市郊巴士入市區問題

Ricky403 發表於 2019-5-23 11:32
香港本身就唔大，況且因為地形、歷史同全世界好多城市規劃佈局都唔同
全世界有幾多地方會肯整一組兩站跨月 ...

香港發展區除咗多山之外，仲有一樣喺世上其他大城市都好少有嘅地型：市區中間隔住一個海港，道路同鐵路都各自只有三條通道，各自客量都非常樽頸
亦唔似其他大城市咁，有一條環狀鐵路方便地連結市區各主要車站，難以形成往市郊嘅大型轉車站

而且香港嘅所謂市郊，雖然搭車時間不短，但距離同其他大城市比，簡直濕濕碎
北京、上海、東京、大阪、首爾、倫敦等等，就真係有唔少通勤族住市郊，甚至唔喺市轄區內嘅鄰近城鎮，住到咁遠就真係要搭火車或coach到市區邊皮轉車
如果用番同一個尺度，喺香港計即係喺港九市區返工，但住到去深圳甚至更遠
雖然呢個正正就係偉大祖國嘅大灣區夢想

大部分乘客都想一程車直達都心。應該問點解其他地方唔能夠好似香港噉，全日一程車直達。

樓主舉嘅 Lidingö ，人口48K(兩三條公共屋邨)、面積51km^2(大約兩個葵青區)。人口咁分散，非繁忙時間好難支持一條線直達都心。就算有，都可能要兜勻全區，或者一小時以上一班。當等車、兜路所需嘅時間多過轉車，多數乘客寧願轉車，需求咪更加低。

而且，香港人口集中、私家車擁有率低，社會期望大部分人喺大部分情況下都能夠依靠公共交通。好多地方，default 係自己揸車，無適當公共交通工具嘅時候，唔會走去爭取，甚至根本唔會知道。

相比起好多地方(特別係歐洲)，香港仲有一樣優勢，就係CBD內道路網比較新，能夠容納大量雙層巴士行走。好多地方，鐵路網甚至現代化公路網，根本入唔到CBD，迫所有人落地底，係唯一方法。

HV7025 發表於 2019-5-24 23:19
香港發展區除咗多山之外，仲有一樣喺世上其他大城市都好少有嘅地型：市區中間隔住一個海港，道路同鐵路都 ...

仲有一個問題係，政府同船公司無善用個「海」，以往屯門、荃灣、青衣都有船去中環，但一開咗西隧之後，不出三年就停船，又唔係一程多站。

如果有人開到「屯門經馬灣往來中環」，同「觀塘經紅磡往來中環」的話，一程船做兩班流水客，再將渡輪碼頭當作鐵路車站般管理，能否Cover成本？