982X 985回程是否有加車需要？

ATENU135 發表於 2019-6-7 19:20
其實大家唔使同古巨基講咁多野，佢咁自我中心，講嚟都浪費時間

這就是對牛彈琴，同d離地人講野真係浪費時間。
其實唔止沙田區既post，佢係其他區都係咁。

leo_ku 發表於 2019-6-7 15:40
馬鐵開通的時候, 182 客量已受到打擊, 加上紅隧塞到咩咁，銅記有銅鑼灣北站，你搵咩同人打？
我怕182/182 ...

馬鐵開通的時候, 182 客量仲有好多, 又有九龍客頂住, 分支182P都係坐滿, 上繁主線都有5-10分鐘一班, 下繁都Keep住10-12分/班

馬鐵通車時因為未出到九龍，所以受影響主要是一些區內線(85K、已取消既285和287K)和市區地鐵接駁線(已取消既81M和82M，286M都有少少受影響，84M受既影響唔細)。
過海巴士線和部分九龍巴士線始終都仲有直達既優勢，所以影響好微。

當馬鐵出到市區(當暫時只係到鑽石山)，開始打擊到部分九龍路線(主要是九龍東)的生存空間；在沙田區而言，大圍和馬鞍山都是受影響較大既地區，其中對顯徑既影響係最大。

而當東鐵過左海，對現有沙田區過海巴士線既影響係咪想像中咁大？這值得商榷！如果真係影響咁大，仲會有火炭和科學園西灣河線做招標？

leo_ku 發表於 2019-6-7 11:03
182P 同305都是因為紅獅隧塞到飛起先改行西隧，你居然走返回頭路? 唔怕笑大人個囗? ...

你確定Wan Chai/Cwb客行西隧會快?

唔好忘記今時唔同往日, 港碼都會塞埋站, 閒閒地3個字, 有時可以半個鐘。

同埋而家海麗對出好多時已經極多車&慢車, 呢段路去到西隧口隨時用你15-20分鐘 (正常5分鐘唔夠)。

287X田心 - 佐敦非繁花15min, 繁時要25-30min, 286X就無咩影響。

西隧中環客多左N個塞車位, 優勢已經細左, 灣銅就更慢, 你確定一兩班182P/305都容不下?

AVW28 發表於 2019-6-8 10:10
回#43

只要將幾年前82A(美田新田圍)既建議再擺出黎兼經埋顯徑，再加80K、81K、282以及各條九龍線等線既BBI ...

作為馬鞍山人，我對於喺大圍加站都幾反感，下繁980X客量有幾爆炸大家都有眼睇，我諗除咗邊境線之外冇一條常規線可以爆得過980X，好好地派部12.8米都可以迫到幾乎面貼面，派12米高載車嘅話直情可以話恐怖過喺印度搭車。
就算真係冇人反對大圍加站，對所有人都冇好處，一來大圍人見980X咁爆好大機會唔揀嚟搭，上車又難落車又難，再者上次86C加新田圍嗰單嘢，有部分人已經不滿點解馬鞍山線要顧埋沙田屋邨嚟做，今次980X又嚟多次嘅話，反抬之餘，連之前980X儲落嘅客都冇埋。

再者980X應該唔止咁少客，我都幾肯定981P部分客都本身屬於980X受惠者之一，但根本980X班次一直都供不應求，變咗本身980X應該要載得哂嘅客，留低咗唔少客，實際上仲有幾多人本身係屬於980X嘅客，但上唔到車而回流返去地底或者東隧線，根本就無從得知。真係要加站嘅，一係搵980A開刀，一係就等到980X客量冇咁爆炸嘅時候先加站，喺已經冇空間載其他區嘅客嘅情況之下，貿貿然強行加站，對任何人都冇好處。

RyanPun 發表於 2019-6-8 11:02
作為馬鞍山人，我對於喺大圍加站都幾反感，下繁980X客量有幾爆炸大家都有眼睇，我諗除咗邊境線之外冇一條 ...

最簡單一樣野
如果加停新翠既咁日後改唔到行T4

現階段根本各自加班加長服時段就得
用心肯做既盡量幫西隧線同紅隧東隧線分家

RyanPun 發表於 2019-6-8 11:02
作為馬鞍山人，我對於喺大圍加站都幾反感，下繁980X客量有幾爆炸大家都有眼睇，我諗除咗邊境線之外冇一條 ...

我梗係明！雖然我唔算係常客，但平均一星期都有一至兩次會用980X/981P。
我上面就係回應緊建議新翠加站既版友，分析加站既利弊，結論係弊多於利。
新翠加站搵980A做都可以，不過最好就加985既回程班次先。
我係恆安人，我都係見車就上，981P真係無咁迫。

至於86C加停新田圍邨，如果作為馬鞍山人就梗係唔接受。
但其實係咪真係咁大影響呢？我只能話未必！
計過哂唔經大圍和唔入恆安巴總所慳到既時間，
停一個新田圍既時間係仲少過以前入恆安巴總既時間而已(係去程要cut線麻煩)，
時間上同鐵比仲算係打和(只限SSP和石硤尾)。

而980X加停新翠對馬鞍山人既影響係好大，原因我已經講左。
對巴士公司可能未必係好事。

AVW28 發表於 2019-6-8 10:10
回#43

只要將幾年前82A(美田新田圍)既建議再擺出黎兼經埋顯徑，再加80K、81K、282以及各條九龍線等線既BBI ...

88K我唔會咁易死我又覺得唔會 始終顯徑去沙田市中心要轉一次車 仲有源禾路頂住 當然改文博去沙市就應該比現在快

THomas20010808 發表於 2019-6-8 12:36
88K我唔會咁易死我又覺得唔會 始終顯徑去沙田市中心要轉一次車 仲有源禾路頂住 當然改文博去沙市就應該比 ...

冇快過又同81K重疊又冇埋美林

AVW28 發表於 2019-6-8 11:32
我梗係明！雖然我唔算係常客，但平均一星期都有一至兩次會用980X/981P。
我上面就係回應緊建議新翠加站既 ...

所以我一向主張沙田事沙田了、馬鞍山事馬鞍山了，好似濱景呢個位用馬鞍山資源放便過用沙田線去做嘅例外例子之外，其餘地方唔該先考慮一下沙田仲有咩資源可以善用，馬鞍山啲線唔係香啲，大家都出自同一批羊毛，當馬鞍山呢邊自己都危危乎，不見得980X插支旗係大圍會好啲。

我唔係想話你啲乜嘢，唔駛有太大反應。我係想借呢個機會重申一次，馬鞍山堆線並唔想像中咁少客，唔好亂咁講「馬鞍山線做埋沙田咪得囉」呢類咁不負責任嘅說話。對馬鞍山嚟講本身出市區點都要經沙田，一條線有空餘運載力兼顧埋沙田，我相信冇人會反對，包括我都係。但好似89D/980X呢啲本身齋做馬鞍山都好爆嘅時候，唔該用下各位個腦諗下「馬鞍山線做埋沙田咪得囉」呢啲說話會唔會好唔專重馬鞍山人。