探討W系列路線應否取消

053h4 發表於 2019-5-9 18:46
新城做唔掂就比九巴嶼巴做，另一間做唔掂就雙反。

我就一向支持九巴做山頂，如果有聲音要九巴做X15, 新 ...

最好九巴做埋赤柱石澳香港仔，尤其係你條愛線590，俾九巴做一定搞得有聲有色

053h4 發表於 2019-5-9 19:32
X15蝕，W1+W2/W3，或W1+X15做轉乘無客，講你都唔信。

新巴唔識做九巴識做。 ...

我當 W1 轉 W2 轉乘夾埋 10.4 埋單上車，而藍田站上 W2，一個唔好彩塞車，30 分鐘隨時仲未到佑寧堂，
就算好彩去到柯士甸站有車駁車，最低消費 45-50 分鐘先到中環，唔塞車都要最少用 35 分鐘。
如果 W1 轉 W2 唔係車駁車，等超過 5 分鐘直頭係遊車河。

藍田站上 619，銅鑼灣塞埋車，正路 30 分鐘已經到菲林明道，比盡你 40-45 分鐘一定到中環。
而唔塞車係有能力 30 分鐘到中環。

如果東隧唔塞車，641 有能力做到 15-20 分鐘藍田直達中環，係快得驚人。

反方向下繁，沿路多車，W1 金鐘去柯士甸站要 25 分鐘，W2 柯士甸站返藍田一樣要 25 分鐘，
東隧塞到嘔電，601、601P 正路 45-50 分鐘一定到藍田。

W1+W3 有 BBI 客我都仲信，成日都話 W1+W2 有潛質，究竟做到咩野客呢？

PC6429_JY6516 發表於 2019-5-9 19:52
我真係信
W1當然有客
十個以內呀嘛

某人好似覺得有競爭就一定係好，我就奇怪點解0生會覺得W1比九巴做好。佢一直都話，如果W1拉去銅鑼灣北角會點點點，城巴冇心做就轉手。我冧佢其實真係唔為意，唔比拉線嗰個係運吉唔係城巴囉，定九巴有特權可以令運吉跪低？

比九巴做 W1，上面師兄講左 W2<>W1唔吸引，W3<>W1就要搶到新東嘅非繁轉紅隧巴客+自己本身堆過海線先可以，收費要平過轉隧巴，班次仲要幾乎做到無縫接駁，未計佢搶極都只係火車站沿途嘅客，仲會冇埋城新港島路線嘅轉乘 (我當佢永續電車小巴優惠就算啦)。就算過隧道唔駛比錢，咁樣揹一堆轉乘，又只去翻放工嘅中環金鐘嘅過海線，蝕少當賺左。

有競爭就會對乘客有好處，呢個只係因為當今管理層係咁冧，唔代表佢係應該。盲目競爭，不務正業，冇錯係會對依家嘅獨市客唔公平，但當全港十八區嘅大路線都有條對家mirror 嘅路線爭客，喺現時冇人手嘅情況底下，只會全港一齊受罪。當然啦，0生覺得物極必反可以教精巴士公司嘅話，全港市民要付嘅代價都未免太大。

話時話前日下晝 15 去山頂好密車, 交易廣場出都坐得滿窗口位
1號小巴就坐唔滿開車

但小巴係平過巴士一毫子, 快幾條街, 究竟發生乜事
唔係個個都帶小朋友掛?
係可以理解為特登唔宣傳留比居民, 但係開車都坐唔滿就真係奇, 尤其落山都係巴士坐滿小巴等客, 難以理解