過海線皇101是否陰乾得太早

khl265 發表於 2019-5-2 01:32
坐底40分鐘啦
我西環歌連臣街上車返九龍灣，未試過40分鐘內到達

咁又均真少少，下午非繁真係試過做到，但要尾站打爆直踩。正常下繁返觀塘，加士居道路況正常，土瓜灣塞燈陣，平均 35 分鐘去到九龍灣一定做到。

至於塞起車上黎？真係要 40-50 分鐘，仲未計平均用 10 分鐘等車。
咁唔穩定又點叫人去揀佢，又唔係平。

十年前夜麻麻荷蘭街紅小去啟業的確係四個字
(前提係土瓜灣無客落, 司機唔會心思思想執客)
日頭無乜可能

如果唔塞車既話 宏展街去皇后像廣場可以20分鐘內（參考101x).. 入到西環尾計埋燈 最少都要10分鐘

點計都好, 以 101 表列個班次, 的確係應該拆線, 總比宜家不時中途起載或短棍好

A 線堅尼地城開, 舊路到港澳碼頭後入繞道去紅隧, 九龍適度改快 (主要係九龍城迴旋處飛天橋, 牛頭角預留飛天橋條件比司機揀), 另一個方向照行舊路到紅隧 (或者改行觀塘道提速), 過海後跟 101X 到中環, 中環街市入返皇后大道中
B 線港澳碼頭開, 舊路到紅隧, 然後東九龍走廊機隧215X 走法去官塘, 另一個方向跟101X機隧東九龍走廊去紅隧, 然後行舊路到中環, 但唔入皇后大道中, 而係德輔道中直去到摩利臣街出港澳碼頭
兩線港澳碼頭/山谷道轉乘 (另一個方向就中環/紅隧轉, 非繁可加停曲街)
各自開 10-15, 應該唔需要加車
如果要求拆開兩條都唔縮線, B 線照舊堅尼地城開, 城西道上橋, 中環落橋入交易廣場, 金鐘先走返入電車路再行返舊路, 另一個方向畢打街出干諾道中, 然後上橋直去城西道, 行車時間都係多不到十分鐘
咁樣會得返山谷道轉乘
唔縮線的話 A 線全歸新巴, B 線全歸九巴, 轉乘網絡各自都有優勢
同埋亦保留一定競爭

dennis28a 發表於 2019-5-2 01:31
101 拖卡係綜合問題，根本上 101 依類超低效率運作模式一早要改。

101 最鐘意係玩（港島 > 九龍）中環、 ...

101勁多短途班次，集中在土瓜灣至中環之間，搞到兩端車站都唔夠車。

101客量無跌到，眼睇反而仲多過以前，港九兩邊都多咗人過海返工。

bb606606 發表於 2019-5-1 15:12
好無聊咁根據香港魚類批發市場個表定數
唔計P/X同中載車
全日兩邊總站計

其實102同101那條多些人搭

atenu 發表於 2019-5-2 02:01
其實102同101那條多些人搭

估計係101

102全線與鐵路重疊,多極客都輸個馬鼻

101X講全日前不如改番東行入繞道先啦好嗎

Toz 發表於 2019-5-2 10:11
點計都好, 以 101 表列個班次, 的確係應該拆線, 總比宜家不時中途起載或短棍好

A 線堅尼地城開, 舊路到港 ...

其實101咁改不如唔好改，灣碼出入紅隧塞爆，不如正正經經104/113縮線換101x全日好過。幾年前有人建議開901，佔中時期的確行過，但如今我覺得延長W2去堅尼地城不失為一個辦法。

話101喺3-6分鐘有車的朋友, 請你觀察多D先再講, 唔好時間表話乜你就信乜, 我每個星期都總有一兩日喺日間至晚上的時間搭101返西環, 從未試過等車少過6分鐘.

九巴101掛牌車要柯打3D, 17等線, 而新巴又要柯打18P, 18X甚至113線, 根本條線已經陰乾咗好耐
西環上101的, 多數只係去紅隧口至九龍城一段, 其他一早已經俾多$4.3保鐵, 事實上西港島線搶走咗好多西區路線及紅小的客源, 以前5X在水街有機會上唔到車, 依家開到20分鐘一班都唔滿, 紅小都係, 銅鑼灣西行告士打道紅小喺西港島線一通車就要減價(事實上之前真係收得太貴), 東行更加冇晒影(包括半山版本), 與101相同客源的觀塘紅小剩返早上有車.

我估屯馬線同東鐵線過海段通車之後, 應該會減到全日雙位數字班次.