埋無全晚通宵線。
剩係咁，康翠已經贏梨木樹好多皮。

10598C 發表於 2019-3-28 21:13
我一直覺得梨木樹有佢嘅不足，係需要改善，但有冇必要怨婦式數臭佢？

呢到咁多怨婦式埋怨咪就係咁嚟

咁你就問果度的區議員了，我已經放棄咗

keilingha 發表於 2019-3-28 21:16
坦白講,我又睇唔到葵興、芳、大窩口有幾絕對性優勢.先講你最唔喜歡見到的沙田,但事實喺大圍、新城市、火炭 ...

去九龍同港島的巴士規劃差，已遠超去沙田的優勢。
再者，去九龍同港島返工的人，一定多過去沙田返工的人。

講到幾勁都要接受事實，返工唔方便，講到天花龍鳳都無用。同埋講到去沙田咁勁，但一樣無城隧通宵巴士線。

ricky 發表於 2019-3-28 20:58
好多人都受夠果度的巴士服務，你咁鍾意唱好，不如自己搬去附近住下，先再落評論。
我住咗近廿年，感受到 ...

其實唔係個個梨木樹人都咁諗

我表弟有一段時間去九龍塘返工，都選擇出大圍轉車。（當然而家佢黐阿哥住另一個地方就唔講喇，但唔見得係交通問題）

我頭先講嗰啲搭 A/B 車出美孚長沙灣轉車，係我自己死人都唔想搭 238M 、又見 404M 排到打哂蛇餅，慢慢領會到嘅方法

所以話，無人同你講駁腳一定要用 M 車，但 36M 可能真係太方便太順路，莫講話你識嗰啲街坊，連你自己思想都有啲受影響

香港住得比梨木樹唔就腳嘅人多的是，你叫人「搬去附近住下」評論其實唔會有結果，話唔定人哋真係會覺得好

反而我會諗到嘅係，正正就係因為梨木樹「中上」，先至會搞到入面有人咁唔知足。其實對現狀最不滿嘅，唔一定係最低嗰層，反而有可能係由頂數落嚟第二層嗰班，因為佢哋望得到頂嗰層

喺 #202 樓，你用三個喺正地鐵站隔籬嘅邨嚟比梨木樹，好能夠說明呢種現象

當然我亦認為，你返工嗰啲地方，一係本身交通仲差過梨木樹、一係其實唔啱新界西嘅人去，可能都有好大關係

而我懷疑仲有一個 factor 都有影響：就係你住梨木樹之前嗰條邨，都係無地鐵但多巴士到喊（其中一條而家仍然係成個大區嘅線王）。不過呢樣關乎個人私隱，我就唔多講喇

如果以你個人經驗而言，我唔否認梨木樹係你住過交通最差嘅地方，只係攞到出去同人比，人哋係唔會咁諗

keilingha 發表於 2019-3-28 21:16

荃灣區之大,東至梨木樹,西至青龍頭、陰澳,唔通住深井青龍頭嗰邊就辛苦到要成年自閉在家唔出街la?
唔好唔記得,交通過青龍頭嘅地方,係新界多不勝數.

唔同意你用深井青龍頭比，嗰啲地方唔少人會自駕外出

ricky 發表於 2019-3-28 21:37
唔使拗，睇下你果度同我以前果度，比較途經巴士同小巴線，就知邊度多車啲，仲未計途經梨木樹邨當中有好多 ...

事先聲明，係你帶起比較康翠同梨木樹嘅話題架

我之所以提及康翠，係針對你所講“要住過先可以評論”，所以係嘅話麻煩收返你對你冇住過嘅地方嘅評論，我亦都唔明點解你要帶起“比較梨木樹同康翠”嘅話題

回應返康翠相比於梨木樹
係，康翠選擇看似係多線
但全部隨巴士公司心脫班脫到冇影
其他仲有種種問題，唔詳細講
但比較嚟都冇意思，我一直所講嘅係話，梨木樹唔屬於非常好，但並非好似你講到咁差
OK？

238X 發表於 2019-3-28 21:50
其實唔係個個梨木樹人都咁諗

我表弟有一段時間去九龍塘返工，都選擇出大圍轉車。（當然而家佢黐阿哥住另 ...

駁腳車一條永遠唔會滿足晒所有人,香港鐵路系統有唔少斷層位,難以有效率.
而且駁腳車去鐵路死角位 (例如荃灣、柴灣、寶琳等),亦唔見有效率,
有得選擇就已唔差得曬la,諗下東涌或大西北嗰啲受地理位置限制,住逸東得駁腳去東涌站,就算嶼巴 38 開得密咪一樣去邊都咁遠.

keilingha 發表於 2019-3-28 21:59

有得選擇就已唔差得曬la,諗下東涌或大西北嗰啲受地理位置限制,住逸東得駁腳去東涌站,就算嶼巴 38 開得密咪一樣去邊都咁遠.

呢層我梗知。我有個學生，佢屋企人好好地有個旺角竇唔要，走去接受滿東邨 offer

238X 發表於 2019-3-28 21:50
其實唔係個個梨木樹人都咁諗

我表弟有一段時間去九龍塘返工，都選擇出大圍轉車。（當然而家佢黐阿哥住另 ...

為咗保梨木樹的名節，點解大家變咗狂數自己住的地方交通差？
梨木樹出九龍、港島同機場就真係勁差(包括無直車、脫班、兜路等問題)，但偏偏果啲地方最多人返工，難怪去沙田大埔有幾方便都無用。
衰過佢當然仲有，剩計巴士線咋，包括象山、荃威、葵盛、海濱、馬灣.... 不過我剔出咗麗城，因為佢已有40同A31P，同半全日的934。

P.S：936又加站啦﹗邁向全日又進一步。