運輸署指示九巴改善不時脫班的情況

我覺得九巴係時候重整一下網絡。
純以巴士迷觀感計，新巴城巴重疊路線多好多，變相萬一出事都有第二條路線救亡。
相反九巴就唔係，重疊路線就一味縮線，乘客除咗搭鐵以外無咩其他選擇。
加上九巴 ETA 經常唔準、空白或虛報，亦有機會令投訴增加。
其實講真大部分乘客都唔係巴迷，就算係熟客，有幾多人記得屋企樓下果條區外線咩時段開幾密?
我心目中模擬兩個例子:
1. 成日話甜橙 2 仔收車，好，咁例如有班人想由金鐘去北角，見到 2 仔仲有 39 分鐘先到 (啱啱走咗一班同收咗一班)，正常人見到唔會死等架嘛，再睇 ETA 見到 10 同 23 其中一架好快到的話，咁即刻跳船啦，我 2 分鐘後上咗架 23 的話邊度得閒同你投訴。
2. 喺黃金等 86C 返馬鞍山，條龍好長，然後 ETA 寫仲有 2 分鐘到，好，等啦，過咗 2 分鐘後，ETA 變 10 分鐘，有人選擇行去深水埗站，10 分鐘內無數 118 970 970X 經過，然後 ETA 變咗 -，一陣空氣經過。最後死等多 5 分鐘，前面好多人走咗，架 86C 頂閘，你最後一個上到 (因為有人走咗，然後後面班乘客留後)。你由黃金一路到南昌街上車，歌和老街高速飛過，直到新田圍沙乙博富豪，你都仲企喺前門做閘長。
邊個投訴會多 d?

053h4 發表於 2019-4-13 12:43
所以九巴拎部分路線比其他人做係多方共贏。

首先呢件事真係無可能發生到，原因好多版友講過唔再講。
知名度係另一問題，例如深水埗去旺角，真係唔多人會識搭 E21，又例如旺角去深水埗，亦唔多人識搭 796C。
喺九龍新界，好少人會諗搭對家線，呢種風氣唔易搞。

YY487 發表於 2019-4-13 12:53
九巴本身已經唔夠人，你仲叫佢開多幾條重疊路線？

或者咁講，縮線時候唔好將原有客源倒落舊線但唔加車。
假設原有路線 A B 兩條，做緊聯合班次 10 分鐘。
後來發現大部分乘客搭 A 線，而得好少乘客會搭 B 線，又或者因為其他原因要重組 B 線，九記做法係將 B 線陰乾收車或者取消加 BBI 將乘客倒落 A 線。問題係原本 A 線只係坐滿企少少，當接收埋 B 線乘客，喺唔加車情況下，A 線會企滿。只要 A 線一收車就會有乘客留後。
我知九記係唔夠人，咁唔代表以上做法係恰當。例如我會覺得微調班次係個做法 (變 12?)，唔好開新線係另一做法 (934 936)，加多幾個雙向分段亦係可行做法。
用返實際例子講，36 改線時候，將成班客倒落 48X，結果 48X 依家咪繁時日日飛大窩口。如果揾條 278X 開個雙向分段會唔會好少少?

又例如深長茘旺角返荃灣市，30X 長期收車，大多數人搭 234X，咁萬一 234X 收車咪焗人落地底。
對面海計，我成日話如果九記做 99，應該一早縮咗落北碼 (甚至縮埋 77)。問題係 77 99 都係 2A 救亡線，如果 2A 本身都唔夠載，咁縮線後點算?
如果你話 77 99 縮完之後 2A 密咗一倍車，咁都仲算勉強可以收貨，但依家唔係嘛，兩條線變一條線然後再收埋車

樂仔〞 發表於 2019-4-13 11:40
吓？港島唔收車啫，無代表 20 22 608 自己唔收車架喎

但以城巴黎講,呢度同現實都唔算多人鬧條條線脫
新巴個成績就差D,又投唔到新線
但有D線上繁硬係開少一班車,例如2/971
有D線上繁總係唔見幾班車既有2A/722
970就日日海鮮班次,總站成日改開車時間

kay 發表於 2019-4-13 17:45
但以城巴黎講,呢度同現實都唔算多人鬧條條線脫
新巴個成績就差D,又投唔到新線
但有D線上繁硬係開少一班車 ...

無人係到投訴就唔代表無甩班嘅
根本間間公司都唔夠人揸車，要大重組路線 D 區議員又唔肯放過
巴士公司都難做啦

053h4 發表於 2019-4-13 12:43
所以九巴拎部分路線比其他人做係多方共贏。

係呀，將條線比另一間公司做，原本間公司 D 線脫班率係會少咗呀
咁另一間公司 D 人又係邊到爆出嚟呢？

而家成日下下招標要另外開發資源出嚟，舊嗰堆線又唔比縮班
人就間間公司都係得咁多人，仲邊有可能咁樣繼續滿足需求法？
唔係話唔比城巴新巴投新區出嚟
而係根本每間公司都無可能係唔影響原本嗰區嘅服務之外，再額外比到新服務出嚟比新嘅乘客