論香港引入雙層電動巴士的可能性

Toz 發表於 2019-6-9 02:16
香港幾個發電廠空氣污染加埋分分鐘比全部車加埋要多.
問題人地直接向幾十米高既天空排放.

因為一線有架巴士埋站會有廢氣，所以就唔駛理二三四線嗰堆私家車？過馬路又點計？大把私家車用一線又點計？巴士排嘅係廢氣私家車就唔係廢氣？咁計嘅話，唔淨只係排隊等巴士嘅乘客會聞廢氣，出街行街都會聞到廢氣啦，倒不如全人類落哂地底算？根本巴士變哂電動都好，啲人都係會聞到私家車嘅廢氣，就算變哂零排放都唔會令巴士更加吸引。

空氣污染邊度都有，大家推崇公共交通嘅主要環境原因係因為人均碳排放會少左，一架巴士的確排廢氣多過一架私家車，但係一架巴士載一百人，一架私家車可能載得一個，當你無法避免排污嘅時候，減少排放就係最直接嘅環境保護方法。點解會有 hybrid 車出現？就係因為車由靜止開始比油嗰刻會放最多廢氣，所以嗰個speed range就用電嚟代左佢。但香港 hybrid 巴士好成功咩？其實歐六比起歐盟前期車已經好好多，巴士比私家車有更嚴格嘅排放準則，盲目追求零排放並唔係一朝一夕所做到嘅，至少香港要嘅電動巴同配套比起深圳已經要多一倍。

JH_LE4612 發表於 2019-6-9 09:18
因為一線有架巴士埋站會有廢氣，所以就唔駛理二三四線嗰堆私家車？過馬路又點計？大把私家車用一線又點計 ...

咁去返幾廿年前, 巴士仲會噴黑煙, 然後你係有蓋總站焗住硬食好唔好?

人地講電動巴士你去講私家車? 燒柴油比汽油污染勁你又知唔知呀.

你不如話印度空氣污染都好勁, 香港搞黎都無用啦.
特朗普話明唔信氣候變化既危害, 大家齊齊唔好減?

JH_LE4612 發表於 2019-6-9 09:18
因為一線有架巴士埋站會有廢氣，所以就唔駛理二三四線嗰堆私家車？過馬路又點計？大把私家車用一線又點計 ...

條友不嬲為拗而拗架啦
現實就係雙層電巴冇而家柴油車載得咁多人
如果你要完全取代柴油車要買多啲車同時又要請多啲人嚟揸
唔知到時佢又會唔會投訴條路多咗巴士呢？

你自己為拗而拗就唔好嘈人地啦.
政府就係唔聽你支笛, 就係要叫屯馬線, 就係要同柴油巴士減排, 就係要試電巴
明既, 梗係你O岩晒啦, 成個政府都唔夠你聰明啦梗係

我係回人地話巴士減排無用, 並唔係話宜家就要用電巴取代, 抽水時睇清楚人地講乜先啦.

Toz 發表於 2019-6-9 14:28
咁去返幾廿年前, 巴士仲會噴黑煙, 然後你係有蓋總站焗住硬食好唔好?

人地講電動巴士你去講私家車? 燒柴油 ...

訓醒未？廿年前啲人全部堆哂喺有蓋總站度起居飲食日索夜索啲黑煙呀？廿年前啲私家車唔會噴黑煙嘅？

我屋企揸開柴油私家車嘅，可以話你聽歐五歐六柴油嘅減排其實唔差，至少唔會將柴油聯想到黑煙先。係喎你唔狙擊柴油私家車柴油貨車嘅？佢地唔會行一線噴廢氣嘅咩？

BYD K8SR K10 K12到依家都未可以叫可靠，就算大陸有倫敦有都好，都未解決到續航力，低載，推冷氣，咁香港又點可以一下子就入四千幾部呢？我冇話完全唔好減排，你要曲解我嘅，覺得我要將香港變到印度北京咁款嘅話隨便你。一係閣下有咩交通/環保政策嘅高見，我誤會左忽視左嘅，不妨坦白講出嚟？

Toz 發表於 2019-6-10 00:22
你自己為拗而拗就唔好嘈人地啦.
政府就係唔聽你支笛, 就係要叫屯馬線, 就係要同柴油巴士減排, 就係要試電巴 ...

講多句，綠悠悠巴士出左，到 MJ2927，到ATH，都未聽過有人話因為巴士環保左所以吸引左，頂多係因為冇死氣倒灌入車廂所以舒服左。一係彌敦道，有歐前龍有歐五車，巴士環唔環保舒唔舒服只係觀感問題，冇人會單純因為巴士環保左所以覺得一定要由渣車轉為搭車，環保綠膠都係咁話。但同樣地都唔代表巴士排放唔應該進步，呢個係社會責任。

Toz 發表於 2019-6-9 14:28
人地講電動巴士你去講私家車?
燒柴油比汽油污染勁你又知唔知呀.

歐六柴油車排放已經好嚴格,
西方國家有汽車製造業,所擔憂
嘅問題遠比香港呢個城市嚴重。

喺電動巴士難普及
柴油車仍佔極大比例時
係唔係應該減私家車嚟減少
巴士整體嘅引擎運作時間呢?
意即減少塞車,尤其市區街道。

Hybrid亦同理
除柴油車低速時
污染較顯著,另一理由
係高速時多數已上公路
就算仍在市區,排放物消散
亦較易,與發電廠概念類似。

kitarolo 發表於 2019-6-10 07:34
歐六柴油車排放已經好嚴格,
西方國家有汽車製造業,所擔憂
嘅問題遠比香港呢個城市嚴重。

兩回事黎.

就算完全無私家車行, 巴士一樣會係彌敦道拖卡埋站. 有蓋巴士站一樣會焗住巴士D廢氣.


政府一樣要同巴士減排.

JH_LE4612 發表於 2019-6-10 05:38
講多句，綠悠悠巴士出左，到 MJ2927，到ATH，都未聽過有人話因為巴士環保左所以吸引左，頂多係因為冇死氣 ...

無人認為巴士環保左會吸引左, 因為巴士改進時乘客要求都不斷提升, 但你試下止步不前?
如果宜家等車仍要食黑煙的話, 就會有人轉投地鐵, 仲要好多. 地鐵再塞D 會唔會鼓勵人渣車返工, 你自己估下law.

政府除左同巴士減排, 一樣優先同的士小巴減排. 你睇唔到背後原因咩?
要控制污染總量, 先搞掂個發電廠. 路邊排放, 就係巴士小巴的士對人影響最大, 因為等車無得避
宜家歐三車仲行緊, 政府話佢已經做完收工, 你又同意咩?
電巴呢D無人話要一次換晒wor, 但係咪試都唔試呀? 石油氣的士出黎果陣又唔見佢地嘈生晒, 話個行李箱細左.

無私家車你等車就可以唔食巴士廢氣? 但宜家下繁彌敦道/英皇道巴士分分鐘仲多過私家車wor, 渣車避到既早就避左啦, 唔通你係彌敦道等巴士會吸到西九龍公路既廢氣咩?
拎污染總量出黎講, 就算計埋塞車, 你估又真係好多?
如果新能源車繼續免稅, 好快全香港都係 Tesla, 私家車無排放啦, 咁又點呢? 係咪真係一天都光晒?
私家車數量, 係另一個問題黎. 你鐘意可以另外開帖, 而唔係騎劫人地個貼.

一路講電巴, 都系偽環保人士/高層的思考, 到今日都唔practical....

中大有兩架, 但數年來, 暑假都唔見有用 (唔通太熱要放暑假?), 上山慢過1990年代的Diesel校巴..

如果要講環保, 請用Carbon footprint 來寫.
電動巴士, 要用電, 電從可來? 發電廠.
即系燒媒/石油/火水/核能.
核能個個唔想用, 燒媒/石油/火水都系出碳, 但傳送又有很大的Energy loss, 巴士storage 再轉返做Electric 再轉Kinetic energy 推起架車.

比直接用Diesel行Diesel engine 推起架車, 邊樣簡單同直接?
如果大停電點 backup? MTR 全停, 點好?

到今日, Store Diesel比 Electric 方便,

Euro 5 / Euro 6 重型車系以Engine Energy throughput,
https://en.wikipedia.org/wiki/Eu ... or_trucks_and_buses

唔好以為真系咁差.


香港人又要方便, 又要無車起方便的位置經過,又要講環保, 唔出門口個個行路, 好嗎?
(P.S. 偽環保人士/高層, 只可行路, 不可開冷氣, 不準用電話 (iPhone, andriod, traditional phone, IP phone), iPad, tablet, ....)