香港有無空間增設更多巴士專線？

Snoopy@FB8617 發表於 2019-3-29 11:12
1.遲D擴建工程做完應該有相當大既改善
如果要去咁大工程既
倒不如再玩大啲玩返草山隧道

擴建工程做完，可能暢通返一陣
但之後東北/第九區/大埔鄉郊/火炭發展，又會再塞過
沙市空間始終有限，唔可能無限擴闊

當然你又可以話起草山隧道，呢個我都有FF過

問題係，無論擴闊定起新路
如果容許所有車輛通行，只會將個樽頸位推咗去其他地方
以草山隧道為例，你放咁多車落來，就輪到城隧青沙西隧塞，獅隧亦會更多車
當然整體可能塞少咗少少
但講到底，都始終會有樽頸位

巴士專線個巧妙之處
係佢俾條路八九成使用者（巴士乘客）避開個樽頸位
過咗個樽頸之後，就唔會再塞，因為私家車塞曬喺前面
變咗巴士乘客真真正正唔使塞車

而某程度上點解家陣咁多人揸車出市區
原因係因為班人唔想逼地鐵，而私家車點都快過巴士/小巴/非專
若果私家車要塞，巴士有得避
私家車車主就有誘因喺新界擺低架車，搭更快既巴士返工
變相減少埋市區私家車數量
呢個模式，喺外國玩咗好多年，香港值得借下鏡

我寧願政府包起部分巴士做郊區通勤
又或者開一D鐵路站長途特快接駁線

郊區個問題係，得大路有巴士
但人地條村離大路太遠，大路就算有車去全港十八區，班人都會揸車
（例：相思灣、社山村、早禾居/黃毛應、坪洋、上/下山雞乙、錦田大窩 等等）

郊區大路出市區繁時巴士線可以搞
但更有逼切性既，係補貼小巴做返呢類遠離大路既真空位

B.B.B. 發表於 2019-3-29 11:05
鯉魚門道救護站東行東隧入口 (早上7－10）
其他車去油站調頭，藍田都唔會咁塞 ...

邊個油站？

castanopsis 發表於 2019-3-29 13:59
邊個油站？

打錯了 是油塘

castanopsis 發表於 2019-3-29 12:11
擴建工程做完，可能暢通返一陣
但之後東北/第九區/大埔鄉郊/火炭發展，又會再塞過
沙市空間始終有限，唔可 ...

其實有好多位私家車都唔係快得幾多，又要排隊等時租入場又要泊好車再行去目的地，
簡單黎講原因係因為班人"唔想逼"，就係咁多...
坦白D就係...要舒服，怕左Deanie姐果D乘客
另外就係地鐵其實好耐以前已經有park and ride，
http://www.mtr.com.hk/ch/customer/tickets/scheme_index.html

但係又只限地鐵，成效係點你懂的
要"私家車車主有誘因喺新界擺低架車"
條件一定要更加豐厚，例如P&R時租好平，可以轉任何交通工具
同埋要好似荃灣政府場果類專用大樓，
超多位先容納晒咁多車，
另外P&R線亦都唔可以欠人收車啦...
係十分燒錢，夜晚既P&R車場可能又會比人罵使用率低浪費土地
不過條橋同條鐵咪燒得仲多試下都無妨

要做P&R，唔該喺每個隧道轉車站隔籬整個P&R，重要出入方便先好。好似大欖隧道咁，由元朗去個停車場要由博愛開始行下路先去到嘅，自己揸上3號幹線已經去到老遠啦！係對八鄉人有着數咋。揸得私家車嘅非富則貴，係市區泊車麻煩咪唔揸出市區，但係都要喺市區外有啲方便嘅泊車位，轉到直達地鐵或者尾站公路巴士先得架。

首先你要搵到一個地方，巴士嘅車流量係可以多到自己霸佔一條車道而餘下嘅車道又能夠容納到所以其他車輛又唔出現擠塞嘅，咁咪可以囉

其實好簡單㗎咋

XA2Plus 發表於 2019-3-30 14:10
首先你要搵到一個地方，巴士嘅車流量係可以多到自己霸佔一條車道而餘下嘅車道又能夠容納到所以其他車輛又唔 ...

呢個情況其實整條巴士專綫係冇用，所有巴士都自動入曬慢綫，冇專綫同有專綫一樣。反而如果巴士可以佔據一條行車綫七至八成流量，整條巴士專綫趕其他車去其他綫。令到巴士順暢咗，其他車稍為塞/慢咗，咁先係達到設立巴士專綫嘅目的。

鐵路動輒50 60憶一公里,巴士專線起幾百公里都得。不過運房局係廢的,議員唔會有交通知識,而巴士公司亦冇去教育遊說市民議員。咁地方冇聲音 政府亦唔會做野。起巴士專線,往往影響其他道路使用者,少人贊成反對聲音卻大,不如不做

ccchhhuuunnn 發表於 2019-3-30 14:36
呢個情況其實整條巴士專綫係冇用，所有巴士都自動入曬慢綫，冇專綫同有專綫一樣。反而如果巴士可以佔據一 ...

但制度上係要計VPH先整到
三線計，VPHbus~2 VPHother先有資格開始研究，仲未計affect