建議興建地鐵中九龍線，連接大角咀及將軍澳

由於現時地鐵網絡嚴重缺乏直接來往九龍東西的路線，路面交通亦過份依賴例如太子道東等單一舊式道路，導致超出負荷，我建議新建一條地鐵中九龍線，連接大角咀及將軍澳，詳情如下：

定線：
由大角咀出發，大致沿亞皆老街直到啟德，經彩虹、順利、秀茂坪、翠林直到寶林，全程地底行走

車站：
奧運（現有東涌線下方）、旺角（現有線路下方）、旺角東（火車軌以東，加多利山下方）、九龍城（近九龍城警署）、啟德、彩虹（現有線路下方）、四順（設有高速升降機上安泰）、秀茂坪（設有高速升降機上安達）、翠林（繁忙時間半數班次終點站）、寶林（加建第二月台）

此路線將可轉乘多條其餘地鐵路線，包括東涌線、荃灣線、觀塘線、將軍澳線、東鐵線及屯馬線。

車廠：
設於啟德

規格：
與荃灣線、觀塘線及將軍澳線一致並可互相調配用車，並於寶林站設有渡線來往將軍澳線，彩虹站設有渡線來往觀塘線

收費：
與現有港鐵市區線車費結構一致。

對路面交通之影響：
絕大部分途經亞皆老街來往東九龍／將軍澳的巴士路線，例如9、13D、24、27、95、98C、213D等均與此地鐵路線重疊而需取消，或改道使之不再途經旺角。而順利來往彩虹之綠色小巴路線則全部取消，改為用以加強何文田、九龍仔一帶接駁此線的服務。
另外建議安泰邨附近增設大型停車場，以供泊車轉乘之用。

效益：
此地鐵路線將原有不接近地鐵路線的市區地方連接起來，並提供一條直接貫穿九龍腹地的中心路線，能有效改善大角咀以及觀塘山區的交通，以及分流逐漸飽和的觀塘線。

條線東西走向，就直接將旺角同旺角東連埋啦
條線經過宋皇臺站附近又 skip 咗，個九龍城站南移少少做何文田北好過啦。

反建議中九龍線

奧運站 (與現有奧運站互通)
位置: 櫻桃街奧海城對出

旺角站 (與現有旺角站互通; 延伸通道往旺角政府合署, 與旺角東站連接)
位置: 亞皆老街先達廣場對出

天光道站
位置: 亞皆老街西九龍警察總部對出

宋皇臺站 (與興建中沙中線宋皇臺站互通)
位置: 沐信街/ 太子道東之間

新蒲崗站
位置: 東啟德遊樂場

彩虹站 (與現有彩虹站相通)
位置: 聖若瑟安老院

順利站
位置: 順利邨遊樂場/ 順清街之間

順天站
位置: 順安道/ 秀茂坪道交界

秀茂坪站
位置: 秀茂坪道/ 寶琳路交界

翠林站
位置: 翠林體育館

寶琳站
位置(1): 寶豐路寶儉樓對出
位置(2): 貿業路/ 佳景路之間

JX9097 發表於 2019-5-24 13:38
反建議中九龍線

奧運站 (與現有奧運站互通)

旺角同新蒲崗應該可以用行人通道分別駁起原旺角/旺角東站，或鑽石山至啟德站

個人覺得順利站改做彩雲站，大概擺係現在新清橋底，連接到利安豪庭，同時去到三彩、彩輝邨

順天站大概擺係順利邨道近順天邨街市，駁到安泰、順天、順安之餘，仲可以試下駁去樂華一帶

翠林站倒不如同寶林站合拼，整行人通道連接，個站擺係近陶樂路寶豐路交界，整出口或升降機駁上康盛翠林
一方面方便山上行落寶林，一方面茵怡、怡心去寶林站方便左
亦都方便日後延長去科大都會順路

另外個人覺得可以繞經藍田山，近德田邨、康盈苑附近設站

點解唔直接跟中九龍幹線同埋東南九龍T2主幹道行，
順便取代埋啟德單軌鐵路？
彩虹至寶琳段已經計劃咗由東九龍線做。

10598C 發表於 2019-5-24 15:04
旺角同新蒲崗應該可以用行人通道分別駁起原旺角/旺角東站，或鑽石山至啟德站

個人覺得順利站改做彩雲站 ...

若果改彩雲站, 咁就會遠離順利邨以距離計, 一係放彩雲, 一係放順利
兩邊都設站會太近
基於彩雲部份位置其實行落去聖若瑟唔算遠
而且可減少車輛使用新清上落山
所以偏向揀順利邨

順天站拉過去街市的話, 對安泰而言吸引力會降低
而且就算以街市起計, 去樂華邨都唔可以稱得上近

翠林站其實有隱憂
因為距離上同寶林山腳算近
點樣落山都有一定難度
(可能寶林段要架空, 類似將隧咁)
而且翠林有站的話, 康盛會更加被孤立
對外交通會更差

另外, 有諗過延長科大可行性
所以option 2係放近新都城一期
將翠林站同寶林站之間距離拉遠, 令到條線可以繼續走地底
因為放寶儉樓嗰邊的話, 以兩者高度之差未必可以屈落地底走
變相去到魷魚灣村段更難搞

P.S. 若果跟option 2, 寶達站後會類似現時油麻地至何文田一段S型走線
       從而令到寶琳站可以沿隧道旁落山, 避開怡心園穿過迎都城一期地底入佳景路

P.S. 設站位置同走線都只係好初步, 未完全考量技術問題

JX9097 發表於 2019-5-24 18:41
若果改彩雲站, 咁就會遠離順利邨以距離計, 一係放彩雲, 一係放順利
兩邊都設站會太近
基於彩雲部份位置其 ...

PS 我對鐵路興建唔熟，都係好初步咁睇地圖諗下

我最主要目的係將地鐵站出入口變埋做行人系統，令居民經地鐵站可以上落其他地區，類似於利東站、港大站、何文田站嗰類

我會建議將翠林站同寶林站合拼，東九龍線月台擺近現時梁潔華巴士站至陶樂路附近地底
走線穿過寶豐路地底，停站後進入翠林山體，可以擴建寶林站大堂，L字形連接兩個月台
翠林邨、康盛花園用升降機同行人通道連接，重點可以方便居民行落去寶林處理日常所需

康盛花園未必至於被孤立，而家計劃緊起扶手電梯落寶康路

咁行對於我建議嘅德田站亦都會順路

而秀茂坪站我會建議擺秀豐街近秀茂坪商場，係正秀茂坪中心點，一方面駁去安達邨同石礦場，又可以落去曉麗苑

如果唔理樂華，我會建議將成個四順加安泰邨擺做一個站，係現時安澤樓、利富樓對出設站

至於去到彩雲，呢部分我覺得最重要係搵鐵路駁彩輝邨一帶，另一邊駁埋去彩德、彩福，甚至可以去埋順利消防局，所以我會建議設站係新清橋底至聖若瑟中學之間

如果駁出去中九龍線，的確係好建議，但就應該放棄左原本東九龍線有機會上慈雲山嘅條件？

10598C 發表於 2019-5-25 00:40
PS 我對鐵路興建唔熟，都係好初步咁睇地圖諗下

我最主要目的係將地鐵站出入口變埋做行人系統，令居民經 ...

寶琳站擺梁潔華地底的話未必可以L形連接到現時寶琳站大堂
因為寶琳站本身兩邊已經有扶手梯接駁緊新都城
大堂中間亦唔夠位起扶手梯畀建議中新線上番地面
而站外出面本身交通好, 人流好, 都已經好繁忙
要搵足夠位置畀扶手梯上地面都有難度
(接駁位最起碼兩條扶手梯+一條樓梯)

康盛條扶手梯只係去到寶康路(怡心園後面)
根本就唔就腳, 而且落咗山之後沿路都冇遮冇掩
陰謀論睇, 起完就大可以話康盛cover到地鐵覆蓋範圍
690正式壽終正寢

另外, 根據閣下建議路線, 條鐵應該會喺聯合下方經過
呢個亦都係考慮重點

至於彩雲站...實際上同彩雲都有一段距離
未必真係吸引到彩雲客上山搭地鐵
尤其是要轉觀塘線嘅客, 向下行去彩虹站仲化算

另外, 德田係咪真係有急切需要放一個重鐵站呢?
(現時藍田站已經有扶手梯直上啟田邨)

小弟建議亦都有考慮上下接駁問題
彩虹站特登放聖若瑟安老院, 基本上可以接駁到彩雲一邨
配合現有商場通道, 基本上彩雲邨已經可以cover到
(當然, 德望同彩輝就真係太遠, 但現時都有小巴/ 巴士落到去彩虹站)

秀茂坪站/ 寶達站亦有接駁安泰邨/ 安達邨同秀茂坪邨嘅功能

另外, 車站選址我盡可能都會揀一d公園/ 空地
方便臨時徵地做地盤/ 未來出入口
奧運: 現時小巴43M總站
天光道: 醫管局資訊科技大樓及旁邊一帶
宋皇臺: 空地
新蒲崗: 東啟德遊樂場
彩虹: 聖若瑟安老院/ 牛池灣街市小巴&巴士站
順利: 順利邨遊樂場
秀茂坪: 秀明道公園
寶達: 秀茂坪道/ 安秀道之間山坡
翠林: 翠林體育館

屯馬線+觀塘線咪連接九龍東西
喺亞皆老街地底掘條線，最多都只會益亞皆老街窩打老道交界嗰頭由無鐵變有鐵，同埋奧運站向東走快少少（九東入奧運有南昌跨月台轉車，大角咀旺角落行過去都可以）
但將條亞皆老街改到馬頭圍道咁款，有咩後果唔駛多講
旺角地方太狹小，實在塞唔落起鐵路嘅工地

反而以前有人建議過走北面界限街，昂船洲-南昌-太子-喇沙利道-九龍城-啟德咁接入東九龍線，嗰頭至少位相對多，唔係無得諗
旺角同旺角東，好似尖沙咀尖東咁出站轉車算啦

當然，到最尾或者東九龍線都會好似屯荃咁被報告指「效益唔高」而擱置興建，咁短期就無再起九龍東西線嘅需要了
最應該起嘅，都係北環線、北港島線、西部外走廊、第二南北，九龍東西有屯馬線分流觀塘線後有排都未會飽和

Ricky403 發表於 2019-6-4 12:34
屯馬線+觀塘線咪連接九龍東西
喺亞皆老街地底掘條線，最多都只會益亞皆老街窩打老道交界嗰頭由無鐵變有鐵， ...

觀塘線已經飽和
屯馬線服務唔到太子旺角油麻地佐敦呢啲旺區，分流唔到觀塘線段樽頸