配合沙中線通車 建議重組 沙田<>東九龍線 (80,80X,89,89B,88X)

流星☆雨 發表於 2019-5-13 17:22
如果80總站改美田+加經美松苑+仍然要經隆亨，對美田而言其實無快到，但顯徑一樣要補服務落去，補服務就會同 ...

入美松苑個人認為其實冇需要

而80直出夠客還夠客,不過計埋步程隆亨搭鐵冇優勢客又唔少,你要佢地行出新翠就真係流失晒

流星☆雨 發表於 2019-5-13 17:22
如果80總站改美田+加經美松苑+仍然要經隆亨，對美田而言其實無快到，但顯徑一樣要補服務落去，補服務就會同 ...

美田時間係會冇變，算係惟一受惠唔到，除咗更易上車。加經美松苑係為咗同小巴轉鐵競爭，如果有師兄講下小巴轉沙中線出東九同行出美林搭新80是但一個方法係冇競爭力嘅可以唔入美松。

顯徑多咗條鐵係大條道理cut服務，再補個長時段兩繁，可以再加88K<>80轉乘。我嘅方案隆亨係冇服務重疊，因為80P上下繁走線有唔同。上繁80新翠直出80P隆亨直出，下繁80經隆亨圈80P直入新翠。

我堅持隆亨客倉要密車直出而寧願放棄89B客倉新翠嘅原因係新翠隔離就係大圍站，而隆亨有一段距離，要佢地行出新翠搭車不如小巴轉鐵仲舒服。再者現況嚟講成日見80係隆亨上半車落半車，反而經常見89B過咗新翠依然客量慘淡，計埋班次差距隆亨嘅80客應該多89B嘅新翠客幾倍。我嘅睇法係只要隆亨賺到嘅客多過前段嫌兜2,3分鐘+新翠非繁走咗嘅客就應該比好服務隆亨去留客，而且真係想坐巴士嘅仲有條新80X，慢係慢但總站車有得坐。

再講一個個人經歷，有次下繁搭80返觀塘，上層坐滿下層唔知，好衰唔衰差兩步係天馬苑壞咗車，下繁龍翔道架架車頂哂閘衝緊落黃大仙，冇車救到命最多上一兩個，直至一架半滿嘅89B嚟到，先清到大部人，而架89B仲要係直梯車。

74queen 發表於 2019-5-14 01:59
美田時間係會冇變，算係惟一受惠唔到，除咗更易上車。加經美松苑係為咗同小巴轉鐵競爭，如果有師兄講下小 ...

顯徑方面,下徑口村都好多客,而果度行去顯徑站需要5分鐘以上的時間,
如果80只兜隆亨,顯耀邨站(尤其是出九龍方向)對下徑口村/隆亨客係唔方便,有可能倒走部份80
考慮到80P本身行車時間唔係好慢(顯徑商場出發,15~20分鐘到彩虹),鐵路唔係直出東九龍(鑽石山轉車也需時間),
本身80也有很多轉乘服務優惠接駁遠離地鐵的區域,所以唔好真係覺得80沙中線後會無曬顯徑客

另外,顯徑站開通之後,可以預期88K有可能進一步減班(依家已經收車收到20分鐘),281M等縮短/取消,85B等沙中線通車後取消,
如果要取消非繁忙時段顯田區往返東九龍的服務,政治阻力會好大
另外,站在保償顯徑的角度,將80P有限度全日(非繁開20分鐘一班),
所需資源不多(5-6架車),而且出九龍方向可以和87B聯合提供10分鐘一班的服務,
可以方便轉乘85,另外也方便81C/86A轉乘80系並取代89B
相信會較容易方便過區議會果關

P.S.89B沙田區路線同條鐵路平排,
不計車費差距的話,就算89B取消也不會直接影響89B沿線居民往返東九龍,
相對來說,下徑口和隆亨對80P算是獨市位
這是我會傾向取消89B,80提速和提升80P全日的邏輯

我會覺得應該搵89B/80X是但一條經megabox

S3bl430 發表於 2019-5-14 11:49
顯徑方面,下徑口村都好多客,而果度行去顯徑站需要5分鐘以上的時間,
如果80只兜隆亨,顯耀邨站(尤其是出九龍 ...

顯徑補償方面，可以用一條
青沙尖咀(顯徑隆亨大圍站彌敦道廣東道循環返去) 或者
青沙旺角(顯徑隆亨大圍站跟287X循環返去)

如果真係當政治線而全日80P 我建議跟回程走法，即顯徑名城新翠咁行，咁新翠繼續係疏車直出，隆亨繼續密車直出。而80X就擺返大圍站，同88一齊做南北兩岸老隧線。

其實簡單少少，80拆線時段延長，加週末假日服務，取代新翠去觀塘，其餘時段80只入隆亨，兩線再酌量減班，又得唔得？

74queen 發表於 2019-5-14 14:41
顯徑補償方面，可以用一條
青沙尖咀(顯徑隆亨大圍站彌敦道廣東道循環返去) 或者
青沙旺角(顯徑隆亨大圍站 ...

依兩條建議中的青沙線面對既情況和80P分別不大,甚至前景更差
至少我有信心青沙旺角/尖沙咀線唔會夠港鐵/沙中線快,
鑽石山站去旺角站都係幾個站,10分鐘多小小的車程,只係比去觀塘站慢d
處境同80P有點相似

80P某程度上仲值得做既其中一個原因係九龍區燈位小,九龍區車程和港鐵基本相近,至於其他優點前面已講述
相對黎講油尖旺燈位+車多,又經常塞巴士站,油尖旺距離青沙出入口又遠,港鐵在油尖咀的競爭優勢更大,
連286X/287X都經常班次不穩的時候,我預期兩條青沙線會面對明顯的脫班問題
另外,青沙旺角線應該會進一步削弱87B客源,但87B又有勁多獨市位,取消唔到,結果可能更差

用相關資源幫985半全日可能更好

10598C 發表於 2019-5-14 15:51
其實簡單少少，80拆線時段延長，加週末假日服務，取代新翠去觀塘，其餘時段80只入隆亨，兩線再酌量減班，又 ...

80只分拆多客時段(早上出觀塘/下繁至晚上出沙田,假日日間來回方向)其實也可以呀,
這也是節省車源的方向

我個人建議的分拆時段
出觀塘：每日頭班車至16:00-20:00
入沙田：每日15:00至尾班車

S3bl430 發表於 2019-5-14 16:20
80只分拆多客時段(早上出觀塘/下繁至晚上出沙田,假日日間來回方向)其實也可以呀,
這也是節省車源的方向

但底線係 80 + 80P 唔會密過而家繁時過後 80 + 89B

我會狠手少少，拆線時段會改做咁：
平日去程頭車至十點、回程下午四至八
週末假日去程九至五、回程三至十
其餘時間 80 改只入隆亨
換取 89B 取消

班次方面，80P 減到 10~15 分鐘一班，80 拆線時段 8~10 分鐘一班，其餘四段 12~15 分鐘一班

如此一來，新翠、顯徑仲有半全日觀塘線，六美、大圍車程加快，仲有半全日直出快線

10598C 發表於 2019-5-14 16:46
但底線係 80 + 80P 唔會密過而家繁時過後 80 + 89B

我會狠手少少，拆線時段會改做咁：

個分拆時段都真係好短下

同埋又再講多次
如果其他時段80只入隆亨既
顯沛樓班客就真係一去冇回頭