黃大仙區議員要求290在鑽石山站巴士總站加設中途站

poondriver 發表於 2019-3-30 10:30
現實來計 之前都講過加來都冇用

鑽石山想加停相信都係想要部快車去荃灣

又唔好淨係睇繁忙時間﹐有無能力再載乘客。
講真﹐鑽石山都去到尾站﹐繁忙時間好多路線都已經上爆﹐連黃大仙站都可以直飛。

但係非繁忙時間又點?
咪又係全部線都有條件載晒鑽石山+黃大仙的乘客。

鑽石山唔需要死等40往返荃灣﹐係一件好事。


PS. 我都唔明點解當初290系在黃大仙MTR有站﹐之後去到彩虹(牛池灣村)有1個站﹐但係鑽石山就無站。
唔想停太多站我明白﹐所以黃大仙區的沙田坳道無站係合理(將軍澳方向)/摩士泳池(荃灣方向)。但係1區1站的原則﹐無理由鑽石山唔擺站。

kei_hk 發表於 2019-3-30 10:42
又唔好淨係睇繁忙時間﹐有無能力再載乘客。
講真﹐鑽石山都去到尾站﹐繁忙時間好多路線都已經上爆﹐連黃 ...

非繁既話 本身已經叫緊三飛仲有地鐵 遲下仲有沙中線 睇唔出真係有咩咁急切需要去拎部車去載你幾個人

而點解得彩虹同黃大仙有站
相信都係因為轉車問題

彩虹就轉車上大老山隧道入沙田大埔上水etc 黃大仙就轉各條大西北路線


而點解鑽石山都可以轉大西北線又唔停呢
我估原因係係黃大仙站位多area 大D 掛

poondriver 發表於 2019-3-30 10:14
早晚繁計  過彩虹/黃大仙後
而家最爆個條係X 之後係A 最多空位係290........... ...

唔覺喎...
我不時搭88係彩雲轉290系三飛返去，見親290X都係最吉嗰條

可能我時運高掛._.

10598C 發表於 2019-3-30 11:32
唔覺喎...
我不時搭88係彩雲轉290系三飛返去，見親290X都係最吉嗰條

非繁咪吉 但非繁時 條條線都吉

作為半個荃灣人, A 車停鑽鐵就冇所謂正線就反對!!!順便响度反對埋正線再加站包括秀茂坪道

leo_ku 發表於 2019-3-30 11:23
鑽石山往返荃灣覺得40兜, 應該爭取40 唔經美孚, 而唔係夾硬加站拖慢本身行車時間唔短的290系,請弄清楚邏 ...

龍翔道唔塞車嘅話，290 290A 290X 飛鑽石山站當然快到
但龍翔道塞起車上嚟，好多時都見 290 小隊西行係會跟住停鑽石山站堆線排隊
東行塞嘅話都會見到 290 小隊會行大磡道塞少 D

講返個建議，290A 作為慢線都唔差在慢埋一個站，但可能又再開僻到新一批流水客
秀茂坪都叫有條兜到核爆嘅 11C 去到鑽石山，但四順本身應該得小巴？（呢個唔熟）
始終鑽石山大大個荷里活係到，D 人搭車落去行街唔出奇

但 290 290X 就係彩虹比個免費轉乘佢落鑽石山就算啦
38 40 80 89 214 幾條線班次加埋疏極有限啦，最多鑽石山落車時要拍卡拎回水囉

btw 豐力樓畢架山真係次次見都有人等 290 小隊，真係唔知幾時出現呢個需求

leo_ku 發表於 2019-3-30 11:39
咁既然非繁忙時間38/40/42C 都載得晒, 290系又何需增停鑽石山站?

"因為非繁忙時間載得晒, 所以可以任意 ...

唔好講笑，深井區議會真係建議過 258D 落下路架喎
鑽石山站呢個站點睇都加得有意義過永光書院同龍翔官中
唔通真係方便人去樂富房委會交表咩