黃石94 號淪陷

樂仔〞 發表於 2019-4-7 22:20
西貢公路可以用 12 米車，受制嘅地方係清水灣道
但 96R 本身都已經係行新清水灣道落山，所以而家 289R 都 ...

289R 同 94/96R
仲有一個位唔同就係
大網仔士多個停車場
要12米車入去都好勉強
所以289R直過就算

天空之神 發表於 2019-4-7 21:32
http://hd.stheadline.com/news/realtime/hk/1474335/

94 咁做落去遲早出事

黑心都要講，要解決問題最簡單就係出大大獲
香港就係咁，唔見血唔流眼淚

slsso 發表於 2019-4-7 23:01

香港就係咁，唔見血唔流眼淚

任何地方都係咁，唔通西方國家啲恐怖襲擊就唔係？

問題只係你係咪決定到「見邊個嘅血」或者「啲血邊度嚟」

停車場入面彎位咪同一般總站差唔多，冇違泊應該行12米問題不大

試過假日92 夜晚7點幾西貢開25分鐘一班
真係眼都突，12變25分一班，真係狗巴先做得出

238X 發表於 2019-4-7 23:03
任何地方都係咁，唔通西方國家啲恐怖襲擊就唔係？

問題只係你係咪決定到「見邊個嘅血」或者「啲血邊度嚟 ...

無話其他地方唔係咁喎。

係講緊做公用事業無用 "以人為本，將心比己" 既精神出發

你估班客想企樓上？唔會驚？
放假去郊遊，點知搭公共交通係最危險既一環，你估啲客想架？

講個例子，2015年今日嶼巴有架老冠國產車壞brake 衝落東涌道
今時今日仲有無國產車入嶼南？依啲咪叫出事先識驚囉

Lelouch 發表於 2019-4-7 23:11
試過假日92 夜晚7點幾西貢開25分鐘一班
真係眼都突，12變25分一班，真係狗巴先做得出 ...

呢段時間仲塞緊，前車因早前塞車脫班可能回唔切，當然啦，亦可以係如你想嘅收車！

slsso 發表於 2019-4-7 23:12

講個例子，2015年今日嶼巴有架老冠國產車壞brake 衝落東涌道
今時今日仲有無國產車入嶼南？依啲咪叫出事先識驚囉

其實最尾個 case 都無辦法，如果好似我哋咁做嘢（一開波就講明唔准用大陸嘢），會被人話歧視，如果對方有訟棍後果可以好嚴重。而且有時你唔俾人（指 vendor）試，人哋根本無機會去學。而喺嶼巴個站場嚟講，佢又有無咁多資源去 simulate 呢？（仲未計 simulate 得幾真都唔及實地真）

有時我都認為，不如直接了當承認某啲所謂歧視有根據而且有必要，而某啲品牌亦應該正視，自己如果要出人頭地、站起來，有需要付出比其他人多十倍甚至一百倍嘅努力。呢個係自然定律。

確實內地客真係可以好似潮水咁湧，289R直情已取代咗99R啦，所以九記應該將99R重新定線，上午直接上水開入黃石，單向入黃石後做94加班車，下午單向直去上水，起碼將人分流，事實上現時交通情況，其他小巴的士一樣做唔切，加大車加班或開新線都可以改善，中途站上唔到車嘅情形。

報導中連上層都企滿人，必定因爲中途乘客的太久，見車嚟到就迫上去，車長亦制止唔到。班客分分鐘等咗個幾鐘，見走咗好多部車，天開始黑，肚又餓，接近暴動邊緣，你估佢哋企到上層唔知危險？影相嘅有個座位當然有時間去上載去投訴啦！

其實依家大數據時代，九巴應該分析一下乘客習慣同趨勢，事實上除非再改變一周一行，否則香港後花園會繼續淪陷。至於點解佢哋咁喜歡香港行山，因為郊野公園設施完善，指示清晰安全，剩係地圖於內地係機密，呢樣已經同香港大不同！

咁點解當年289R要取消??