970X被置富道居民投訴製造不必要廢氣及噪音

最簡單咪直接飛置富，我相信成個南區會好支持，無論係 970 區定 970X 區

點解淨係970X，唔包其他新巴、城巴路線？
係因為970X 0130的尾車？
咁好簡單，既然尾O個幾班要加經華富加左車程，放棄置富啦！你地居民自己行入去。

第二個方法，覺得嘈既業主賣樓搬走佢，唔該樓價減番100萬丫。

取消所有行經置富道巴士，以作表態

da87 發表於 2019-6-4 18:00
呢啲嘢佢有佢投訴你有你繼續開車
何必太認真
真係接受唔到大不了咪唔兜入去囉 ...

又例如太平山上又可以乘機cut哂D巴士線，纜車停駛期間就叫慈母準備成堆射燈在薄扶林水塘道郊遊徑......

又例如19取消，1仔縮落跑馬地馬場......

咁既香港真係很難形容......(純粹搞gag)

似係比大眾睇嘅通告，明知員工通告唔係淨係得員工睇...

(利申對車輛同型號唔係太熟)
講開嘈，近年見新城部分新車 (應該係歐六新車?)，起步嗰一下都幾嘈幾大聲，有時一不留神都比佢嚇親，聲浪同以前Neoplan有得揮

早前我都上來問過, 先知歐六啲車真係好嘈

其實我覺得連司機都知, 只要一踩油,
嘈音就好勁, 但如果唔踩到咁盡,
嘈音係會相對無咁勁

我住興東附近, 日間啲司機上斜踩油踩到盡,
真係好滋擾的, 特別是附近一帶少嘈雜聲,
所以N8啲司機都好識做, 半夜唔會踩咁盡

歐六堆MMC 噪音車，本身副引擎就係咁，師傅點樣製造「不必要噪音」？

12點後970X唔入置富，等班客自己行返入去。

E21A 發表於 2019-6-4 20:10
其實呢啲通告係想確實執行定只係想做比大眾睇？
如果係前者，咁啲高層都幾離地；
如果係後者，咁又點解要用 ...

當然係後者，點會確實執行?

歌照唱，舞照跳，油照踩，置富照入。

乜事都冇發生。通告出嚟係做樣。

利申城記卡佬。

neoplan720p 發表於 2019-6-5 01:29
歐六堆MMC 噪音車，本身副引擎就係咁，師傅點樣製造「不必要噪音」？

當某品牌某型號既柴油巴都可以做到如電巴般寧靜既時候，新城係時候要入貨啦。