俾女仔話悶係咪等於無機?

書：漫畫、流行小說、文學類小說及散文
歌：古典音樂為主，亦留意中英文流行曲
報紙：社會大事、娛樂新聞、生活資訊(唔係睇生果或方向報)

諗落我明白點解其他人覺得我悶啦！
原因是他們不願意了解我的興趣吧。

[ref=127398]3238[/ref]  在 2005-2-9 12:55 AM 發表:

書：漫畫、流行小說、文學類小說及散文
歌：古典音樂為主，亦留意中英文流行曲
報紙：社會大事、娛樂新聞、生活資訊(唔係睇生果或方向報)

諗落我明白點解其他人覺得我悶啦！
原因是他們不願意了解我的興趣 ...

我諗唔係佢地唔願意去了解你既興趣，而係佢r
地對你既興趣不大感興趣．．所以大家走埋一
齊都可能無乜共同話題咁．．．

不過 kychung 同 3238 兄你地既興趣、性格同表
現同小弟既咁相似既！？#

[ref=127403]fokck[/ref]  在 9/2/2005 01:01 發表:

我諗唔係佢地唔願意去了解你既興趣，而係佢r
地對你既興趣不大感興趣．．所以大家走埋一
齊都可能無乜共同話題咁．．．

不過 kychung 同 3238 兄你地既興趣、性格同表
現同小弟既咁相似既 ...

哈哈....頭先雀局戰績唔錯
心情唔錯
同大家講句恭喜發財先

其實為左同女仔有多D野講
呢幾年都會花少少時間去留意D女仔有興趣ge野
好似衣著之類咁
又會去學D響女仔面前可以表演下ge野
好似玩band又或者玩魔術之類啦

不過呢....小弟唸野比較正經
正經到有時我都會覺得自己的確係幾悶
同埋呢....同女仔又唔係無話題ge
不過響女仔面前我就"有講"但係"無笑"
因為要我講笑一係就要挖苦人
一係就講淫賤野
我都唔係第一次俾女仔話我悶
我唸大概唔係同佢地無偈傾
可能係我講野好似聽professor教書咁
越聽越悶

anyway
小弟趁新正頭祝大家有女朋友ge就甜甜蜜蜜
無女朋友ge快D搵到個返黎

回3238同埋kychung，
可唔可以詳細講講你地的興趣係咩，
同埋3238可唔可以講下你睇咩漫畫呀?

回樓主，
我相信你都好清楚，
與同性相處跟與異性相處的方法截然不同，
但係似乎你表現唔出你係明白呢一個道理。

心境蒼老? 我可以話俾你聽，
好多人都講過我的心境係似四十歲左右的人。
經歷得多，自然看得透，
可能無咁計較得失，
但係亦都因為咁樣，
對好多事的態度會俾人覺得係半放棄。

之不過，你的問題係唔知道女仔的話題係乜，
亦都唔知道點樣可以改變自己的形象。
更甚者，係對住同性講賤野多。
對同性來說，呢d只係調味品，
但係對異性來說，呢個絕對係不尊重!!!!!

心境蒼老有權唔改變，
但係蒼老到只係求人家的了解，
而沒有想過如何了解人家，
這就是一大罪過。

仲有，如果係莊友的，
更加鄭重建議你小心處理，
唔係對莊務的影響幾會是極之嚴重。
如果你呢樣係唔明白的話，
我相信你一定係campaign入邊，
屬於俾人插到傻都未知咩事的人。
如果你上莊無叫你地諗過呢個問題的，
咁佢地同埋你地就更加有問題。

呢個有咩影響，
自己想想後可以寫上來。

你個形象的問題唔係老，
而係麻甩，
仲要係都幾教人討厭的一種。
好好改下，唔係你連莊務都會有問題。

[ref=127440]307[/ref]  在 9/2/2005 01:56 發表:

回3238同埋kychung，
可唔可以詳細講講你地的興趣係咩，
同埋3238可唔可以講下你睇咩漫畫呀?

基本上除左足球同埋打機之外
(係咪好奇怪....呢D麻甩嗜好小弟居然唔好)
小弟ge興趣非常廣泛
無乜邊樣唔好
不過可以舉下例ge:

交通:
海陸空都arm
由初中計起
做完兩三年巴士迷就做兩三年鐵路迷
再跟住就做兩三年飛機迷
再再跟住就做兩三年渡輪迷
而家4樣一齊黎

電腦:
砌機/programming/server都掂

音樂:
琴/電結他/鼓都有玩
對樂理自問都識D野(不過當然唔多啦)
所以對流行曲曲詞編監方面都有D研究
偏偏香港情歌泛濫
搞到自己有時都會有D好浪漫但係一廂情願ge唸法同幻想

fashion:
對波鞋甚有興趣(雖然無錢買咁多)
平時喜歡有D學板仔個種裝扮(即係oversize)

art:
攝影藝術(正確D講係LOMO)/web design/塗鴉(唔係graffiti)都經常玩

仲有好多(即係上至天文下至地理....)小弟不能盡錄
總之唸自己對有咩係無興趣容易過唸自己對乜野有興趣啦
希望小弟答到你想我答ge野啦

[ref=127452]307[/ref]  在 9/2/2005 02:23 發表:

回樓主，
我相信你都好清楚，
與同性相處跟與異性相處的方法截然不同，
但係似乎你表現唔出你係明白呢一個道理。

我好明白
不過我ge生活圈子從來都係好難接觸到異性
(中學讀齋校 而家讀engine 永遠都剩同麻甩佬打交道)
所以我承認我係唔識點同女仔相處
即使我好努力咁摸索左好多年

心境蒼老? 我可以話俾你聽，
好多人都講過我的心境係似四十歲左右的人。
經歷得多，自然看得透，
可能無咁計較得失，
但係亦都因為咁樣，
對好多事的態度會俾人覺得係半放棄。

之不過，你的問題係唔知道女仔的話題係乜，
亦都唔知道點樣可以改變自己的形象。
更甚者，係對住同性講賤野多。
對同性來說，呢d只係調味品，
但係對異性來說，呢個絕對係不尊重!!!!!

這個我當然知道ge
呢D野我都絕對唔容許自己響有女仔ge場合度講
我都知道麻甩野只係for麻甩佬only ge

仲有，如果係莊友的，
更加鄭重建議你小心處理，
唔係對莊務的影響幾會是極之嚴重。
如果你呢樣係唔明白的話，
我相信你一定係campaign入邊，
屬於俾人插到傻都未知咩事的人。
如果你上莊無叫你地諗過呢個問題的，
咁佢地同埋你地就更加有問題。

呢個有咩影響，
自己想想後可以寫上來。

你個形象的問題唔係老，
而係麻甩，
仲要係都幾教人討厭的一種。
好好改下，唔係你連莊務都會有問題。

這個要講都幾複雜
因為我上ge唔係細莊
係學生會ge核心大莊
莊內人事鬥爭一直都無停過
甚至已經影響到支莊ge運作
亦都有好多人俾呢D鬥爭搞到意興闌柵
走下又一個走下又一個
莊員之間ge關係從來都唔好
大家不時剩係你插我我插你
(新正頭....呢D灰野唔想講到咁詳細)
而我果位target屬於好潛個隻
對莊裡面ge人事鬥爭係接近唔知道個種
(又或者陰謀論D講 可能佢知道至所以潛)
亦都因為咁樣
我更加唔會主動叫佢同莊裡面ge其他莊友接觸
我都好擔心D鬥爭會唔會遲早燒埋落佢度

老實講
支莊搞到七國咁亂
之前話左有人陸續明知請辭後果嚴重都要堅持請辭
我對支莊都無乜野好留戀
莊裡面多我一個唔多少我一個唔少
如果我同佢ge關係一旦唔好彩因為我追佢而出現裂痕ge話
我會同另一個已經潛莊一段時間而又未正式請辭ge老死一齊請辭
(我承認咁係好唔負責任 但乜恐怕只可以係咁樣)
當然
我響之前呢一次無同佢表白
都係考慮到我同佢一齊做ge任務仲未完成
如果唔好彩因為我表白左而搞到frd都無得做
連帶搞到任務爛尾ge話
咁我就會成為支莊ge千古罪人
而亦都考慮到呢樣野
我響支莊度已經暫時唔接新任務黎做住

[ Last edited by kychung on 2005-2-9 at 03:14 ]

回kychung，
其實以你的興趣來看，
機會理應唔係太差。

咁就更加突顯你幾個問題的破壞力。
第一，一個不嘗試理解人家的心境。
老到覺得有人了解就好好了，
但係唔記得左原來理解人家同樣重要。

第二，你麻甩行為的不受歡迎程度。
相信你讀緊專上學院，
都好清楚同系的人都好散落，
但係一聚頭，講某A某B的是非最多，
所以如果你的學系係多人，
而且你都幾唔顧形象咁講野的話，
你只有惹上麻煩的份兒。

更重要者，係你收得好埋的性格。
基本上，你的「智囊」俾的「意見」好唔全面。
我唔知係你的「智囊」俾的意見真係唔夠好，
定係因為你講件事俾人聽的時候，
已經將一d你認為唔重要的情節刪去，
結果當然係大大影響左你得回來的訊息。

「智囊」可以各有唔同的睇法，
但係如果佢地可以咁容易就話到俾你聽係抑或唔係的話，
咁佢地未免睇得太過簡單。

亦都係因為呢個原因，
我就更加相信個問題係因為你將部份的東西收埋左，
以致影響左個「諮詢」得出來的結果。

唔好以為淨係對住男仔先講就無問題ga...
都有男仔係是非精來的。

仲有，好事不出門，醜事傳千里。
若要人不知，除非己莫為。

莊的關係，
如果你上莊的其中一個目的係為識朋友的話，
你就更加要好好珍惜你同佢的關係，
就咁去估一個人的意思，
最後落得何種田地，
真係無人清楚。
只係一場賭博矣。