啲人霸住走廊位究竟乜心態？

唔好因人廢言，呢樣我都好睇唔過眼，樓上有人話樓主搭得短就唔該去企，但結果有時就係被有位都唔坐的人塞住造成假頂閘。我有次在QE上九巴11號返屋企，埋站時見到樓上有吉位，但好多人企車頭，我唔該借借完個個都唔郁，我就直接開路入去，上到樓上我大聲嗌落去話畀我屋企人知樓上有位。

我立場係搭公共交通工具應該善用空間，早上車應盡量fill窗口位，然後走廊位，全車無座位才去企。如果少人，我都會坐窗口，隔籬擺背囊，但當多人上車我會主動攬返個背囊畀人坐。

之前有單網上新聞(你知網上新聞幾無聊都有) 有人不滿條友坐走廊位 示意想坐佢隔離時 佢就褪入去 然而就擺上網投訴硬要事主坐俾佢坐熱左既走廊位   根本咩事都有人不滿    以前九巴乘客須知 有一條係”有座位時請坐下” 有左關愛座後就冇左  搞到好多短程友企(但又企喺不當位置塞住人上車)

樓主標題同爭關愛座一樣小題大作

AV385 發表於 2019-6-8 03:54
以樓主既邏輯，凡搭多過一個站既唔該唔好坐走廊位，因為你唔知一陣會唔會有條只坐一個站既蛋散上車坐你隔離 ...

以樓主既邏輯，巴士上層應該改做1+1+1的座位安排﹐全部位都係走廊位。
下層就應該全面單位化﹐包括輪拱位都只裝單座闊座位﹐既是走廊位﹐又係窗口位﹐就完美解決長程客霸佔走廊位引起的不便。

kei_hk 發表於 2019-6-10 11:12
以樓主既邏輯，巴士上層應該改做1+1+1的座位安排﹐全部位都係走廊位。
下層就應該全面單位化﹐包括輪拱位 ...

或好像以前城巴下層整水塘位,把座位橫向擺在車廂兩側,增加載客量,座位客亦唔受走廊位頂住

上車坐邊個位都關樓主事?
兩個位都吉嘅時候, 先上車嗰陣坐邊都得o架啦
至於心唔心理戰嘅問題都係斷估
除非你想行埋去坐, 而佢唔肯讓你行入去就話啫

JX9097 發表於 2019-6-11 16:53
上車坐邊個位都關樓主事?
兩個位都吉嘅時候, 先上車嗰陣坐邊都得o架啦
至於心唔心理戰嘅問題都係斷估

可能﹐遲D有人開post話 「又唔係要差電﹐又要霸住窗口位(USB則邊的座位)﹐究竟係乜心態」

樓主呢鋪我撐你 坐屋邨駁腳van仔有啲人都好禮讓咁讓個窗口位出嚟 有時揹架生多又陀腰包硬塞落去 禮讓果個未去到總站停定就急急腳企起身走

kei_hk 發表於 2019-6-11 17:14
可能﹐遲D有人開post話 「又唔係要差電﹐又要霸住窗口位(USB則邊的座位)﹐究竟係乜心態」
...

或者可能話「又唔係要拍行車片，又要霸住樓上車頭位，究竟係乜心態」