論香港引入雙層電動巴士的可能性

Toz 發表於 2019-6-10 08:46
無人認為巴士環保左會吸引左, 因為巴士改進時乘客要求都不斷提升, 但你試下止步不前?
如果宜家等車仍要食 ...

成日講環保，你估真係環保咗咩
好多嘢都係因為背後講利益架咋天真嬌
石油氣車環保咗？睇睇十幾年前新聞：

理大踢爆 港府虛耗七億元
石油氣的士排廢勁過柴油車

...

保養愈差排廢量愈勁
研究人員將有關數據與汽油車、柴油車及柴油的士比較，結果發現以每公里排放污染物的濃度計算，石油氣的士平均比柴油車輛及柴油的士排放更多一氧化碳和碳氫化合物，當石油氣的士以時速七十公里行駛時，排放出的一氧化碳比柴油的士多出達九倍，碳氫化合物亦多出兩倍。

http://the-sun.on.cc/channels/news/20071105/20071105022447_0000.html

石油氣車噴廢氣10年 政府補鑊

...

政府分別於2001及02年引入石油氣的士及小巴，撥款14億元資助業界換新車，希望藍天再現，結果事與願違。事實上，路邊空氣的二氧化氮濃度過去幾年不斷上升，去年中環路邊監測站的二氧化氮全年平均濃度升至每立方米122微克，不但較標準80微克高出52.5％，亦較10年前上升三成。

排放二氧化氮 最嚴重超標10倍

目前路邊空氣污染源頭主要來自專營巴士和石油氣營業車輛，排放二氧化氮量各佔整體四成。政府消息指出，環保署過去幾年以路邊遙測設備，測試在路面行走的石油氣車輛，結果有驚人發現，原來全港80％的士廢氣排放「過高」，小巴則有45％排放「過高」，最嚴重超標10倍。該署後來發現，原來這些高排放車輛的催化器已失效，以致在道路行走時排放大量廢氣。

...

曾協助政府就安裝催化器進行測試的港大機械工程學系教授梁耀彰指出，研究早已發現缺乏維修的石油氣車輛有排放超標的問題，而歐盟五期車種的碳排放表現遠勝石油氣車種；他認為應增加更多環保車種，讓業界選擇。

https://www.e123.hk/ElderlyPro/details/101525

去到最近話石油氣小巴停產，XG01標題：
石油氣小巴明年停產　改用歐盟六柴油巴　環境局：排放表現不倒退
https://www.hk01.com/%E7%A4%BE%E6%9C%83%E6%96%B0%E8%81%9E/329131/%E7%9F%B3%E6%B2%B9%E6%B0%A3%E5%B0%8F%E5%B7%B4%E6%98%8E%E5%B9%B4%E5%81%9C%E7%94%A2-%E6%94%B9%E7%94%A8%E6%AD%90%E7%9B%9F%E5%85%AD%E6%9F%B4%E6%B2%B9%E5%B7%B4-%E7%92%B0%E5%A2%83%E5%B1%80-%E6%8E%92%E6%94%BE%E8%A1%A8%E7%8F%BE%E4%B8%8D%E5%80%92%E9%80%80

根本政府自己都承認去到歐六排放係少咗好多
係閣下離晒地先覺得咁樣係止步不前

HV9990 發表於 2019-6-11 01:54
成日講環保，你估真係環保咗咩
好多嘢都係因為背後講利益架咋天真嬌
石油氣車環保咗？睇睇十幾年前新聞： ...

你估歐六車十年唔整又無事?

搵黎講啦. 何況當年換石油氣車時何來歐六呀? 有時光機呀?
你呢D 無point 搵野黎拗, 唔該諗野全面D啦.

我從無話減排要止步, 係有D 人話減排都無用架, 宜家又失憶了, 真係要去驗下有無腦退化啦

hoaaa 發表於 2019-6-10 09:57
一路講電巴, 都系偽環保人士/高層的思考, 到今日都唔practical....

中大有兩架, 但數年來, 暑假都唔見有用 ...

宜家路邊減排唔係為左減碳, 係為左等車既人唔好吸咁多污染物.

真係要減碳, 重點根本唔係D 車度, 而係發電同畜牧業. 第二個topic黎.


唔該唔好咁離地拎減碳出黎講車, 識野既真係笑死. 我就當全世界D 車都好神奇咁自己識行唔洗用電無任何碳排放, 都不如大家唔食牛肉唔好養咁多牛放咁多屁. 牛特別多放屁, 而牛屁中既甲烷溫室效應比二氧化碳勁十幾倍

Toz 發表於 2019-6-10 08:46
無人認為巴士環保左會吸引左, 因為巴士改進時乘客要求都不斷提升, 但你試下止步不前?
如果宜家等車仍要食 ...

講多次，冇人話要止步不前，冇人話要止步不前，冇人話要止步不前呀。個問題係在於喺現實可以行到幾前，唔係坐喺電腦前面就可以天馬行空架。

電巴唔係冇人試，專營巴士由RV8143開始已經試左好多年，甚至政府做左樣好好嘅野就係資助非專巴士公司試電車(魚蛋灣)，個結果出到嚟就係行唔通呀嘛，咁退一步用翻可靠嘅歐五六柴油巴士有咩問題？歐三巴士大多數喺好多年前已經裝哂催化器，suspended particulates排放已去到歐四水平，近年政府都有資助幫歐三車裝 adblue (歐四以上 ADL/Volvo要額外裝 adblue缸閣下應該知道？)，當然啦九巴係未裝哂，但裝完用一兩年就退左架車又抵玩咩？呢啲零件喺退役之後會變成固體垃圾，除非有人寧願多左固體垃圾都唔想啲污染喺條街度噴啦 (而其實歐三都唔係真係咁一文不值，只係相對歐六比較高排咁解，相對嘅)。咩點解唔退哂啲歐三出多啲歐六車嘅短視論點同理。

石油氣比柴油高排嘅論點上面講左，唔再重複。巴士多過私家車係規劃嘅問題，可以唔喺度講住先，但論排放，一架載一百人嘅巴士，點都會比一百架載一個人嘅私家車嚟得低排，私家車同巴士轉哂電動，都會有固體廢物呢個問題，唔講太多。

最後想重申，柴油 =/= 黑煙，電車一日未適應到香港環境，一日都唔會大手入。睇左兩日，我唔知道閣下理想嘅交通世界係點，但喺呢一刻，我覺得香港並唔係差到會搞到人地抖唔到氣出唔到街嗰隻，導致空氣焗促嘅熱島效應並唔係淨係因為柴油巴士嘅排放所致。

深圳市已經全面推行公交電動化，但香港仍然果足不前。時常說比亞迪可靠度低，但人家在深圳表演卻很稱職，其實只要數量大車房自然識整，但香港每款只引入三兩架，當少數民族的下場當然慘。別說比亞迪，以前中巴的AL、DD、BR等少數民族都是擺多過行。

「為左等車既人唔好吸咁多污染物」

你要限制巴士唔該就同時限制埋其他喺路面行緊既車
不過根據嗰位沒有邏輯人士既邏輯
其他車行過既污染就唔係污染，但要我等車食死氣就唔得

地鐵開門嗰下都好多懸浮粒子架，嗰啲又係咪污染物呀？

其他車一樣規管比以前更加嚴格.
唔好講柴油車, 汽油車排放標準都比二三十年前緊. 果個年代可能有D 人未出世, 但黑煙車周街都係, 宜家好左幾多你知唔知呢?

巴士的士小巴只係行先.

係有D 人係呢度玩魚蛋論, 以為其他車無減排 (本來就錯), 巴士就唔洗減排.

但巴士小巴的士排放影響等車乘客最大, 你可以唔同意咩?

以前九鐵黃頭剎車污染勁, 新車仲會唔會? 一話又係果套理論, 隔離咁多私家車行, 用新剎車都無用架啦.

PB602 發表於 2019-6-11 11:38
深圳市已經全面推行公交電動化，但香港仍然果足不前。時常說比亞迪可靠度低，但人家在深圳表演卻很稱職，其 ...

其實網上曾經傳言九公司會入比亞迪K12，但係之後話取消訂單
btw，始終唔明點解有人會認為內地製造嘅車種會有「爆炸」之言…

雙層電動巴，香港係值得引入
隨咗內地公司，點解唔考慮一下ADL公司嘅出品？
E400 EV、E500 EV，可以幫吓手搶吓內地訂單
擔心爆炸嘅，用美國公司出品嘅電池都ok
只不過成本會高一啲
香港巴士公司會唔會接受？

HE7921 發表於 2019-6-7 20:54
有，比亞迪K8S，出右軚版就可以取代ATS同ASV等短陣雙層

氫燃料電池都可以係一個好方法
至少做到真正零排放 兼 氫係無窮無盡的

英國實例：（傳送門）
2019年3月，利物浦城以640萬英鎊開展氫燃料電動巴士project
即刻問咗ADL訂最多25架E400嚟試試（放心，「差那」free—氫電池供應與整合由Arcola Energy提供）
預計2020年，首部氫燃料E400將投入Bus Alliance測試
2040年前達至零排放
連當地Metro Mayor都話「低碳經濟一年可以帶嚟20億英鎊年收益」（A low-carbon economy worth more than £2 billion a year）
你哋認為呢個方案又值唔值得香港實行？