建議開辦過海巴士路線698P

LauCT 發表於 2019-6-27 12:00
你個建議和我的差不多，但是彩虹已經有111去中環，而且西貢區沒有過海巴士路線去金鐘，所以開辦去金鐘的 ...

留意返我當時建議係經金鐘中上環，只係將軍澳我選擇入埋清半尚德。
講真清半尚德都算係避免同鐵直接競爭嘅基本盤，如果接受到兜將南甚至康城行跨灣大橋走人，最少都可以做埋清半先。
最後提提停藍田站無得避塞車，唔知你係咪想做西貢至藍田客？

tonychow 發表於 2019-6-27 22:25
留意返我當時建議係經金鐘中上環，只係將軍澳我選擇入埋清半尚德。
講真清半尚德都算係避免同鐵直接競爭嘅 ...

你個建議入面
做清水灣半島唔係問題
但特登屈入去，再兜返出來停尚德，觀感就好差

————————————————

同其他鄉村唔同
西貢公路沿線豪宅/屋苑唔少，出港島需求亦相對大
望返101M個客量，一分鐘打爆一班19座
呢班客搭101M唔搭1A，有理由相信大部分都係出港島
當你巴士食到三四成，然後加埋大埔仔11M班客，其實每10分鐘已經打得爆一架巴士
按基本盤，繁時7-8，唔靠將軍澳都夠撐

純粹係，既然條線係唔係都要經將軍澳
無理由唔順便做埋將軍澳，停多幾個站去換加班/延長服務時段
需要討論既，係將軍澳應該點行，可以花最少額外時間做到最多客

首先講隧道
望返未來道路網，會有將藍隧道同跨灣大橋
考慮到將隧東隧塞車日益嚴重，繁時線我估點都係用返將藍插隊穩陣

然後坑口將南走線

首先，坑口雖然有地鐵競爭
但人口（7.6萬）多過曬清半（<1萬）、康城（2.5萬）、尚德（4萬）、寶邑路（5萬）任何一區
睇返往績，坑口692慢成咁，都有班次上到二十幾三十個，呢個數清半點都做唔到
所以你與其兜清半，不如行影業路重華路做半圈坑口

過坑口之後，選擇三個
一係掃百勝角康城，一係直行寶邑路做海皮客，一係做尚德
三個選擇之中，寶邑路應該最快，但時間差距應該一兩分鐘內
而假若百勝角真係起公屋，百勝角+康城應該會最多客

我會首選 西貢>厚德>百勝角康城（唔特登兜入清半），做半日

繁時再開西貢公路選擇性停站既特快班次
唔經坑口，停寶邑路/尚德過港島

tonychow 發表於 2019-6-27 22:25
留意返我當時建議係經金鐘中上環，只係將軍澳我選擇入埋清半尚德。
講真清半尚德都算係避免同鐵直接競爭嘅 ...

想做西貢客，出到市區做一些坑口客丶尚德客或者東隧轉車客等等然後過海